كىچىك بىر تەبەسسۇم
(ھېكايە)
شەھەرنىڭ خىلۋەت بىر كوچىسىدا كۆڭلى يېرىم، دىلى سۇنۇق بىر كىشى ئېغىر قەدەملەر ئىچىدە كېتىۋاتاتتى. كىچىك بىر قىز ئۇچرىدى ۋە ئۇ كىشىگە قاراپ تاتلىققىنە كۈلۈمسىرىدى. كىچىك قىزنىڭ بۇ كۈلۈمسىرىشىدىن ئۇ دەرتمەن كىشىنىڭ كۆڭلى ئېچىلىپ كەتتى. ئۇ كىشى كىچىك قىزغا قاراپ ئويلىنىپ تۇرۇپ قالدى ۋە يېقىندىن بۇيان ئېغىر كۈنلەردە ئۆزىگە ياردەمچى بولغان دوستلىرىدىن بىرەرسىگىمۇ رەھمەت ئېيتمىغانلىقىنى ئويلىدى.
ئۇ كىشى ئۆيىگە كەلگەندىن كېيىن، ئېغىر كۈنلىرىدە ئۆزىگە ياردەمچى بولغان دوستلىرىدىن بىرسىگە ياردەمچى بولغانلىقىغا چىن كۆڭلىدىن رەھمەت ئېيتىپ بىر پارچە خەت يازدى. دوستى خەتنى تاپشۇرۇپ ئالغاندىن كېيىن بەكمۇ خۇشال بولدى ۋە داۋاملىق بېرىپ چۈشلۈك تاماق يەيدىغان ئاشخانىدا ئىشلەيدىغان كۈتكۈچى قىزغا خېلە جىقلا سۈيۈنچە بەردى. كۈتكۈچى قىز ھاياتىدا تۇنجى قېتىم بۇ قەدەر كۆپ سۈيۈنچە ئالغان ئىدىكى، خۇشاللىقىنى ئىچ- ئىچىگە سىغدۇرالماي قالدى. قىز كەچتە ئىشتىن چۈشۈپ ئۆيىگە كىتىۋېتىپ داۋاملىق كوچىنىڭ دوقمۇشىدا ئولتۇرىدىغان كەمبىغەل كىشىنىڭ شەپكىسىگە ئالغان سۈيۈنچىسىدىن ئازىراق بۆلۈپ بەردى. ئۇ كىشى كۈتكۈچى قىزنىڭ بۇ مەرھەمىتىدىن شۇنداق خۇشال بولدىكى، تىلەمچىنىڭ بۇ خۇشاللىقىنى تىل بىلەن تەسۋىرلەش مۇمكىن ئەمەس ئىدى. چۈنكى تىلەمچى ئىككى كۈندىن بۇيان بىر نەرسە يېمىگەن بولۇپ، ئاچ قورساق ئولتۇراتتى.
تىلەمچى قوسىقىنى تويغۇزدى ۋە بىر خىل ھاياجان ئىلكىدە ئىسقېيتقىنىچە بىر بىنانىڭ يەر ئاستى قەۋىتىدىكى يالغۇز بىرلا ئېغىزلىق ئۆيىگە قاراپ مېڭىپ كەتتى. تىلەمچى ئۇ قەدەر خۇشال ئىدىكى كىتىۋېتىپ يولنىڭ چېتىدىكى بىر دالدىدا سوغوقتىن تىترەپ تۇرغان بىر كۈچۈكنى كۆردى- دە مىھرى بىلەن قۇچىقىغا ئالدى. كۈچۈك كېچىنىڭ سوغۇقىدىن قۇتۇلغىنىدىن خوشال ئىدى. كەمبەغەل كىشى ئۇ كۈچۈكنى ئۆيىگە ئېلىپ كەلدى. بۇ مىھرى شەپقەتتىن خۇشال بولغان كۇچۇك بۇ ئىسسىق ئۆيدە قېن - قېنىغا پاتماي يېرىم كېچىگىچە ئويناپ چىقتى. يېرىم كېچىدىن كېيىن بىردىنلا بىنانى تۈتۈن قاپلاپ كەتتى. بىنادا ئوت ئاپىتى يۈزبەرگەن ئىدى. ئىسنىڭ پۇرىقىنى ئالغان كۇچۇك پۈتۈن كۈچى بىلەن قاۋاشقا باشلىدى. باشتا ئۇ پېقىر كىشى ئويغاندى، ئۇندىن كېيىن بىنادىكى ھەممە كىشىلەر. ئانىلار، دادىلار ئىس - تۈتەكتىن بوغۇلۇپ قېلىش ئالدىدىكى بالا - جاقىلىرىنى ئېلىپ ئۆلۈمدىن قۇتقازدى.
بۇلارنىڭ ھەممىسى بەش تىيىنلىك قىممىتى بولمىغان بىر كىچىك تەبەسسۇمنىڭ كۈچى ئىدى.
مەنبەسى:
http://www.turkceogretimi.com/hikayeler/bir-kucuk-tebessum[ بۇ يازما alafasy تەرىپىدىن قايتا تەھرىرلەندى ]
