تارىم شېئىرىيەت تورى قۇرۇلدى
تارىم شېئىرىيەت تورىنىڭ تور نامى 2011- يىلى 23-ماي ئۇچۇر كەسپى مېنىستىرلىكىنىڭ رويخەتكە ئېلىشىدىن ئۆتۈپ،تورداشلارنىڭ زىيارەت قىلىشىغا ئېچىۋېتىلدى.
بېكەت ئادرېسى:
www.sheiriyet.com تور دۇنياسىدىكى شېئىرىيەت بوستانى - تارىم شېئىرىيەت تورىنى قۇرۇشتا، نادىر ئەسەرلەرنى يىغىپ-توپلاپ، تورداشلارنىڭ ئوقۇپ بەھرلىنىشىگە سۇنۇش، ئۆگىنىش ۋە تەجرىبە ئالماشتۇرۇشقا قولايلىق يارىتىپ، ئىختىساسلىق كىشىلەرنىڭ يېتىشىپ چىقىشىغا ئىلھام بېرىش، ئۇيغۇر شېئىرىيىتىنى تور دۇنياسىغا يۈزلەندۈرۈش، داڭلىق شەخسلەرنى تونۇشتۇرۇش ئارقىلىق، ئەۋلادلار قەلبىدە ئىجتىھات بىلەن پەن-مەرىپەت ئۆگىنىپ، ۋەتەن-خەلق ئۈچۈن بارلىقىنى بېغىشلاش روھىنى يېتىلدۈرىشىگە تۈرتكە بولۇش، قانۇن بىلىملىرىنى تەشۋىق قىلىپ، خەلقىمىزنىڭ قانۇن ئېڭىنى ئۆستۈرىشىگە ياردەم بېرىش قاتارلىق مەقسەتلەر كۆزدە تۇتۇلدى.
تور بېكىتىمىزدە يېڭىلىق ۋە مەلۇمات، شېئىرىيەت گۈلزارى، نەسرىي ئەسەرلەر، تەپەككۇر گۈلشەنى،
ئونۋېرسال سەھىپە، كۆڭۈل ئېچىش ئارامگاھى قاتارلىق غول سەھىپە ۋە ئىجادىي شېئىرلار، تاللانغان شېئىرلار، مىكرو ھېكايە، فېليەتۇنلار، تەرمىلەر دۇنياسى، ماقالە-ئوبزورلار، كۆڭۈلدىكى سۆز، بەس-مۇنازىرە، ئۆزىمىزگە نەزەر، داڭلىق شەخسلەر، ھەۋەسكارلار باغچىسى، قانۇن ۋە پۇقرا قاتارلىق 30 نەچچە تۈرلۈك تارماق سەھىپە ئېچىلدى.
قېرىنداشلىرىمىزنىڭ بېكىتىمىزنى زىيارەت قىلىشىنى، پىكىر-تەكلىپ بېرىشىنى، تور دۇنياسىدىكى شېئىرىيەت بوستانىغا تەڭ پەرۋىش قىلىپ، ئورتاق گۈللەندۈرىشىنى قىزغىن قارشى ئالىمىز.
كامالىي ئېھتىرام بىلەن
تارىم شېئىرىيەت تورى
2011 -يىلى 23-ماي
