گـەپ بـولـۇپـتـۇ
ئەخمەتجان توختى (بۆرە ئوغلى)
<گەپ بولۇپتۇ مەھەلىمىزدە گەپ بولۇپتۇ>
بىلمەپتىمەن قىز-چوكانلار سەپ سېلىپتۇ.
بىرى دەپتۇ :ئاشىق ئىدىم ئەزەلدىنلا،
دىيەلمىدىم دەي دىگۈچە تەپ بولۇپتۇ.
بىرى دەپتۇ: مەنمۇ ئاڭا كۆيۈپ يۈرگەن،
ئاھ!قەلبىمنىڭ پىنھانىدا سۆيۈپ يۈرگەن،
بىلەلمىدى بارچە قىلمىش-ئەتمىشىمدىن،
قارىماسمەن ئەمدى ئاڭا خەپ،بولۇپتۇ.
بىرى دەپتۇ:ئۆتكەن ئىدىم ئوتلۇق بېقىپ،
ئەجەپ ئەمەس قالسام ئاڭا ئوتنى يېقىپ،
بىلەلمىدى كۆزلىرىمدىن ،ئەسلى بىرى
ئاللاقاچان<< يار >>كۆڭلىنى ئەپ بولۇپتۇ.
بىرى دەپتۇ:قانداق يىگىت بىلمەيدىغان،
بىلسىمۇ يا ھىچ كۆزىگە ئىلمايدىغان،
ئاسى يۈرەك سېتىلىپتۇ يات بىرىگە،
دىمەك ئەمدى ۋىژدانىنى يەپ بولۇپتۇ.
مەيلى مېنى قانغۇچىمۇ تىللىساڭلار،
ئۆتۈنەيمەن يۈرىكىمنى تىللىماڭلار،
مۇھاببەتتە دائىم باقماس مەھەللىگە،
كەچۈرۈڭلار قىز -چوكانلار سەت بولۇپتۇ.
[ بۇ يازما مىرئادىل تەرىپىدىن قايتا تەھرىرلەندى ]
