سەن بولغان بولساڭ
يۈرەك باغرىم ئېزىلمەستى ،سەن بولغان بولساڭ،
بوينۇم بۇنچە قىسىلماستى ، سەن بولغان بولساڭ.
<ئاپام> دېسە باشقىلارنىڭ ئاغزىغا قاراپ،
كۆزۈمگە ياش يولىماستى سەن بولغان بولساڭ.
ئۆيمۇ زىندان بىلىنمەستى،سەن بولغان بولساڭ،
بەختىمىز ھەم كۈلەر ئىدى، سەن بولغان بولساڭ.
كۈندە مىڭ رەت سۈرىتىڭگە يېنىشلاپ قاراپ،
يۈرۈكۈم قان يىغلىماستى ،سەن بولغان بولساڭ.
كۈلەر ئىدىم قېنىپ-قېنىپ،سەن بولغان بولساڭ،
يۈرەر ئىدىم مەيدە كېرىپ ،سەن بولغان بولساڭ.
جېنىم ئانا، زەپ بىلىندى سېنىڭ يوقلۇقۇڭ،
ئېيتار ئىدىم بار دەردىمنى ،سەن بولغان بولساڭ.
سىزنى شۇنداق سېغىندىم.... جېنىم ئاپا.. ..
مەنبە: كۈندىلىك خاتىرەمدىن<ئۆزۈم>
[ بۇ يازما hokumran تەرىپىدىن قايتا تەھرىرلەندى ]
