شۇ كۈنى چۈشتىن كېيىن سۇ ئۇستى باغچىسىدا يۈرسەم بىلىنەر بىلىنمەس يەر تەۋرىدى، ئوھ! بۇ نىمە ئىش ئەمدى؟ كۆمۈر-نېفىت دىگەنلەر ما بۈگۈنكى ئىسسىقتا قىن-قىنىغا پاتماي قېلىۋاتامدۇ نىمە؟ دەپ ئويلاپ <ئالدىرماي تۇرۇش، ئاستا-ئاستا قېزىپ-شوراپ چىقىرىۋالىمىز، مۇندا ئالدىراپ كەتمىسەڭمۇ> دەپ غودۇڭشىغىنىمچە يەرنى تېپىپ قويدۇم، ئاڭغىچە كەچ كىرىپ قالاي دەپ تۇراتتى، ئاسماندا بىرنىمە ئۇچۇپ كېتىپ بارىدۇ، شۇنداااااق قارىسام، باشقۇرىلىدىغان بومبا، ئوھ!  بۇ كىمنىڭكىدۇ ئەمدى؟ دەپ يەنە بىر ئىنچىكىلەەەەپ قارىسام قۇيرۇق تەرىپىگە<<ئامېرىكا قوراما شىتاتتارى>> دەپ يېزىغلىق تۇرىدۇ، ئوھ بۇ نىمە گەپ بوپكەتتى ئەمدى؟ ئەسلى بۇ باشقۇرىلىدىغان بومبا يالغۇز بىزنىڭ ئەمەس خوشنىلانىڭمۇ ئۆگزىسىدىن ئۆتۈپتىكەن، ئۇلار مىللەتچىلىك قىلىپ <ئاۋۇ خېتىنى بىزنىڭ يېزىققا ئۆزگەرتمىسەڭ ئۆتكۈزمەيمىز> دەپ تۇرىۋاپتىكەن، ئاۋۇ ئامېرىكىلىقمۇ چۆپەيلىك قىلماي بوپتۇ ئېنجېنىرلارغا < بوپتۇ، LEDلىق چىراق بېكىتىپ، قايسى رايونغا كەلسە شۇ يەرنىڭ خېتى چىقىدىغان قىلىپ قويۇڭلار> دەپتۇ، شۇنىڭ بىلەن بۇ بومبا قازاقىستاندىن سالامەت ئۆتۈپ، بىزنىڭ ئاسمىنىمىزغا كەلگەندە، بىزنىڭ تىل-يېزىق كومىتېتىدىكىلەرنىڭ بىر قىسمى ئۇيغۇرچە يازىمىز دىسە بىرقىسمى خەنزۇچە يازىمىز دەپ تالىشىپ قاپتۇ، ئاڭغىچە ئىچىدىن بىر داناراقى چىقىپ< ئىناق جەمىيەت بەرپا قىلىمىز دەۋاتقاندىن كېيىن قوشتىللىق قىلىپلا يازمايلىما> دەپتۇ، ئۇ جۈمە كۈنى كەچقۇرۇن بولغاندىن كېيىن تەستىقلايدىغان باشلىقنى تېپىپ بولغىچە ئۇ بومبا شۇ پېتى ئۆتۈپ كەتكەن گەپ، ساڭىمۇ يوق ماڭىمۇ يوق دىگەندەك، ئاسمىنىمىزدىن ئاران بىر باشقۇرىلىدىغان بومبا ئۆتكەندە ھەجەپ بىر ئىش بولدى، يا ئا گۇيلامۇ باشقا خەقنىڭ ئاسمىنىدىن ئۆتكۈزمەي، باكا ئادەمنى مالاڭ قىلىپ، خەپ ...