ئەسسالامۇئەلەيكۇم مۇنبەر ئەھلى :
مۇنبەرگە ئەزا بولۇپ كىرگەن بولساممۇ تۈزۈك بىر ئىجادىي تېما يوللاپ باقماپتىمەن ئويلىسام ،شۇڭا قىزىقارلىق بولسۇن ئۈچۈن تۆۋەندىكى تېمىنى ئويدۇرۇپ چىقتىم ،قاملاشمىغان بولسىمۇ كۆرۈپباققايسىلەر ،باشقا غەرىزىم يوق ،بولمىغان بولسا تىللىماڭلار.gif)
:
قېرىپ ماك-ماك بوپ كەتكەن ۋۇكۇڭ ئەتراپىدا قىر-چىر قىلىشىپ ئوينىشىۋاتقان نەۋرە،كۆكۈ نەۋرىلىرىگە پەرۋاسىز ھالدا مۈگدەپ ئولتۇراتتى. ھەئە ،ئۇ ئۇستازى تاڭسېڭنىڭ ‹‹سېنى يوقلاپ بارىمەن ›› دىگەن ئۇچۇرى بويىچە ئۇ زاتنى ساقلاۋاتاتتى !
بۈگۈن خۇا گو شەن تېغىدا ساياھەتچى ھەددىدىن زىيادە كۆپ ئىدى.
بىر چاغدا بالىلارنىڭ ‹‹تاڭ بوۋام كەلدى،تاڭ بوۋام كەلدى›› دىگەن چۇقۇراشلىرى بىلەن ۋۇكۇڭ بېشىنى كۆتۈرۈپ قارىدى-يۇ ئىسىل دالا ماشىنىسىدىن ئىككى شاگىرتىنىڭ يۆلىشى بىلەن چۈشۈپ كېلىۋاتقان ئۇستازىنى كۆرۈپ دەررۇ ئورنىدىن تۇرماقچى بولغان بولسىمۇ دەماللىققا تۇرالماي ،ئۇستازىنى ئورنىدىلا كۈتۈشكە مەجبۇر بولدى .
دەرھەقىقەت ، ئۇستاز شاگىرت ئايرىلىپ نەچچە ئەسىردىن كېيىن ،قايتا كۆرۈشۈپ كۆڭۈللىرى بۇزۇلۇپ كۆز يېشى قىلىشىپ كۆرۈشتى !
بىرقۇر ئەھۋاللاشقاندىن كېيىن ۋۇكوڭ ئۇستازىنى قىممەت بولسىمۇ چىشىنى چىشلەپ ساياھەت رايونىنىڭ يۇلتۇز دەرىجىلىك مېھمانخانىسىغا باشلىدى.ئۆزىنىڭ ھۆكۈمەت يەر تەۋرەشكە چىداملىق قىلىپ سېلىپ بەرگەن ئىككى ئېغىز ئۆيىگە باشلىماقچىمۇ بولدى-يۇ غېرىپ كۇلبىسىنىڭ مۇھىت تازىلىقىنى ئويلاپ بۇ خىيالىدىن يالتىيىپ قالدى.
ئۇستازىنىڭ گۆش يىمەيدىغىنىنى بىلىدىغان قېرى ۋۇكۇڭ بىر نەچچە خىل سۇ سەي بۇيرۇتۇپ غىزالانغاندىن كېيىن مېھمانخانىنىڭ ياتىقىغا ئارام ئېلىپ مۇڭدىشىش ئۈچۈن چىقتى ۋە ئۇستازىغا :
__ ئۇستاز قېرىماي شۇ پېتى تۇرۇپسىز ،بۇنىڭدا بىرەر سىر بارمۇ قانداق ؟_ دەپ سورىدى .
__ ئامىتابا ،ئامىتابا نەدىمۇ قېرىمايدىغان ئىش بولسۇن ۋۇكوڭ ،قېرىپ كەتتۇق دەپ گەپ باشلىدى تاڭسېڭ:-
__بىز تارقىلىپ كەتكەندىن كېيىن ھۆكۈمەت مېنىڭ نوم سەپىرىمدىكى ئىپادەمنى كۆزدە تۇتۇپ يەرلىكتىكى بىر ئىبادەتخانىغا كەسپكە مەسئۇل مۇئاۋىن باش راھىب قىلىپ تەيىنلىدى،دەرىجەم مۇئاۋىن ھاكىم دەرىجىلىك ،نوم سەپىرىدىكى يىللارنى سىتاژىمغا كىرگۈزۈپ ، بىر قېتىمدىلا خېلى كۆپ ئورۇنلاشتۇرۇش پۇلى بەردى .ئۇنىڭ ئۈستىگە ئىبادەتخانىلارمۇ بازار رىقابىتىدە ساياھەت كەسپىنى يولغا قويۇپ ھال ئوقىتىمىز خېلى ياخشى ، جاپا تارتمىغاچقا ساڭا شۇنداق كۆرۈنگەن بولسام كېرەك ۋۇكۇڭ، ھە، ئۆزەڭچۇ ؟ قانداقراق تۇرىۋاتىسەن ؟سورىدى تاڭسېڭ :-
ۋۇكۇڭ:
__ھەي ، شۇ قېتىم ‹‹تاشمۇ چۈشكەن يېرىدە ئېزىز›› دىگەن ئۇيغۇر خەلق ماقال- تەمسىلى بويىچە ئۇدۇللا مۇشۇ تاغ-تۇراغا قايتىپ كەلگىنىمدىن خەۋىرىڭىز بار .يەنىلا يۇرت مېھرى ئىللىق بولىدىكەن !قېرىنداشلىرىم نەچچە يىل يۇرتنى تاشلىغىنىمنى يۈزۈمگە سالماي مېنى بېشىدا ئېلىپ كۆتەردى،يەر -زىمىن بەردى،تېخى تۇققانلارنىڭ قىزىدىن بىرسىگە ئۆيلەپمۇ قويدى ،ھەييييييييي لېكىن ئۇ بالا كىچىكلىك قىلدىمۇ ياكى مېنى قېرى ئىقتىدارسىز كۆردىمۇ ،ئاۋۇ تەسكەي تاغدىكى مايمۇنلار ئىچىدىن چىققان سولتەك تىۋىپ بىلەن مېنى داغدا قويۇپ قېچىپ كەتتى ! شۇندىن كېيىن ئايال زاتىدىن كۆڭلۈم قالدى ...كېيىن چوڭلارنىڭ سالاسى بىلەن يېشى توختىغان بىر تۇل چوكانغا ئۆيلەندىم ،تەلىيىمگە بۇ مەزلۇمۇم ناھايىتى ۋاپادار كۆيۈمچان چىقتى .،مىڭ ئەپسۇس رىزقى كالتە كېلىپ ، ئۆتكەن يىلى سۈت بېزى راكى بىلەن باقىغا سەپەر قىلدى..ھۈ ھۈ ھۈ ھۈ ..(كۆڭلى بۇزۇلدى ۋە بالىلىرىدىن بىرىگە ئۆيدىكى مىۋىدىن ياسىغان ھارىقىنى ئەكەلدۈرۈپ بىر سىركايە تولدۇرۇپ ئىچىۋالدى).
ئۇزۇن گەپنىڭ قىسقىسى ،شۇنداق قىلىپ بۇ تېغىمىزدىمۇ پائالىيەت قىلىدىغان ئىنسانلار كۆپىيىپ دەرەخلەر كېسىلىپ تۈرلۈك داچا -راۋاق دىگەندەك قۇرۇلۇشلار كۆپىيىپ ،ياشاش مۇھىتىمىز ناچارلىشىشقا تارلىشىشقا باشلىدى،ئاپەت بۇنىڭ بىلەنلا تۈگىمەي بەزى ئادەم بېدىكى دەيدىغان نائەھلىلەر قېرىنداشلىرىمىزنى تۇتۇپ چاققانلىرىنى سېرىك ئۆمىكىگە ، سېمىزلىرىنى رېستورانلارغا سېتىپ جان سانىمىزنى تالاپەتكە ئۇچراتتى ،نىھايەت، ئادەملەرنىڭمۇ ياخشىسى باركەن ،مۇھىت ئاسراش،ھايۋاناتلارنى قوغداش جەمئىيىتى دەيدىغان يەردىكى پىدائىلارنىڭ ياردىمىدە قوغدىلىدىغان بولدۇق.
ئويلىماپتىمىز ،كېلىشمەسلىك بۇنىڭ بىلەن تۈگىمەپتىكەن،تەييار تەمىنلىگەن تائاملارنى يەپ يېتىپ ،بالىلار (مايمۇنلار)
ھورۇن تەمەخور بولۇپ،خەقنىڭ قولىغا قارايدىغان ھەتتا ساياھەتچىلەرنى بۇلاپ-تالايدىغان ناچار خاھىشلارنى يۇقتۇرۇۋالدى ،بەزىلەر ھەرىكەت قىلماي تاتلىق يىمەكلىكلەرنى كۆپ يەپ دىئابىت دەيدىغان بىز ئاڭلاپمۇ باقمىغان كېسەللەرنى يۇقتىرىۋالدى .
___ ئامىتابا ، بۇ ئىشىڭلار زىنھار بولماپتۇ !ۋۇكوڭ ، خوش باجې شاسېڭلاردىن خەۋەر بارمۇ ؟
ئاخىرى داۋاملىق يوللىنىدۇ؛
مەنبە: تەسەۋۋۇرۇم
[ بۇ يازما .tuz. تەرپىدىن 2011-07-01 23:34 دە قايتا ]
