مىسرانىم مۇنبىرى باشقۇرغۇچى قوبۇل قىلىدۇ!

مىنىڭ ئادەتتە ھەركۈنى توردا بار ، ھەم بۇرۇن بەزى مۇنبەرلەردە مۇنبەر باشقۇرغۇچىسى بولغان .
ئىسمىم : ئابدۇسالام
يىشىم :21  يىشىم كىچىككەن ئەمەسمۇ .
يۇرتۇم : قەشقەر . ھازىر ئۈرۈمچىدە ئوقۇۋاتىمەن .
بىرەر مەسىلەرنى كەسكىن بىر تەرەپ قىلالىشىمدا گەپ يوق .!

كۈندە بىردىن ئەزا باشقۇرغۇچى بولۇپ باقامدۇق يا ..بۇرۇن بىزنىڭ سىنىپتا كۈندە بىر ئوقۇغۇچى سىنىپ باشلىقى بولاتتى  

ئىسىم فامىلەم- مۇختەر مۇھەممەت
يۇرتۇم: تۇرپان ،يىشىم:22 ياش
كەسپىم: قانۇن   ،ئارتۇقچىلىقىم: رەسىم لاھىيلەش، توربەت ياساش....
ئىلىگىرى مەنمۇ شۇنداق مۇنازىرە مۇنبىرىلرىنى شەخسەن قۇرۇپ چىققان، ئەمما تورنىڭ ئىتىلىپ قىلىشى سەۋەبىدىن توربېكىتىم تاقىلىپ ياخشى بىر تور ئىسمى يوق توربەت ياساشقا قۇلۇم باماي ئولتادىم~ ئەمما يىشىم كىچىك بولسىمۇ، لېكىن نۇرغۇن توربېكەت سېستىمىلىرىنى خېلى پىششىق ئۇقىمەن. تاللىنىپ قالسام ئەجەپ ئەمەس~ توردىكى ۋاقتىم ئادەتتە بىر كۈننىڭ ئون سائىتى توردا كىزىش بىلەن ئۆتىدۇ~ ئۇيغۇر توربېكەتلىرىنى نۇرغۇن ئارلاپ باقتىم، يەنىل مۇشۇ بىزنىڭ مىسرانىم ياخشىكەن~!

    ئەسسالام، مەن"مىسرانىم"نىڭ  خېلىلا يېقىن سىردىشى، گەرچە كۈندە بۇ مۇنبەر گۈلۈستانىنى قانماي سەير ئەتسەممۇ، ئەمما بىر نەچچە ئېغىز گەپ بىلەن چۈشەندۈرۈپ بولماس سەۋەبلەر بىلەن، تورلار قايتا ئېچىۋېتىلگەن يېقىنقى ۋاقىتلاردىن بۇيان ھېچبىر مۇنبەرگە ئەزا بولماي، ئۇلاردىن  تولۇق بەھىرلىنىپ كېلىۋاتقان  ئىدىم. مەنمۇ ئاددىي بولسىمۇ بىر قەلەم ساھىبى، شۇڭىمىكىن، مۇنبەرلەرگە ئىچكى تۇيغۇلىرىمنى تۆكۈپ، مۇنبەرداشلار بىلەن ئورتاقلاشمىسام، غەيرىي مىجگزلىك كىشىگە ئوخشاپ قالاتتىم.......
     بۈگۈن بۇ مۇنبەردە مەزكۇر تېمىنى كۆرۈپ يەنە"كونا كېسەل"ىم قوزغالدى! ئۆزۈم ھەققىدە كۆپ تەرىپلەشلەرنى ئېلىپ بارغۇم يوق، ئالىي مەكتەپ تولۇق كۇرس مەدەنىيەت سەۋىيىسىگە ئىگە، ئاخبارات، ئۇچۇر-تەشۋىقات، تەتقىقات ئىشلىرى بىلەن شۇغۇللىنىمەن. 10 نەچچە يىلدىن بۇيانقى ئۆمرۈم كۈندە دېگۈدەك تور دۇنياسىدا  ئۆتتى دېسەممۇ بولىدۇ. ئىلگىرىكى يىللاردا تەسىرى خېلى چوڭ مۇنبەرلەردە نەچچە يىل باشقۇرغۇچى بولغان. نېمىلا بولمىسۇن، خىزمەت، تورچىلىق، كومپىيوتېر ۋە كەسپىي جەھەتلەردە ئۆزۈمگە تولۇق ئىشىنىمەن. زۆرۈر تېپىلسا، مۇنبەر مەسئۇللىرىغا ئۆزۈم ھەققىدىكى ماتېرىياللارنى ئايرىم يوللاپ بەرسەم بولىدۇ. ئارمىنىم: ئۇيغۇر تورچىلىقىنى جانلاندۇرۇش ئۈچۈن نەچچىلىك بەدەل تۆلىسەم، بۇ مەن ئۈچۈن تامامەن ئەرزىيدۇ!
    مۇنبەر مەسئۇللىرى مۇۋاپىق كۆرسە، "مىسرانىم"ئۈچۈن ئەجىر-مېھنىتىمنى ئايىمايمەن! مۇبادا سالاھىتىم ئۇيغۇنلاشسا، باشقۇرغۇچىلىقتىن ئىبارەت بۇ"كېرەكلىك تاش" ھەر قانچە "ئېغىر" بولسىمۇ، ئۇنى ئەبەدىي "كۆتىرىش"تىن ئەسلا زارلانمايمەن!

بولدىلا  20  ياشقا  كىرگەن  مەندەك شۇمغا نىمە بار بۇ  تىمىدا
  قېنى مىسىرنىم ئۈچۈن يېڭى تىمىلارنى يېزىپ بولسىمۇ ئۆزۈمنىڭ ئارتۇقچۇلۇقىنى جارى قىلدۇراي !

ئىسمىم زىيائۇل ھەق  28 ياش قارقاش ناھىيسىدن مىللىتىمنىڭ ساپاسىغا ئالاھىدە قىززىقىمەن ئۇلارنى ھەممە قىيىنچىلىقلاردىن قۇتۇلسىكەن دەيمەن شۇنىڭ ئۇچۇن مۇبەردە باشقۇغۇچى بۇلۇپ خەلقىمنىڭ بەختى ، مىسرانىىمنىڭ تەرەققىياتى ئۇچۇن بىر كىشىلىك ھەسسەمنى قوشسام دەيمەن . ھەممەيلەنگە بەخىت يار بولغاي !!!!!

بىلگۈ بىلەن جان پولاتنى تەۋسىيە قىلىمەن ، بىلگۈ دېگەن بالىنىڭ خېلى تالانتى بار ئىكەن . جان پولات دېگەن يىتىم بەك كەسكىن . باشلىق بولۇشقا ماس كىلىدۇ .

مىنى ئويلىشىپ باقامسىلەر؟مەن تورغا جىق چىقىمەن

مەنمۇ  ،تور تاقىلىشتىن ئىلگىرى دىيارىمىزدىكى مەلۇم تور بەتنىڭ ئاكتىپ ئەزالىرىدىن بىرى ئىدىم ،مەلۇم سەۋەبلەر تۈپەيلى ئۇ توربەت  تاقىلىپ قالدى ،لىكىن  ھازىر بۇ تور بەتمۇ مىنىڭ بىر مەنىۋىي ئوزۇق ئالىدىغان گۈلزارلىقىم بولۇپ قالدى ،
مەن قەشقەردىن ،ئاخبارات ئورنىدا ئىشلەيمەن ،كۈندە قىلىدىغان ئىشىم كومپىيوتىردا بولىدىغان بولغاچقا ،كومپىيوتىرنىڭ ئالدىدا ئولتۇرىدىغان ۋاختىممۇ ئۇزۇن ،كومپىيوتىر سەۋيەممۇ يامان ئەمەس ،دۆلەتلىك 1-دەرىجىلىك كومپىيوتىر تېخنىكا ئۇنۋانى ئالغان ،دۆلىتىمىزنىڭ تور قانۇنى بىلىملىرىدىنمۇ ئاز -تولا خەۋەردار ،بىر ئاخبارات  خادىمى بولۇش سۈپىتىم بىلەن مىسرانىمنىڭ ،دۆلىتىمىزنىڭ قانۇن -سىياسەتلىرىگە زىت ئەخلەتلەردىن يىراق تۇرىشىغا شۇنداقلا ئۇيغۇر تورچىلىقىدىكى سەركە تور بەت بولۇشىغا بىر كىشىلىك ھەسسە قوشۇشنى خالايمەن ...
ئەگەر مىسرانىم قۇرغۇچىللىرى تەكلىۋىمنى ماقۇل كۆرسەڭلار ،مۇڭداشقۇ ئارقىلىق تەپسىلىي پاراڭلاشساق ،قالغان گەپلەرنى بۇ يەردە دىيىشنى ئەپ كۆرمىدىم.

بەزبىر ئاۋارچىلىقلاردىن ساقلىنىش ئۈچۈن QQ نومۇرىڭىزنى چىقىرىۋەتتىم. باشقۇرغۇچى تاللاش خىزمىتى رەسمىي باشلانغاندا، مۇنبەر قىسقا ئۇچۇرى ئارقىلىق ئالاقىلىشىمىز.

مەن مىسرانىم بىلەن تۇنۇشقىلى خېلى ئۇزۇن بولدى. بولۇپمۇ مۇنبەر سەھىپىسىنىڭ ئېچىلىشىدىن، تور يوق ۋاقىتلاردا مىسرانىمنىڭ قايتا ئېچىلىشىغىچە، بولۇپمۇ تور قاماللىقى بىكار قىلىنىپلا بۇ مۇنبەرنىڭ ئېچىلىشى مېنى تۇلىمۇ خۇرسەن قىلغان ئىدى، مەن مۇنبەردىكى بىرسىنىڭ تۇنۇشتۇرىشى بۇيىچە ئالدىنقى قاتاردا تىزىملىتىۋالغان ئىدىم، شۇنىڭدىن كېيىن مۇنبەردىن ئايرىلالمايدىغان بولۇپ قالدىم، ئىلگىرى بىر قانچە مۇنبەرلەرنى ئاچىدىغان ئادىتىم ھازىر پەقەت مىسرانىمغىلا مەركەزلىشىپ قالدى. ئۆزۈمگە كەلسەم ئىلگىرى ئۇيغۇر خەۋەر تورىنىڭ قۇرۇپ ئۇزۇن ئۆتمەي بەزىبىر چەكلىمىلىكلەر تۈپەيلى توختىتىپ قويغان، PHP wind, DISCUZ دېگەنلەرنى تور بېتىمگە قاچىلاپ ئىشلىتىپ باققان، ھازىرمۇ ئىشلىتىۋاتىمەن، شۇنداقلا ئامراق تورى www.amraq.com نىڭ باشقۇرغۇچىلىق ۋەزىپىسىنى ئۆتىگەن، كەسپىم ئاخبارات بولغاچقا تور ئاخباراتىغا ئالاھىدە زېھنىمنى بېرىپ كېلىۋاتىمەن. ئەگەر مىسرانىمنىڭ باشقۇرغۇچىسى بولغان بولسا مۇنبەر ئۈچۈن چۇقۇم كۆپ كۈچ سەرپ قىلغان بۇلاتتىم......        مېنىڭ بىر كۈندىكى ۋاقتىمنىڭ تەڭدىن تۇلىسى توردا ئۆتىدۇ. تەلەپلەرگە تۇلىمۇ لايىق ئىكەنمەن، ئەپسۇس  ياش مەسىلىسى مېنى ۋاز كېچىشكە مەجبۇر قىلىۋاتىدۇ. ئەگەر كۈنلەرنىڭ بېرىدە ئابابەكرى ئەپەندىمنىڭ كاللىسىدىن ئۆتۈپ قالسا بۇ سەپكە قېتىلىش پۇرسەتلىرى كېلىپ قالار، ياكى ئىككى يىلدىن كېيىن قايتا كۆرۈشەرمىز.........       بەكلا چۇۋالچاق بىر نەرسىلەرنى يېزىپ كەتتىم ھە!!! ئەپۇ قىلغايسىلەر                         

ئىسمىم: نازىگۈل
يۇرتۇم : كورلا
يېشىم: 24.5
كەسپىم : ئوقۇتقۇچى
قىزىقىشىم : پروزا ، شېئىرىيەت، تور

بۇرۇن ئىزچىل مەلۇم سەركە مۇنبەرنىڭ ئالىي ئەزاسى ئىدىم. ئەمدىلا باشقۇرغۇچىلىق خىزمىتىنى قولغا ئېلىپ تۇرۇشۇمغا تور قامال قىلىندى. بۇ مۇنبەرگە ئەزا بولۇپ تېمىلارغا تولا ئىنكاس يېزىپ باقمىدىم، تېمىمۇ يوللاپ باقمىدىم. بىراق سىرتتىن كۆرۈپ كېلىۋاتىمەن. سىرتتىن كۆرۈپ كېلىۋاتقىنىمغا مۇنبەر قايتا قۇرۇلغىلى قانچىلىك بولسا شۇنچىلىك بولدى. نەچچە ۋاقىتتىن بۇيان شۇنداق جىمجىت يۈرۈشۈمدە قىسمەن سەۋەبلەر بار. ناۋادا مىسرانىم مېنى ئويلىشىپ بېقىشنى قارار قىلغان بولسا، مەن ئۇ سەۋەبلەرنى چوقۇم چۈشەندۈرۈپ قويىمەن. ئەمما ، مۇنبەرگە ئوتتەك ئىشتىياقىم بار. ئىملادا قىلچىلىك سەۋەنلىك تۇغدۇرمايمەن، ئۆزۈم ئوقۇتقۇچى بولغىنىم ئۈچۈن، ئوقۇغۇچىلىرىمغا قاتتىق تەلەپ قويغانغا ئوخشاش، ئەزالارنىڭمۇ ئىملانى تۈزۈتىشى ۋە شۇنىڭدەك بىر قاتار تۈزۈملەرگە رىئايە قىلىشى ئۈچۈن كۈچۈمنىڭ يېتىشىچە تىرىشىمەن. مەن ھەرقانداق بىر شەرەپسىزلەرنى شەرەپلىك قىلىۋېتىشكە ، مۇنبەرگە ئىناقلىق ئۇرۇقلىرىنى چېچىپ، مۇنبەرلەرنىڭ سەركىسى قىلىشقا ھەرۋاقىت تەييار. نازىگۈل پو ئاتمايدۇ، قىلىمەن دىگەنىكەن، چوقۇم قىلالايدۇ.

مىنىڭغۇ شۇنداق مۇنبەر باشقۇرغۇچىسى بولغۇم بار ....كوپ شەرتلەرگە تۇشىدىكەنمەن..ئويدىمۇ ،خىزمەت ئورنىمدىمۇ تورغا چىقالايمەن..ھەم مىسرانىم مۇنبىرىنى بەكمۇ  ياخشى كۇرىمەن..ئەمما مىنىڭ مۇنبەر باشقۇرغۇچىلىقتىن كۆپ خەۋرىم يوق ، مەن مەلۇم بىر ئۇرۇننىڭ مەسئۇلى،كادىر باشقۇرۇشتا مەلۇم ئىختىدارىم بولغىنى بىلەن مۇنبەر باشقۇرۇشنى ئۇنىڭغا ئوخشىتالمايمەن....ئەمما مۇشۇ پۇرسەت ماڭا كىلىپ قالسا يەنىلا ئوز تىرىشچانلىقىم بىلەن تىزلا ئۈگىنىپ كىتىشىمگىمۇ ئىشەنجىم بار ....مەنغۇ ئەدەبىيات ھەۋەسكارى،مۇشۇمۇنبەرگە كىرگەن  قىسقىغىنە ۋاختىمدا كۆپ نەتىجىلەرگە ئېرىشتىم...مىنىڭ يەنە بىر مەزگىل ئۇزۇمنى چېنىقتۇرۇپ مۇشۇ مۇنبەر سەھنىسىدە  قەلىمىمنى  يەنىمۇ پىشۇرغۇم بار.....مىسرانىمگە رەخمەت