كېلىدۇ بىر كۈن
خوندەك
سەبرە قىل! كېلىدۇ بىر كۈن،ۋىسال قۇچۇپ باقار بىزگە،
سەبرە قىل! كېلىدۇ بىر كۈن،مۇرات كۈلۈپ ئاقار بىزگە.
ھەممە ئىشنىڭ ۋاقتى بارغۇ،پەسلى كەلمەي پىشماس غورا،
باغدا گۈللەر ئېچىلماي، گۈل غۇنچىنى كىملەر تاقار بىزگە؟!
بىر يىل دىگەن بەك قىسقا،ئۇنىڭسىز يۈگۈرەپ كەلمەس ئەسىر،
بولمىسا ھۇلۇڭ مەزمۇت؟!تاغ كەبى قامىتىڭ پاتار بىزگە.
ئىشنىڭ بېشى ياشلىق، ئۇنىڭسىز بولمىغاي ئىلىم ھاسىل،
قېرىلىق ئۈمۈتسىز باغدۇر،زەللە بولۇپ ياتار بىزگە.
ھەممە گۈلنىڭ قىممىتى بار،ھەم ھاياتلىق قىسمىتى بار،
ھىجرانلىق بولسا مۇھەببەت، نەپرەتتتىن سىناق قالار بىزگە.
ئايا دىلبەر غايىلىك بول ،نائۈمۈتلۈك شەيتان ئىشى،
تاغدىن ئاشقاندا كارۋان،مەنزىل كۈلۈپ باقار بىزگە.
مەيلى چىقسۇن بوران -چاپقۇن، دەھشەت چاقسىمۇ چاقماق،
ئاي نۇرىغا باق ، قۇياشلىق باھاردىن خەبەر ئاتار بىزگە.
يۇلتۇز يىراقتىن كۆز قىسار ،جىلۋىسى بىزنىڭ ۋەسلىمىزدۇر،
ئەي جانان سەبرە قىل! گۈزەل كىلەچەك نۇر چاچار بىزگە.
شۇ چاغ كۈلەرمىز بۇ مۇراتلىق بىزنىڭ گۈل پەسلىمىز دەپ،
سۆيگەن يۈرەكتىن سۈيۈلگەنلەر كەڭ قۇچاق ئاچار بىزگە.
ئابدۇلھەمىت داموللام شېئىرلىرىدىن:(1938- يىل).
يوللىغۇچى: خوندەك
[ بۇ يازما Eltekin تەرىپىدىن قايتا تەھرىرلەندى ]
