راۋاقتىكى ئەبجەش خىياللار
خەن جۈنجيەن
1
ئىختىساسلىقلارنى تاللاش،ئىشقا قويۇشتا سەۋەنلىك ئۆتكۈزگەن-ئۆتكۈزمىگەنلىكىنى تىلغا ئېلىش زۆرۈر بولمىسىمۇ،تەكشۈرگۈچىلەر دائىم بۇنى تۇتقا قىلىۋالىدۇ،راستىنى ئىيتقاندا،ئىختىساسلىقلارنىڭ ئۆتكۈزگەن سەۋەنلىكىنىڭ ئاز-كۆپلۈكى ھەمدە يىغىلىپ قالغان بۇ سەۋەنلىكلەر ئاخىرقى ھىسابتا سىغدۇرغىلى بولمايدىغان تاقەتسىزلىككە ئىلىپ بارىدۇ.
2
جۇڭگونىڭ ئەگرى-توقاي ئۇزاق تارىخىدا باشباشتاقلىق،يەڭ سودىسىغا ئىزچىل قارشى تۇرۇپ كەلگەنلەرنىڭ كۆپىنچىسى چەتتە تۇرۇپ تاماشا كۆرۈشكە ھىرىسمەن قەلەمدارلار بىلەن خان تاجىسىغا تەشنا قوزغىلاڭچىلار بولغان.بۇ قەلەمدارلار ياكى قوزغىلاڭچىلار سەلتەنەتنى ئالغان ھامان كۆڭلىدە چوت سوقۇپ،ئۆزلىرىنى پەردازلاپ ئوتتۇرغا چىقىدۇ-دە،بىر جاڭگالنىڭ بۆرىلىرىگە ئايلىنىپ كىتىدۇ.
3
چەت ئەللىكلەر قىممەتلىك مىھمان سۈپىتىدە ئالىي ئېتىبارغا ئىرىشىدۇ،بۇ ئۆز ئادەملىرىنى كۆزگە ئىلماسلىقتىن بولسا كېرەك.ئىنسانپەرۋەرلىك ئەنئەنىسى كەمچىل ئەل ئىشەنىچ ۋە مۇھەببىتى كەمچىل ئائىلىگە ئوخشايدۇ.
4
ئېگىز پەدىگەجۇر چىقماس،ئاق نەرسىگە توپا ئوڭاي يۇقىدۇ،توغرا گەپ قۇلاققا خوش ياقماس....بۇ قەدىمكىلەرنىڭ تەسەۋۋۇرغا باي ھىكمەتلىرى.بۇلارنى بىر تاياقتا ھەيدىگەندە،سەنمۇ،مەنمۇ گاڭگىراپ قالىمىز.ئىشنى ئوڭدىن كەلتۈرەي دىسەڭ،كىشىنى خوشال قىلىدىغان ئىشلارنى كۆپرەك قىل.
5
بەزىلەر كۈنبۇيى ئەلەملىك ئاھ ئۇرۇپ يۈرىدۇ،بىلمىگەنلەر پەرۋا قىلمايدۇ.مۇۋەپپىقىيەت قازىنىش ئۈچۈن غايە تىكلىگەنلەر خوشاللىنارلىق نەتىجىگە ئېرىشىدۇ.قاراملىق،تەۋەككۈلچىلىك قىلىپ،خالىغانچە ئىش تۇتقانلار غەپلەتتە قالىدۇ.
6
ئىنسان ئۈچۈن پەللە دىگەن مەشرىقتىن مەغرىبكىچە تولۇپ تۇرۇپتۇ.ئۇ ھەركىم ئۈچۈن باشلىنىش نوقتىسى.دەريانىڭ مەنبەسى بولغىنىدەك،تارام بولۇپ ئاقاي دىگەن ئىنسانغا دېڭىزلارغا،ئوكيانلارغا قوشۇلىدىغان قابىلىيەت كىرەكتۇر.
‹نادىر فىليەتۇنلار توپلىمى›دىن ئېلىنغان.
مەنبە:شىنجاڭ قانۇنچىلىق گېزىتى.