نىمىنى ئاڭلاۋاتىمەن ، قايسى بايانلارنى ئوقۇۋاتىمەن ھە !
يۈرەكلەرنى تىترەتكەن ، ۋۇجۇدلارنى زىل - زىلگە سېلىۋاتقان ئاشۇ تەسىرلىك سۆزلەرنى قىلىۋاتقان زادى كىمدۇ ؟
ئۆزى مېيىپ بولسىمۇ قەلبى يۈكسەك ئارزۇلارغا تولغان ، روھى مىڭلىغان ، مىليۇنلىغان كىشىلەرنىڭ روھى دۇنياسىدىن ساغلام بولغان ، ئەمدىلا ياشلىق بوسۇغىسىغا قەدەم قويغان بىر ياشنىڭ كۆڭۈل سۆزلىرىكەن ئەمەسمۇ؟
ئىنسان دۇنياغا كۆز ئاچقانىكەن، تۇرمۇش قاينىمىدا تۈرلۈك-تۈمەن قىسمەتلەرگە دۈچ كېلىدۇ . ئاشۇ قىسمەتلەرگە باش ئېگىپ باشقىلارغا بېقىنىپ قۇللارچە ياشاش ۋە ياكى جاسارەت بىلەن ئۆزىنىڭ مەۋجۇتلىقىنى بىلدۈرۈپ ياشاش شۇ ئىنسانىڭ ئۈزىگە باغلىق.
مەن گەرچە مىسرانىم ئەپەندى بىلەن تونۇشقىنىمغا يېرىم يىلدىن ئاشقان ۋە مۇنبەر ئۈچۈن ئاز تولا خىزمەت قىلىۋاتقان بولسامممۇ، مىسرانىم ئەپەندى بىلەن مۇنبەر ھەققىدە ئاز تولا - پىكىر ئالماشتۇرغاندىن سىرت ئۇنىڭ شەخسى تۇرمۇش سىرلىرى ۋە ئارمانلىرى ھەققىدە تولىمۇ خەۋەرسىز يۈرۈپتىمەن. مىسرانىمنىڭ ئۆزى مېيىپ بولسىمۇ، قىيىنچىلىققا باش ئەگمەي تور دۇنياسىدا ئۇيغۇر مۇنبەرچىلىكى ئۈچۈن تىنىمسىز باش قاتتۇرۇپ، ئۇيغۇر تور بەتلىرى ئىچىدە ئالدىنىقى قاتاردا تۇرۇۋاتقان ۋە تەرەققى قىلىۋاتقان مىسرانىم تور بېكىتى (
http://www.misranim.com/) ۋە مۇنبىرىنى قۇرۇپ خەلقىمىزنىڭ مەنىۋى دۇنياسىنى بېيىتىش ئۈچۈن كۈرەش قىلىۋاتقان روھىغا ئاپىرىن ئېيتماي تۇرالمايمىز. ئۇنىڭ بۇخىل ئىگىلمەس قەيسەر روھىنى قەدىرلەيمىز، ۋە ئۇيغۇر تورچىلىقىغا قۇشۇۋاتقان تۆھپىسىگە يېقىندىن ھەمدەمدە بولىمىز .
تور دۇنياسىمۇ كۈچلۈك رىقابەتكە تولغان ، بۇ رىقابەتتە ئۈزۈپ چىقىش ئۈچۈن كۆپ ئىزدىنىشكە ، جاپاغا چىداپ كۈرەش قىلىشقا توغرا كېلىدۇ. ھەر بىر تور بىكەت قۇرغۇچى ياشلىرىمىزنىڭ ئادىل رىقابەت يۈرگۈزۈپ، ئۆز- ئارا قوللاپ، قۇۋۋەتلەپ ئۇيغۇر تورچىلىقى ئۈچۈن ئورتاق تىرىشىشىنى ئۈمىت قىلىمىز .
بارلىق تورداشلارنىڭ ئۇيغۇر توربەتلىرىنى قوللاپ ، بارلىق ئۇيغۇر مۇنبەرلىرىنىڭ ئورتاق تەرەققىي قىلىشى ئۈچۈن يېقىندىن كۈچ چىقىرىشىنى سەمىمىي ئۈمىت قىلىمەن .
ئاخىرىدا مىسرانىم ئەپەندىنىڭ بۇندىن كېيىنكى ھايات نىشانىىدا دادىل قەدەم تاشلاپ ئىلگىرلەپ ، تېخىمۇ زور نەتىجىلەرنى قولغا كەلتۈرۈشىگە ، تېنىنىڭ سالامەت ، بارلىق ئىشلىرىنىڭ ئوڭۇشلۇق بولۇشىغا تىلەكداشمەن .
ئۆرلەڭ! مىسرانىم ئەپەندى ، پارلاق كەلگۈسى سىزنى كۈتمەكتە .
[ بۇ يازما hokumran تەرىپىدىن قايتا تەھرىرلەندى ]
