كۈندىلىك تۇرمۇشتا سىزگە تەسەللىي بېرىدىغان سۆزلەر
1. ھەر كۈنى ئۆزىڭىزگە" مەن يارايمەن "دەڭ.
2. ئېسىڭىزدە بولسۇنكى، ھەر بىر كۈن ھاياتىڭىزدىكى ئەڭ گۈزەل كۈندۇر.
3. قۇياشقا قاراڭ. شۇندىلا ئۈمىدسىزلىكنىڭ سايىسى كۆز ئالدىڭىزدىن يوقايدۇ.
4. سىز ھاۋا رايىنى ئۆزگەرتەلمەيسىز، ئەمما ئۆزىڭىزنىڭ ھاۋا رايىغا بولغان بىزار بولۇش كەيپىياتىڭىزنى ئۆزگەرتەلەيسىز.
5. ئوي-پىكىرىڭىز ھەركىتىڭىزنى، ھەركىتىڭىز ئادىتىڭىزنى، ئادىتىڭىز مىجەز-خاراكتېرىڭىزنى، مىجەز-خارەكتېرىڭىز تەقدىرىڭىزنى بەلگىلەيدۇ. بۇنىڭغا ئىشىنىڭ.
6. ئېرىشكەنلىرىڭىز بىلەن ھېسابلاشماي توختىماي تەر تۆكۈڭ، كۈنلەرنىڭ بىرىدە تۆككەن تەرىڭىزنىڭ مېۋىسىنى كۆرىسىز.
7. قولىڭىزدا بار چاغدا قەدىرلەڭ، ئايرىلىپ قالغاندا پۇشايمان قىلماڭ.
8. ھەر قانداق چاغدا ئىشىكنى يېپىپ مېڭىڭ.
9. كۈتكەن ئۈمىد قانچە چوڭ بولسا، ئۈمىدسىزلىكمۇ شۇنچە ئېغىر بولىدۇ.
10. ئەگەر ئايدىن ئايرىلىپ قالغىنىڭىزغا يىغلاپ، ئۆزىڭىزنى يوقىتىپ قويسىڭىز، ئۇنداقتا، يۇلتۇزلاردىنمۇ ئايرىلىپ قالىسىز. شۇنىڭ ئۈچۈن ئۈمىدۋار بولۇڭ.
11. تىرىشىپ ئۆگىنىڭ، بىلىملىك بولىسىز، تەنقىدتىن قورقماڭ، غەيرەتلىك بولىسىز، ئويلاپ سۆزلەڭ، ئىناۋەتلىك بولىسىز.
12. دوستنى توغرا تاللاڭ، بىر ئۆمۈر خوشال ئۆتىسىز. جورىنى توغرا تاللاڭ، بىر ئۆمۈر بەختلىك بولىسىز،كەسىپنى توغرا تاللاڭ، مۇۋەپپەقىيەت قازىنىسىز.
13. نۇر چېچىش قۇياشقىلا خاس ئەمەس، سىزمۇ نۇر چاچالايسىز.
14. ئەخمەقلەر تېنى ئارقىلىق روھىنى باشقۇرىدۇ، دانالار روھى ئارقىلىق تېنىنى باشقۇرىدۇ.
15. خوشاللىق بىر خىل پوزىتسىيە، بىر كىشى خوشال يۈرۈشنى چىن دىلىدىن نىيەت قىلسا، چوقۇم خوشال يۈرەلەيدۇ.
16.خۇشال ئۆتۈشنىڭ سىرى: سەۋەنلىكىڭىز ئۈچۈن ھەم باشقىلارنىڭ سەۋەنلىكى ئۈچۈن ئۆزىڭىزنى جازالىماڭ ھەم ئۆزىڭىزنىڭ سەۋەنلىكى ئۈچۈن باشقىلارنى جازالىماڭ.
17. كۆڭۈلسىزلىكلەر ئۆزىمىزنى باشقىلار بىلەن سېلىشتۇرۇشتىن، يەنى سېلىشتۇرغاندا ئۆزىمىز ئىگە بولالمىغان نەرسىگىلا ئېسىلىۋېلىپ، ئېرىشكەنلىرىمىزگە سەل قارىغانلىقىمىزدىن كېلىپ چىقىدۇ. شۇڭا بۇ نۇقتىغا سەل قارىماڭ.
مەنبەسى: رادىئو-تېلىۋىزىيە گېزىتىدىن ئېلىندى
[ بۇ يازما ARKZAT تەرىپىدىن قايتا تەھرىرلەندى ]
