مەن مۇنبەرنىڭ يېڭى ئەزاسى، تۇنجى تىمامنى كۆڭۈل خوشى يۇمۇرلار بىلەن باشلىماقچىمەن، كونا يېڭى بولسىمۇ كۈلۈپ قويارسىلەر !!!
'^)Ve:K-. .................
h@}K
BK ئەڭ يېنىك چاغ
دوختۇر: بەدەن ئېغىرلىقىڭىز قانچە كېلىدۇ؟
بىمار:68كىلۇگرام.
دوختۇر:ئەڭ ئېغىر ۋاقتىڭىزدە نەچچە كېلەتتىڭىز؟
بىمار : 85كىلوگرام.
دوختۇر : ئۇنداقتا ئەڭ يېنىك ۋاقتىڭىزدىچۇ؟
بىمار : 3.20 كىلوگرام.
aT1T.3 a تارىخ تەكرارلاندى
دادىسى : مۇ ئەللىم، مېنىڭ ئوغلۇمنىڭ تارىخ دەرسى نەتىجىسى قانداقراق ؟ ئەينى ۋاقىتتا مەن بۇ دەرسكە پەقەت قىزىقمايتىم،ھەتتا لاياقەسىزمۇ بولغانمەن ئىمتىھانلاردا.
مۇئەللىم : سىزنىڭ ئوغلىڭىزما؟........تارىخ قايتا تەكرارلىنىۋاتىدۇ.
ئۈگرىنى مەن يىمىدىم
مىھمان : كۈتكۈچى خانقىز،ماڭا بىر چىنە ئۈگرە كەلتۈرۈڭ.
كۈتكۈچى ئۈگرىنى ئەكەلدى،
مىھمان : بۇ ئۈگرىنىڭ گۆشى يېڭى ئەمەسمۇ نىمە ؟ خاپا بولماي ئۈگرىنى لەڭمەنگە ئالماشتۇرۇپ بېرەمسىز؟
كۈتكۈچى ئۇرۇنداپ بېرىپتۇ.
مىھمان لەڭمەننى ھوزۇرلىنىپ يەپ بولۇپ،ئورنىدىن تۇرۇپلا ئىشىك تەرەپكە قاراپ مېڭىپتۇ.كۈتكۈچى چاقىرىپ:
_____سىز تېخى پۇل بەرمىدىڭىز ئەپەندىم._دەپتۇ.
مىھمان : مەن لەڭمەننى ئۈگرىنىڭ ئورنىغا يىگەن تۇرسام،يەنە نىمە پۇل؟
كۈتكۈچى : بىراق سىز ئۈگرىنىڭمۇ پۇلىنى بەرمىگەن تۇرسىڭىز؟
مىھمان : مەن ئۈگرىنى يىمىگەن تۇرسام ...
كۈتكۈچى : ....................
قانۇندا بەلگىلەنگەن
خوتۇنى : ۋاي ئېسىت،ساڭا تەگكۈچە ئالۋاستىغا تەگسەمچۇ؟
ئېرى : ئۇنداقتا قانداق بولىدۇ؟ دۆلىتىمىز قانۇنىدا يېقىن ئۇرۇق-تۇغقانلار توي قىلسا بولمايدۇ دەپ بەلگىلەنگەن تۇرسا.
ئانىسىنىڭكىگە كەتتى
ئېرى دائىم دۇنيا پۇتبۇل مۇسابىقىسىنى كۆرۈپ،ئۆي بىلەن كارى بولماپتۇ، بالىغىمۇ قاراپ بەرمەپتۇ،شۇ ئاچچىقىدا ئايالى ئانىسىنىڭكىگە يامانلاپ كېتىپتۇ. ئۆيگە كەلسە قىزنىڭ دادىسى شۇ پۇتبۇل مۇسابىقىسىنى كۆرۈپ ئولتۇرغان ئىكەن، قىزى دادىسىدىن سوراپتۇ :
___ دادا،ئانام قېنى؟ كۆرۈنمەيدىغۇ؟
___ئانىسىنىڭكىگە كەتتى ،__دەپتۇ تىلۋىزۇردىن كۆزىنى ئۈزمەي.
ئەقىللىق قىز
بىر قىز كىچىك ۋاقتىدا ئاپىسىنى دوراپ ئويناشقا بەك ئامراق ئىكەن،بىر كۈنى ئاپىسى يوق پۇرسەتتىن پايدىلىنىپ ،ئاپىسىنى دوراشقا باشلاپتۇ،بۇنىڭدىن ئىچى پۇشقان ئاكىسى قەستەن سىڭلىسىنى ئوڭايسىزلاندۇرماقچى بولۇپ سىڭلىسىغا دەپتۇ:
____ سەن ئۆزۈڭنى ئاپا دەپ قالدىڭما؟ دەپ باققىنا، 99 نى 5 كە كۆپەيتسە قانچە بولىدۇ ئەمسە؟
سىڭلىسى چىرايىنىمۇ ئۆزگەرتمەستىن دەپتۇ:
___ بالام ،ھازىر مەن بەك ئالدىراش، ماڭە بېرىپ داداڭدىن سورا!
بايقاش ۋە كەشىپ قىلىش
مۇئەللىم : بايقاش بىلەن كەشىپ قىلىشنىڭ قانداق پەرقى بار؟
ئوقۇغۇچى : دادام ئاپامنى بايقىغان، كىيىن ئىككىسى بىرلىشىپ مېنى كەشىپ قىلغان.
ئۇرۇش قانداق پەيدا بولىدۇ؟
ئوغلى : دادا،ئۇرۇش قانداق پەيدا بولغان؟
دادىسى: مەسلەن فىرانسىيە بىلەن ئىتالىيە ئوتتۇرسىدا زىددىيەت پەيدا بولۇپ قالسا.
ئاپىسى : توغرا ئەمەس، فىرانسىيە بىلەن ئىتالىيەنىڭ زىددىيتى يوق.
دادىسى : مىسالەن دەۋاتىمەن،
ئاپىسى: مىسالەن دىيىشكىمۇ بولمايدۇ،بالىنى بۇنداق تەربىيلىسە بولمايدۇ.
دادىسى : ۋاي ھېچنىمە بولمايدۇ،ھېچقىسى يوق.
ئاپىسى: ھېچقىسى يوق؟ بولمايدۇ!!!!
دادىسى : ئۆچلۈگۈمنى كەلتۈرۈپ ..ئەجەب ئىچىمنى سىقتىيا ماۋۇ..
ئوغلى: دادا بولدى،مەن ئۇرۇشنىڭ قانداق پەيدا بولىدىغانلىقىنى بىلدىم.
dznHR 6x ئەسلى مۇندامىتى
بىر جۈپ ئەر ئايال ئىشىكنىڭ ئوتتۇرسىغا قىسىلىپ قالغان يوغان ساندۇقنى تارتىپ-ئىتتىرىپ خېلى ھەپىلەشكەن بولسىمۇ ،ساندۇق مىدىر سىدىر قىلماپتۇ، تاشقىرىدا تۇرغان ئېرى :
___ بولدى قىلايلى، بۇ ساندۇقنى ئۆيگەئەكىرەلمىگۈدەكمىز، _دىسە.ئۆينىڭ ئىچىدىكى ئايالى :
___ نىمە ؟ئۆينىڭ ئىچىگە؟ بالدۇر دىمەمسىز؟ مەن تېخى تالاغا ئاچىقىدىغان ئوخشايمىز دەپتىمەن،_دىگۈدەك.
kY*3)KCp ئەكسىچە بولسا
چىرايلىق بىر قىز بىر تەتقىقاتچىغا شۇنداق دەپتۇ :
___ مەن چىرايلىق سىز ئەقىللىق ،ئىككىمىز توي قىلساق بالىمىز چوقۇم ھەم ئەقىللىق،ھەم چىرايلىق بولىدۇ.
___ ئەگەر ئەكسىچە بولۇپ قالسىچۇ؟ بالا ماڭا ئوخشاش سەت،سىزگە ئوخشاش دۆت بولۇپ قالسا قانداق قىلىمىز؟ ئۇ چاغدا تېخىمۇ ئاۋارىچىلىق بولمامدۇ؟
xP%`QTl\ مەن دىمىدىم
ساراڭلار ساناتورىيەسىدە بىر ياتاقتىكى ئىككىسى پاراڭلىشىپ قاپتۇ،
___ ۋوي سەن نىمىشقا بۇنچىۋالا خوشال بولۇپ كېتىسەن ؟__ دەپ سوراپتۇ بىرسى يەنە بىرسىدىن
___ تەڭرىم مېنى سەن دۇنيادىكى ئەڭ ئەقىللىق ئادەم دېدى ._دىيىشىگە ياندىكى ياتاقتىن دەپتۇ :
____ مەن نەدە سېنى ئۇنداق دېدىم ؟؟
سۇ سۇغۇقكەن
ساراڭلارنى ئاپتاپ كۆرسۈن دەپ ھويلىغا ئاچىقىپتىكەن، ئويلىمىغان يەردىن يامغۇر يېغىپ كېتىپتۇ ، بۇنى كۆرگەن ساراڭلار چۇرقىرىشىپ يۇيۇنىمىز دەپ سەكرەپ كېتىپتۇ،ئەمما بىر ساراڭ يۇيۇنماي تامنىڭ تۈۋىدە تۇرغان،
دوختۇر بېرىپ سوراپتۇدە :
___ سەن نىمىشقا يۇيۇنمايسەن ؟
___ سۇ بەك سوغۇقكەن، ئىسسىغاندا يۇيۇنماقچىمەن ،__ دەپتۇ ساراڭ.
B f33%I~
پال ئېچىش
بىر ئادەم بازاردىكى بىر پالچىغا پال ئاچقۇزسا،پالچى سىزنىڭ ئۈچ بالىڭىز باركەن دىيىشىگە ،ھېلىقى ئادەم :
___ خاتالاشتىڭىزدە ،مېنىڭ تۆت بالام بار ،__دەپتۇ،
___ مەن خاتالاشمىدىم، دىمەك، بىر بالا سىزنىڭ ئەمەسكەن ،__ دەپتۇ پالچى.
.....................
مۇنبەردىكىلەرنى قوشۇپ قوياي دىسەم ياخشى بىلمەيدىكەنمەن، كىم مەندىن چوڭ،كىم مەندىن كىچىك، شۇڭا ئەدەبسىزلىك بولمىسۇن دەپ تۈزلا ئېيتىۋەردىم، كۈلۈپ قويۇڭلار جۇمۇ !!!
_____مۇبىشخاندىن
