يىغلىما 
كۆرەلمەسلەر ئارقاڭدىن غەيۋەت قىلسا چۈشەنمەي،
يۈرۈگىڭنى ئاچچىق قىپ ،ياشىڭ تۆكۈپ يىغلىما.
يالغۇزسىراپ بەزىدە،قالساڭ ئەگەر دوستۇڭ يوق،
دەردىڭ ئېيتىپ دۈشمەنگە،ھەسرەت چىكىپ يىغلىما.
كەلسىمۇ گەر باشىڭگە،ئېغىر- ئېغىر كۈلپەتلەر،
سەۋىر قىلىپ سەن چۇقۇم،پەرياد چىكىپ يىغلىما.
سىنار ئاللاھ ھەر ۋاقىت،ھايات ھەربىر بەندىنى،
ھەق-ناھەقلەر ئالدىدا تىزىڭ پۈكۈپ يىغلىما.
ئىسىڭدە تۇت سەن شۇنى،بەش بارماق تەڭ ئەمەس،
ياخشى -يامان ئايرىماي،ئۈلپەت بۇلۇپ يىغلىما.
سۈكۈت قىلغىن بەزىدە،ئىنساپ تىلەپ ئاللاھدىن،
تەڭ بۇلۇپ ئەسكىگە،چاچىڭ يۇلۇپ يىغلىما.
بولمىسىمۇ بايلىقىڭ ھەتتا ھۇقۇق- مەنسىۋىڭ،
ئىرىشىشچۈن ئۇنىڭغا،ۋىجدان سېتىپ يىغلىما.
تۆت كۈنلۈك ئالەم بۇ ،قالار ھەممە بىر كۈنى،
يامانلىق قىپ ئۆزگىگە پۇشمان قىلىپ يىغلىما.
