يوقاپ كەتتى دىمەڭلار مېنى
يوقاپ كەتتى دىمەڭلار مېنى،
يىراق ئەمەس يېقىن يەردىمەن.
قېزىۋالاي يۈرەكتىن ئىلھام،
تۈن-كېچە، تاڭ سەھەرلەردىمەن.
يوقاپ كەتتى دېمەڭلار مېنى،
شاماللارغا سۆزلىمەكتىمەن.
يۈرىكىمدە دولقۇنلاپ تۇرغان،
بىر ئىلھامنى كۆزلىمەكتىمەن.
يوقاپ كەتتى دىمەڭلار مېنى،
كۆيۈپ ئۆچكەن بىر دۆۋە كۈلمەن.
ھەقىقەتنىڭ سۇنۇق شېخىدا،
پورەك ئېچىپ توزىغان گۈلمەن.
يوقاپ كەتتى دېمەڭلار مېنى،
تار جاھانغا ھەيرانىدۇرمەن.
كېچەلەيمەن ھەتتا جېنىمدىن،
قەۋمىم ئۈچۈن پەرۋانىدۇرمەن.
يوقاپ كەتتى دېمەڭلار مېنى،
يۇلتۇزلارنى سۆيگەن كىچىمەن.
تىلى شېكەر، دىلى زەھەرگە،
زەر تون ئەمەس، كېپەن پىچىمەن.
يوقاپ كەتتى دىمەڭلار مېنى،
مەشۇق ئۈچۈن تىزىلغان سۆزمەن.
نەشتەرلىنىپ تۇرسىمۇ يۈرەك،
خەنجەر كەبى سانجىلار كۆزمەن.
.#
55u+d,
مەنبە: ئىنجىقلاپ ئاران كەلگەن قالايمىقان ئىلھام
2010-يىل 3-ئاۋغۇست، كورلا.
?4[Oh/]R [ بۇ يازما تارىم تەرپىدىن 2010-08-03 06:58 PM دە قاي ]
ئالدىنقى تىماكىيىنكى تىما