ھوللىۋوتتىكى يىڭى فىلىمنى تۈگۈتۈپ ئۇخلاش ئۈچۈن ياتاق ئۆيۈمگە ماڭغاچ تامدىكى سائەتكە قاراپ قويدۇم .سائەتنىڭ كىچىك سىتىرىلكىسى تۆتكە توغۇرلىنىپ ئازراق ئاشقانىدى ، ئىنىقكى بامدات ۋاختى ئاللىقاچان كىرىپ قالغانىدى ، لىكىن ماڭغا ھازىر ناماز ئوقۇش زادىلا خۇش ياقمايتتى . ئاتا ئانام ئورنىدىن ئورنىدىن تۇرۇشتىن بۇرۇن ياتاق ئۆيۇمگە غىپپىدە كىرىپ يىتىۋىلىشنى ئويلاپ ماڭدىم . ياتاق ئۆيۈمنىڭ ئالدىغا كىلىپ ياندىكى ئۆينىڭ چىرىقى يورۇق ئىكەنلىكىنى بايقىدىم .ئۇئۆيدە سىڭلىم تۇراتتى . ئۇنىڭ نىمە قىلىۋاتقىنىنى قارىمىساممۇ بىلەتتىم . ئۇ كىچىلىرى ناماز ئوقۇپ قۇرئان ئوقۇپ ئۆتكۈزۈشنى ئۆزىگە ئادەت قىلغانىدى ، ياتاق ئۆيۈمنىڭ ئىشىكىنى ئاۋايلاپ ئىچىشىمغا ئۇ مىنى توۋلىدى :
--ئاكا ، بۇسەنمۇ ؟ مەن ئۈنچىقمىدىم . ئاياغ تىۋىشنىمۇ چىقارماسلىق ئۈچۈن جايىمدا جىم تۇرىۋالدىم ، ئۇ ئىچىدىن چىقىپ كەلدى : -- گەپ قىلسام جاۋاپ بەرمەيسەنغۇ ئاكا ؟ بامداتنى ئوقۇدۇڭمۇ ؟
--ھەئە ئوقۇدۇم ،-- ئۇ كۆزلىرىنى باشقا ياققا تارتىۋالدى ،لىكىن ئۇ مىنىڭ يالغان سۆزلەۋاتقىنىمنى سىزىپ قالدى .
-- ئاكا ، ياتىقىمغا كىرسەڭ ، ساڭا دەيدىغان گەپلىرىم بار ئىدى .
ئىككى يىل ئىلگىرى دوختۇر ئۇكامنىڭ ئاق قان كىسلىگە گىرىپتار بولغانلىقىنى ئىيىتقان ئىدى . ئىككى يىلدىن بىرى شۇنچە ئىزدەنگەن بولساقمۇ ئۇكامغا ماس كىلىدىغان يىلىك تاپالمىغان ئىدۇق ، ئۇ دوختۇرخانىدا يىتىشنى رەت قىلىپ كەلگەنىدى ،ئۆزى بولسا كۈندىن - كۇنگە ئاجىزلاپ كىتىۋاتاتتى ، جاھاندىكى بەزى ئىشلارغا ھەيران قالىمەن . ئاتا - ئانامنىڭ ۋە مىنىڭ قان تىپىم A ، پەقەت سىڭلىمىڭلا قان تىپى o تىپلىق ئىكەن .......
ئاكا ، ھازىر سىنىڭ ماڭا ئىچىڭ ئاغرىۋاتىدىغۇ دەيمەن ؟ مىنى ئۇزۇنغا قالماي ئۆلۈپ كىتىدۇ ، دەپ مەن ئۈچۈن قايغۇرىۋاتامسەن ؟ ياق ئاكا ، قايغۇرمىغىن ، مەن رەببىمنىڭ ئالدىغا بىرىشقا تەييار بولۇپ بولدۇم . ھازىر ھەر بىر كۈنۈمنى بۇرۇنقى گۇناھلىرىم ئۈچۈن تەۋبە ، ئاللاھنىڭ رىزالىقىنى تىلەپ ئۆتكۈزىۋاتىمەن . لېكىن ئاللاھنىڭ مىنىڭ جىنىمنى قاچان ئىلىشىنى سەن قانداق بىلىسەن ؟ سىنىڭ ئاغىنەڭ پەرھاتنىمۇ ماشىنا سوقىېۋىتىپ تۈگەپ كەتتىغۇ ؟ شۇ چاغدا مەن ئاغرىق ئىدىم ،پەرھات ئاكام تىخى ماڭا ، قەيسەر غەيرەتلىك بولۇڭ سىڭلىم ، دىۋىدى ، لىكىن ئۇ ئۆزى مىنىڭ ئالدىمدا كىتىپ قالدىغۇ ؟ سەن ئاۋۋال ئۆلۈپ كىتەمسەن ، ياكى مەنمۇ بۇنى پەقەت بەر ئاللاھ بىلىدۇ ، لىكىن قاچانلا بولسۇن ساڭىمۇ بىر ئۆلۈم بار ، بۇ جاھاندا ئۆلمىگەن ئىنسان يوق . سەن رەببىمىزنىڭ ئالدىغا قانداق بىرىش ھەققىدە ئويلىنىپ كۆردىڭمۇ ؟ ئەگەر ئەتە سەن ئۆلۈپ كەتسەڭ ئاللاھنىڭ ئالدىغا قانداق بارىسەن ؟ قەدىرلىك ئاكا ، ياكى دەۋزەختە كۆيۈشكە تەييار بول ياكى ئاللاھنى رازى قىلىشقا . ئاللاھ بىزنى كۆرۈپ تۇرىدۇ ، پۈتۈن جىسمىڭ بىلەن ۋە روھىڭ بىلەن ئاللاھقا يۈزلەنگىن ، ئاللاھنىڭ رازىلىقىنى تىلىگىن ، ئاكا ....
بۇنىڭغا ئوخشاش گەپلەرنى ئۇ بۇگۇن بىرىنچى قىتىم قىلىۋاتقىنى يوق . بەلكى كىسەل كىشى مۇشۇنداق بولۇپ قالسا كىرەك ، دەپ ئويلايتتىم . ئەلۋەتتە ئۆلۇمگە يىقىنلاپ قالغان سىڭلىمغا ئازار بەرمەيتتىم .
ھازىر مەكتەپلەردە تەتىل مەزگىلى بولغاچ ئۆيىمىزگە كۈندە تۇققانلىرىمىزنىڭ كىچىك بالىلىرى ئۇنىڭدىن دەرىس ئۈگەنگىلى كىلەتتى . ئۇ بەزىدە ئۇلارغا قورئان ئوقۇشنى ئۆگىتىۋاتقانلىقى ، بەزىدە ئوقۇپ بىرىۋاتقانلىقىنى ، بەزىدە ساھابىلەرنىڭ ھىكايىلىرىنى سۆزلەپ بىرىۋاتقانلىقىنى كۆرەتتىم ، ئۇ ھىكايە سۆزلىگەندە كىچىك بالىلارغا لايىق تىلدا سۆزلەيتتى ، ئۇنىڭ سۆزلىگەن ھىكايىلىرىگە مەنمۇ قىزىقىپ قۇلاق سىلىپ قالاتتىم .
دالان ئۆيگە چىقسام ئۇ بالىلارغا قورئان ئوقۇپ بىرىۋاتقان ئىكەن . ئاخشامقى سۆھبەت تۈپەيلى سەل خجىل بولۇپ قالدىم ، شۇڭا گەپ قىلمايلا چىقىپ كەتمەكچى بولدۇم . -- ئۇكىلىرىم ، ئاكاڭلارغا سالام دەڭلار ،-دىدى سڭلىم مىنى كۆرۈپلا . -- ياق ،-- دېدى كىچىك بالىلاردىن بىرى ،-- ھەدە ، سەن ئۆزۈڭ ئۆگەتكەنغۇ ! رەسۇلۇللاھمۇ كىچىك بالىلارغا سالام قىپتىكەنغۇ ! سەن ئۆزۈڭ يالغۇز ئادەم جامائەتكە سالام قىلىشى كىرەك ، دىگەنىدىڭغۇ ؟
كىچىك بالىلارنىڭ ئالدىدا خىجىلچىلىقتا قالغىنىمنى سەزدىم . «ئەسسەلامۇ ئەلەيكۇم » دېدىم-يۇ، سىرىتقا ئۆزۈمنى ئىلىپ چىقىشقا ئالدىرىدىم ، ئۇلارنىڭ جاۋابىمۇ قۇلىقىمغا كىرمىدى .
كىچىكىمدىن تارتىپ ئاتا- ئانىمىز ئىككىمىزنى ياخشى ئىسلامىي تەربىيە بىلەن تەربىيلىگەن ئىدى. دادام بىزنىڭ ئىلىم - بىلىملىرىنىمۇ ياخشى ئىگەللەپ ، كىيىن مۇسۇلمانلارغا پايدىلىق ئىش قىلىشىمىزنى ئۈمىد قىلاتتى . ئاتا -ئانىمىزنىڭ ئۈمىدىنى يەردە قويماي سىڭلىم ئىككىمىزمۇ مەكتەپتە ناھايىتى ياخشى ئوقۇغانىدۇق . ئۇمەندىن پەقەت ئىككى ياشلا كىچىك ئىدى . مەن ئالىي مەكتەپ ئىنتىھانىدا ياخشى نۇمۇرغا ئىرىشىپ دۆلەت ئىچىدىكى بىر داڭلىق ئالىي مەكتەپكە قوبول قىلىندىم . ھەممەيلەن سىڭلىمنىمۇ ناھايىتى ياخشى نۇمۇر ئالىدۇ ، دەپ ئۈمىد كۈتۈپ تۇراتتى . ئويلىمىغان يەردىن ئالىي مەكتەپ ئىنتىھانىدىن ئىلگىرى سالامەتلىك تەكشۈرۈشتە ئۇنىڭ قان راكىغا گىرىپتار بولغانلىقى ئىنىقلانغانىدى . سىرىتتا دوسلىرىم بىلەن بىر كۈننى ئويۇن - تاماشا بىلەن ئۆتكۈزۈپ ناماز شامغا يىقىن ئۆيگە قايتىپ كەلدىم ، ئۆيدە ھىچكىم يوق ئىدى . ھەتتا ئادەتتە زادىلا سىرىتقا چىقمايدىغان سىىڭلىممۇيوق ئىدى . بىر ئاز ھەيران بولدۇميۇ ، تىلىۋزۇر كۆرگەچ ئۇلارنى كۈتۈپ تۇرماقچى بولدۇم . شۇ ئارىدا ئىشىك ئۇرۇلغان ئاۋاز ئاڭلاندى . -- تىز بول بالام ، دوختۇرخانىغا بار ، سىڭلىڭنى دوختۇرخانىغا ئىلىپ كەتتى .-- دېدى خوشنىمىز ئامىنە ھەدە كۆزىگە ياش ئىلىپ ، تولىمۇ جىددىيلەشكەن ئاۋازدا . دوختۇرخانىغا كەلگىنىمدە سىڭلىم جىددىي قۇتقۇزۇش ئۆيىدە ، ئاتا -ئانام سىرىتتا كۈتۈپ تۇرۇشقان ئىكەن . ئانامنىڭ كۆزلىرى قىزىرىپ كىتىپتۇ . بۇنداق ئەھۋال ئىلگىرىمۇ بىر قانچە قىتىم يۈز بەرگەن ئىدى . --بالام ،ئاناڭ بىلەن بىللە ئولتۇرۇپ تۇرساڭ ، مەن چىقىپ شام نامىزىنى ئوقۇۋالاي ،--دېدى دادام . -- ياق ، مەنمۇ بىللە چىقاي . بالام ، مۇشۇ يەردە تۇرۇپ تۇر ، سىڭلىڭدىن بىرەر خەۋەر بولسا داداڭنىڭ يانفۇنىغا تىلفۇن قىل .- دېدى ئانام ، كۆزلىرىدىكى ياشنى سۈرتىۋىتىپ ، مەن بىشىمنى لىڭشىتىپ ماقۇللۇق بىلدۈردۈم . جىددىي ئۆيىنىڭ ئالدىدكى ئۇزۇن ئورۇندۇقتا ئولتۇروپ خىيالغا پاتتىم . جىددىي قۇتقۇزۇش ئۆيىدىن دوختۇر ۋە سىستىرالارنىڭ ئايىغى ئۈزۈلمەيتتى . كىنولاردىكىدەك بىرىپ ئىچىدىن چىققان بىرەرىدىن «مىنىڭ سىڭلىم قانداقراق »دەپ سوراپ باققۇم كەلدىيۇ ، نىمىشقۇدۇر جۈرئەت قىلالمىدىم . ئەگەر ئۇلار سىڭلىڭ ئۆلۈپ كىتىدۇ،دىسە قانداق قىلىشىم كىرەك ؟ كۆز ئالدىمدىكى سىڭلىمغا ئالاقىدار ئەسلىمىلەر بىر - بىرلەپ ئۆتۈشكە باشلىدى . سىڭلىم كىچىكىدىن تارتىپلا يولىمۇ ئەقىللىق ئىدى . ئۇستازىمىز قۇرئان ئايەتلىرى ئۈگەتسە ئۇ بىرىنچى بولۇپ يادىلاپ بولاتتى . مەيلى ھەدىس ياكى ئەرەپ تىلى بولسۇن ، ھامان ھەممىمىز دىن ياخشى ئىدى . مەكتەپتە ھەم دائىم بىرىنچىلىكنى قولدىن بەرمەيتتى . ھىلىمۇ ئىسىمدە تۇرۇپتۇ ، ئۇ بەش ياش ، مەن يەتتە ياش چىغىمىزدا ئاتا - ئانام ناھىيىدىكى تۇققانلارنى يوقلىغىلى بارماقچى بولۇپ ئىككىمىزنى خوشنىمىزنىڭ قاراپ تۇرشىغا تاپشۇرغاندا ، ئۇ خوشنىمىزنىڭ ئۆيىدىن پۈتۈن بىر كۇن ھىچنىمە يىمىگەن ئىدى . دادام كىيىن سەۋەبىنى سورىغاندا «ھالالمۇ ئەمەسمۇ ، بىلىەلمىدىم » دەپ جاۋاپ بەرگەن ئىدى ئىسىنى بىلگەندىن تارتىپلا ئاللاھقا بولغان مۇھەببىتى كۈنسىرى كۈچىيىپ بارماقتا ئىدى . لېكىن مەن ئالىي مەكتەپكە بارغاندىن بۇيان دوسلىرىمنىڭ « ياردىمىدە »بارا-بارا ئۆزۈمنى يوقۇتۇپ قويماقتا ئىدىم . ئاتا- ئانام مەندىكى ئۆزگىرىشنى سىزىپ مەندىن ئۈمىدسىزلىنىشكە باشلىدى . ئۆزۈممۇ ئۆزۇمدىن زىرىكىشكە باشلىدىم . بۇرۇنقى ئىمان ئىچىدىكى ئۆتكەن ۋاقىتلىرىمدىكى قەلىپ خاتىرجەملىكىنى ھېچنەدىن تاپالمىدىم . ھەمىشە ئۆزۇمنى گۇناھكار ھېس قىلاتتىم . لېكىن نىمىشقىدۇر ئۆزۈمنى تارتالمايتتىم ...
ھارغان جىسمىمنى كۆتۈرۈش ئېغىر كىلىۋاتقان پۇتلىرىمنى تەسلىكتە سۆرەپ ئۆيگە قايتىپ كەلدىم . ئاتا- ئانام مىنى بىر ئاز دەم ئىلىۋال ، دەپ قايتۇرىۋەتكەنىدى . دوختۇرنىڭ ئېيتىشىچە سىڭلىم خەتەرلىك باسقۇچتىن تېخى ئۆتۈپ كەتمەپتۇ . ئۇنىڭ ھايات قىلىش ياكى قالماسلىقىدا ئۇلار بىرنىمە دىيەلمەيدىكەن .
سىڭلىمنىڭ ئاخشام ئىيىتقان سۆزلىرى قۇلاق تۈۋىمدە جاراڭلىماقتا ئىدى :«جىسمىڭ ۋە روھىڭ بىلەن ئاللاھقا يۈزلەنگىن ، ئاللاھ بىزنى كۆرۈپ تۇرىدۇ . جىىسمىڭ ۋە روھىڭ بىلەن ئاللاھقا يۈزلەنگىن ، ئاللاھ بىزنى كۆرۈپ تۇرىدۇ ...» ئۇنىڭ ياتاق ئۆيىنىڭ ئالدىغا كەلدىم ، ئىشىك ئوچۇق ئىدى . يەردە جەينەماز سىلىقلىق ، قۇرئان ، كارۋىتى ئۈستىگە قويۇلغان رېھلىدا ئوچۇق پىتى تۇرۇپتۇ :«بىرئاللاھتىن باشقا ھېچ ئىلاھ يوقتۇر ؛ئاللاھ ھەمىشە تىرىكتۇر ھەممىنى ئىدارە قىلىپ تۇرغۇچىدۇر ؛ ئۇ مۇگىدەپ قالمايدۇ ، ئۇنى ئۇيقۇ باسمايدۇ ؛ .اسمانلاردىكى ۋە زىمىندىكى ھەممە نەرسە ئاللاھنىڭ (مۇلىكى) دۇر ؛ ئاللاھنىڭ رۇخسىتىسىز كىممۇ ئاللاھنىڭ ئالدىدا شاپائەت قىلالىسۇن ؛ ئاللاھ ئۇلارنىڭ ئالدىدىكى ( يەنى دۇنيادا قىلغان ) ، كەينىدىكى ( يەنى ئۇلار ئۈچۈن ئاخىرەتتە تەييارلىغان )ئىشلارنىڭ ھەممىسىنى بىلىپ تۇرىدۇ ؛ ئۇلار ئاللاھنىڭ مەلۇماتىدىن ( ئاللا ) ئۇلارغا بىلدۈرۈشنى خالىغان نەرسىلەردىن ( يەنى پەيغەمبەرلەنىڭ تىلى ئارقىلىىق بىلدۈرگەن نەرسىلەردىن ) باشقا ھىچ نەرسىنى بىلمەيدۇ ، ئاللاھنىڭ كۇرسى ( مەلۇماتى ) ئاسمانلارنى ۋە زىمىننى ئۆزئىچىگە ئالىدۇ . ئاسمان - زىمىننى ساقلاش ئۇنىڭغا ئىغىىر كەلمەيدۇ . ئۇ يۇقىرى مەرتىۋىلىكتۇر ، ھەممىدىن ئۇلۇغدۇر . سۈرە بەقەرە 255- ئايەت } { ئىمان ئىيتىقان ، ياخشى ئەمەللەرنى قىلغان ، ناماز ئوقۇغان ، زاكات بەرگەن كىشىلەر پەرۋەردىگارىنىڭ دەرگاھىدا ( چوڭ ) ساۋاپقا ئېرىشىدۇ ، ئۇلاردا ( ئاخىرەتتە ) قورقۇنىچ ۋە غەم قايغۇ بولمايدۇ . سۈرە بەقەرە 277- ئايەت }
تازىلىق ئۆيىگە كىرىپ تاھارەت ئالدىم . ئاندىن سىڭلىمنىڭ ياتاق ئۆيىگە كىرىپ جەيناماز ئۈستىگە چىقتىم ۋە پۈتۈن زېھنىم بىلەن ئاللاھقا يۈزلەنگەن ھالدا ئىككى رەكئەت ناماز ئوقۇدۇم . قوللىرىمنى دۇئاغا كۆتۈرگەن شۇ دەقىقىلەردە خۇددى ئاللاھ ماڭا تولىمۇ يېقىندەك ھىس قىلماقتا ئىدىم . « ئى ئۇلۇغ رەببىم ، ماڭا ئىماننى سۆيۈملۈك كۆرسەتكىن . ماڭا سىنىڭ مۇھەببىتىڭنى سۆيۈملۈك كۆرسەتكىن . سۆيۈملۈك سىڭلىمنى مۇشۇ كىسەلدىن قۇتۇلۇپ كەتكىلى نىسىپ قىلغىن..... » جەيناماز ئۈستىدە قانچىلىك ئولتۇغىنىمنى بىلمەيمەن ، بىر ۋاقىتتا سىرىتتا ئاڭلانغان ئەزان ئاۋازىدىن بامدات بولۇپ قالغانلىقىنى بىلدىم ۋە بامداتنى مەسچىتتە ئوقۇش ئۈچۈن چاپىنىمنى كىيىشكە تۇتۇندۇم . شۇ ئارىدا تېلفۇن جىرىڭلىدى . --بالام ، دوختۇرخانىغا بىر كەلسەڭ سىڭلىڭنىڭ يۈزىنى كۆرىۋال،--دېدى دادام بوغۇق ئاۋازدا . تىلفۇننى تۇتقىنىمچە تۇرۇپلا قالدىم . يۈزىنى كۆرىۋال ؟ ئەجىبا سىڭلىم .... ئەجىبا سىڭلىم ......ئۇشۇنچە يامان قىز تۇرسا ، مەكتەپتە ھەتتا ئوغۇل ساۋاقداشلىرىمۇ ئۇنىڭغا ئاۋازىنى كۆتۈرۈپ گەپقىلىشقا پىتنالمايتتىغۇ ، ئۇ قانداقمۇ ...... -- ياق ، داداااااا ، مەن ئىشەنمەيمەن ، سىز يالغان ئىيتىۋاتىسىز !
--ئىننە لىللەھى ۋە ئىننە ئىلەيھى راجىئۇن ( ھەممىمىز ئاللاھنىڭ ئىلكىدىمىز ، يەنى ئاللاھنىڭ دەرگاھىغا قايتىمىز ) . سەۋر قىل بالام . سىڭلىڭنى كۆرۈۋال ....... چاپىنىمنى قانداق كىيىپ ئۆيدىن قانداق چىققىنىمنى ئۆزۈممۇ بىلمەيمەن . باشقىلارغا ھەر قىتىم « كۆردۈڭلارمۇ ، ئاۋۇ مىنىڭ سىڭلىم » دىگىنىمدە ئۆزۈمننىڭ شۇنداق بىرقىزغا ئاكا بولغىنىمدىن شۇنچىلىك پەخىرلىنەتتىم . ئۇ ھامان ھەممىدىن ياخشى ئىدى . مەكتەپ بويىچە ئۆتكۈزۈلگەن نۇتۇق سۆزلەش مۇسابىقىلىرىدە ، زىھىن سىناش مۇسابىقىلىرىدە ، ۋالىبول ، تىكتاك توپ مۇسابىقىلىرىدە .... ئۇنىڭ ئالدىغا ئۆتەلەيدىغىنى يوق ئىدى . ئەجىبا ئاشۇ سىڭلىم كىتىپ قالغانمىدۇ ؟ بىرەر قىتىم نامازنى كىچىكتۈرسەم ، ياكى بىرەر قىز ساۋاقدىشىم بىلەن پاراڭلىشىپ تۇرۇپ قالسام قاپاقلىرىنى تۈرۈپ « ھەي مۇسۇلمان ، ئاللاھتىن قوروق » دەيدىغان سىڭلىم كىتىپ قالدىمۇ ؟ ياغلىقنى چىڭڭىدە ئوراپ ، بىرەر تال چىچىنىمۇ كۆرندۈرۈپ قويمايدىغان ، تىلدا ھامان ئاللاھنى زىكرى قىلىپ تۇرىدىغان سىڭلىم كىتىپ قالدىمۇ ؟...... مەسچىتتە بامدات نامىزىنى ئوقۇۋالغاندىن كىيىن دەرھال دوختۇرخانىغا يىتىپ كەلدىم . ئۇنى ئىلىپ چىقىپ كىتىشمەكچى ئىكەن . --سىڭلىڭ تۈنۈگۈن كەچقۇرۇن دوختۇرخانىغا ئىلىپ كىلىنگەندىن بۇيان شاھادەت كەلىمىسىنى تاكى تىنىغى ئۈزۈلگىچە توختىماي زىكرى قىلىپ چىقتى ،- - دېدى دادام تۆۋەن ئاۋازدا ،-- سڭلىڭغا ئاللاھ شەھىتلەر قاتارىدىن ئورۇن بەرسۇن . بۇ ئامانەتنى ياخشى ساقلىدىم ، ئاللاھنىڭ سىڭلىڭ تۈپەيلى گۇناھلىرىمىزنى مەغفىرەت قىلىشىدىن ئۈمىد كۈتىمەن ....... سىڭلىمنىڭ چىرايىغا قارىدىم ، ئۇ تولىمۇ خاتىرجەم ، كۈلۈمسىرەۋاتقاندەك كۆرۈنەتتى . لەۋلىرى ئازراق ئوچۇق ، خۇددى ئىيتىپ بولالمىغان سۆزلىرى باردەك . ئۇ نىمە دىمەكچىدۇر ؟ شاھادەت كەلىمىسىنى داۋاملىق ئىيىتقۇسى بارمىدۇر ، ياكى ھاياتنىڭ ئەڭ ئاخىرىقى دەقىقىلىرىدە قانداقتۇر گۈزەل نەرسىلىەرنى كۆرۈپ بىزگە شۇنى ئىيتىپ بەرمەكچىمىدۇر ؟ بىزگە « بۇيەر بەكمۇ گۈزەل ئىكەن ، ئىمان ئىيىتقان ، ياخشى ئەمەللەرنى قىلغانلار قاتارىدا بولۇپ بۇ يەرگە كىلىڭلار » دىمەكچىمىدۇر ؟ ..... ۋە ياكى « بىز نىمىلا قىلمايلى ، ئاللاھ بىزنى كۆرۈپ تۇرىدۇ . جىسمىڭ ۋە روھىڭ بىلەن ئاللاھقا يۈزلەنگىن » دېمەكچىمىدۇر ....ۋەياكى شۇلارنىڭ ھەممىسىنى .......

ئى ئارام تاپقۇچى جان ! [27] . سەن پەرۋەردىگارىڭدىن مەمنۇن ، پەرۋەردىگارىڭ سەندىن رازى بولغان ھالدا ، ئۇنىڭ دەرگاھىغا قايىتقىن [28] . سەن مىنىڭ (ياخشى ) بەندىلىرىم قاتارىغا قوشولغان [29] مېنىڭ جەننىتىمگە كىرگىن [30] .
89- سۈرە ،فەجر سۈرىسى
(يۇقارقى سىز ئوقىغان ھىكايە بىر مۇساپىر قىرىنشىمىزىنىڭ رىئاللىقتا يۇز بەرگەن راست ھىكايىسىدۇر....)
مەنبە: خاتىرەمدىن
يازما يوللىغۇچى: ئەرتىل