مۇراجەتنامە

تەلقىنى

	ئەسسالامۇ - ئەلەيكۇم، ئەزىز قېرىندالار:   مېنىڭ ئىسمىم ئاينۇر ياسىن بولۇپ، ھازىر تىيەنجىن شەھەرلىك مالىيە - ئېقتىساد ئۇنۋېرىستىتىنىڭ قانۇن فاكۇلتىتى 2011 - يىللىق ئوقۇغۇچىسى. مەن ئىچكىرىي تولۇقنىڭ 3- يىللىقىدا ئوقۇۋاتقېنىمدا ئائىلەم كۈتۈلمىگەن قىسمەتكە دۇچار بولدى.شۇ يىلى دادام ياسىن ئەمەتكە ئاستا خارەكتېرلىك بۆرەك زەئىپلىشىش ، ۋە سۈيدۈكتىن زەھەرلىنىش كىسىلى، تۆتىنجى دەرىجىلىك قان بىسىم خارەكتىرلىك يۈرەك كىسىلى،ئۆپكە يۇقۇملىنىش قاتارلىق كىسەللىك بار دەپ دىئاگنوز قويۇلدى.    ئۈچ يىلدىن بىرى ئىزچىل داۋالىتىپ كەلگەن بولساقمۇ ھېچ ئۈنۈمى بولمىدى. ئائىلە ئىقتىسادىي شارائىتىمىز ئانچە ياخشى بولمىغاچقا، مەن ۋە تولۇقسىزدا ئوقۇۋاتقان ئىنىمنىڭ ئوقۇش - تۇرمۇش خىراجەتلىرى بىلەن قوشۇلۇپ، ئائىلىمىز تېخىمۇ ئىغىر كېرزىسقا پاتتى. ئانام كىسەلچان ئايال بولۇپ، مۇقۇم كىرىم مەنبەسى يوق. بۇ خىل ئەھۋالدا بىز ئۆيدىكى پۇلغا يارىغۇدەك نەرسىلەرنىڭ ھەممىسىنى ساتتۇق، ئاخىرىدا ئىلاجسىز، ئولتۇرىۋاتقان ئۆيىمىزنىمۇ سېتىۋەتتۇق. ئۇنىڭدىن باشقا يەنە نۇرغۇن قەرىزگە بوغۇلۇپ قالدۇق. ئۈچ يىلدىن بىرى قەشقەر ۋېلايەتلىك خەلىق دوختۇرخانىسدا ئىزچىل قان تازلاش ۋە بالنىستا ياتقۇزۇپ داۋالاش ئېلىپ بارغانلىقتىن، ئىلكىمىزدىكى بارلىق پۇلغا يارىغۇدەك نەرسىلەرنى ئىشلىتىپ بولدۇق. دادامنىڭ كېسىلى ئەكىسچە تېخىمۇ ئىغىرلىشىپ كەتتى. ئامالسىز ۋېلايەتلىك خەلىق دوختۇرخانىسىدىن ئاپتونۇم رايۇنلۇق تېببىي ئۇنۋېرىستىت قارمىقىدىكى 1- دوختۇرخانىغا يۆتكىدۇق، بىراق بۇندىن كېيىنكى داۋالىنىش خىراجېتىگە پەقەت ئامال قىلالمىدۇق.   مەن بىر قىز بولۇش سۈپېتىم بىلەن، قانداق قىلىشنى پەقەت بىلەلمىدىم. دوسىتلىرىم ۋە بىر قىسىم قېرىنداشلىرىمنىڭ ياردېمى بىلەن،مەكتىۋېمدىكى بارلىق ئوقۇغۇچىلاردىن ياردەم تەلەپ قىلدىم. ئەمما دوختۇرخانىنىڭ نۆۋەتتىكى داۋالاش خىراجەتلىرىنى قامداشقا ھەقىقەتەن ئامالسىز قالدىم. شۇ سەۋەپ، ئاخىرقى ئۈمدىم بىلەن بۇ مۇراجەتنامىنى قېرىنداشلىرىمغا سۇندۇم. قېرىنداشلىرىمنىڭ ياردەم قىلىشىنى چىن كۆڭلۈمدىن ئۈمۈد قىلىمەن. ئالاقېلىشىش تېلىفۇنى:13899139885 ياردەم قىلىشنى خالايدىغان قېرىنداشلىرىمىز تېببىي ئۇنۋېرىستىت قارمىقىدىكى 1- دوختۇرخانا بىرىنجى ياتاق بۆلۈمى يەتتىنجى قەۋەت بۆرەك كىسەل بۆلىمىگە بېرىپ ھەقىقىي ئەھۋالنى ئىگەللىسىمۇ، ياكى تۆۋەندىكى بانكا كارتىلىرىغا پۇل سېلىپ بەرسىمۇ بولىدۇ. سودا -سانائەت بانكېسى: 阿衣努尔.亚生 622020302057400038 يىزا - ئىگىلىك بانكېسى: 阿衣努尔.亚生 6228210890002048214 پوچتا بانكېسى: 阿衣努尔.亚生 6221881100052784483 قۇرۇلۇش بانكېىسى: 阿衣努尔.亚生 4367420067160009627 مۇناسىۋەتلىك ئىسپاتلار تۆۋەندىكىدەك: قەشقەر ۋېلايەتلىك خەلىق دوختۇرخانىسىنىڭ دىئاگىنوز نەتىجىسى ئاپتونۇم رايونلۇق تېببىي ئۇنۋېرىستىت قارمىقىدىكى 1- دوختۇرخانىنىڭ ئىسپاتى. دادام ۋە مېنىڭ كېملىكىمىز مېنىڭ ئوقۇغۇچىلىق كېنىشكەم دادامنىڭ نۆۋەتتىكى ئەھۋالى. ياردېمىڭلارغا تەلمۈرۈپ: ھۆرمەت بىلەن ئاينۇر ياسىن 2013- يىلى 03 - ئاينىڭ 06 - كۈنى ئىزاھات: يۇقاردا ياردەمگە ئىھتىياجلىق كىشى مېنىڭ تولۇقتىكى ساۋاقدېشىم بولۇپ، بۇ ئەھۋاللارنىڭ ھەقىقىي شۇنداقلا ئىنتايىن ئىغىر ئىكەنلىكىگە كاپالەتلىك قىلالايمەن. ئازراق بولسىمۇ ياردەم توپلاش مەقسىتىدە، بۇ مەزمۇنلار بلوگىمىزدا ھوزۇرىڭىزلارغا سۇنۇلدى. بىر ئاجىزەنىڭ بۇ ئوڭۇشسىزلىقلارنى يىڭىپ كىتەلىشى ئۈچۈن، بىر كىشىلىك ياردېمىڭلارنى ئايىماسلىقىڭلارنى چىن قەلبىمدىن ئۈمۈد قىلىمەن. دۇنيا پەقەت مىھرى - مۇھەببەت بولغاچقىلا شۇ قەدەر ئىللىق! مەنبەسى:تەشنايى بلوگى ئەسكەرتىش:بۇ قىز مىنىڭمۇ تولۇقتىكى ساۋاقدىشىم تەتىلدە بۇ ساۋاقدىشىم بىلەن ئالاقىلاشتىم شۇڭا بۇ ئىشنىڭ ھەقىقىي ئىكەنلىكىگە كاپالەتلىك قىلالايمەن.

KURAX.JAN

	ئاللاھ ئاسانلىق بىرەر ، دادىڭىزنىڭ بالدۇراق ساقىيىشىنى ئاللاھتىن تىلەيمەن . تاما -تاما كۆل تولا دەپتىكەن  ئازبولسىمۇ كۆڭلىمىزنى بىلدۇرەيلى قېرىنداشلار . بۇسىڭلىمىزمۇ ئوقۇشىنى ياخشى ئوقۇسۇن .

akyupurmak

	بۇنداق ئېغىر كىسەللەردىن ھەممىمىزنى يىراق قىلسۇن، يېقىندىن بۇيان مۇنداق مۇراجەتنامىلەر كۆپىيىپ قالدى، ئائىلىدە بىر كىشى كىسەل بولسا ھەمەيلەنگە پاراكەندىچىلىك،ئېغىر  ئىقتىسادىي قىيىنچىلىق. شۇڭا مەن  ئائىلىدە پەقەت  ئەرنىڭلا ئىشلەپ ئايالنىڭ قوساق تويغانغا خۇش بۇلۇپ ئۆيدە ئولتۇرۇشىنى تەشەببۇس قىلمايمەن. ئادەم دىگەن كىسەل بۇلىدۇ،ياكى  ۋاپات بۇلىدۇ، ئۇنى تۇسۇپ قېلىش بەندىنىڭ قۇلىدىن كەلمەيدۇ، ئائىلىنىڭ بارلىق يۈكى بىر ئادەمگىلا يۈكلەنسە ئۇ ئادەم مانا مۇشۇنداق قىسمەتكە دۇچار بولغاندا ئائىلە ئەزالىرى قىينىلىپ قالىدىغان گەپ

akyupurmak

	توۋا، ماۋۇ تېمىغا مىسرانىمنىڭ ۋىجدانلىق، ئىمانلىق  ئەزالىرى كىرىپمۇ قويمىدىمۇ نىمە؟  قۇرۇق گەپ ساتىدىغان غەيۋەت تۈسىنى ئالغان تېمىلار بولسا قىزىپ كىتەتتى بۇ چاغقىچە....

mahatjan

	دادىڭىزنىڭ بالدۇراق ساقىييشىنى تىلەيمەن.

kixan

	ئۇلۇغ ئاللاھ بۇ دادىمىزنىڭ كېسىلىگە شىپالىق بەرگەيلا ، ئازراق بولسىمۇ ياردەم قولىمىزنى سۇنايلى قېرىنداشلار ،

aptap104

	ياردەم قىلىمەن ئاز بولسىمۇ ؟

nehal

	ئاللا ئىگەم ئاسانلىق بېرەر يىراقتا بولغاچ ئامال قىلالمىدىم  دوسلىرىمنى بولسىمۇ سەپەرۋەر قىلىمەن

nur010

	ئاللاھ شىپالىق بەرسۇن،   تاما-تاما كۆل تۇلا دەپتىكەن كونىلار، بۇسىڭلىمىزنىڭمۇ دىلى سۇنۇپ قالمىسۇن، مىھنەتكەش دىھقان ئاتمىزنىڭ بالدۇرراق شىپا تېپشىنى تىلەيمەن.   مەن گەرچە يىراقتا بولساممۇ ئازغىنە بولسىمۇ كۆڭۈل ئىپادەمنى بىلدۈرمەن،سودا-سانائەت بانكىسنىڭ بانكا كارتسىدىدىن تاپشۇرۇپ ئالغايسىز. ھەممىمىزنىڭ قېرىنداشلىرنىڭ ئامان-ئىسەنلىكىنى،ئاتا-ئانمىزنىڭ سالامەتلىكىنى ئۇلۇغ ئاللاھ دىن تىلەپ بولسىمۇ، بۇ ساۋاپلىق ئىىشقا ياردەم قۇلمىزنى سۇنايلى دوسىتلار. ياردەم قىلىش،سەدىقە بىرىش ئىشلىرى يالغۇز ساخاۋەتچى بايلىرمىزنىڭلا مەجبۇريىتى بولماستىن ھەربىر ئىنساننىڭ  قىلىشقا تىگىشلىك ئىشىدۇر( ئەگەر قول ئىلكڭلەردە بولسا دىمەكچى مەن)