ئاچچىق ھەقىقەتلەر
(مەلەك)
1-كۆرۈنۈش:رىستۇراندا ئانا باشقا ئەر بىلەن نازلىنىپ تانسا ئوينىماقتا،دادا- شۇ رىستۇراننىڭ ئايرىمخانىسىدا كۆڭۈل ئاچماقتا،بىچارە پەرزەنت_ئۆيگە كىرەلمەي،مۇزدەك سىمونت پەلەمپەيدە ئولتۇرۇپ تاپشۇرۇق ئىشلىمەكتە.
2-كۆرۈنۈش:يىزا يولىدا بىر ئانا يۈرىكىنى مۇجۇقلىغىنىچە ياتماقتا،چۈنكى بايىلا ئۆزىنىڭ قۇلىقىدىكى ئالتۇن ھالقىسىنى يۇلۇپ ئىلىۋالغان بۇلاڭچى،دەل ئۇنىڭ ئۆيدىن چىقىپ كەتكىنىگە ئون يىل بولغان ئوغلى ئىدى،ئەي رەھىمسىز رىئاللىق...ئانىنىڭ يۈرىكى بۇ ئىشقا ئىشىنەلمەيتى.
3-كۆرۈنۈش:80 ياشلاردىكى بىلى مۈكچەيگەن بوۋاي،ئىشەك ھارۋىسىغا لىق بېسىلغان يېسىۋىلەكلەرگە قاراپ كىچىك بالىدەك ھۆڭرەپ يىغلىۋەتتى،چۈنكى ئۇ يالغۇز نەۋرىسىگە پايپاق ئالغاچ كىلىشكە ۋەدە بەرگەن ئىدى.
4-كۆرۈنۈش: ئەمدىلا 17 ياشقا كىرگەن ئوغۇل ئۆينى سىيرىپ سۈپۈرۈپ،قىچىىپ چىقىپ نەشە چىكىپ،پاھىشە ئويناپ يۈرمەكتە،بىچارە ئانا ،دادىنىڭ "مانا بۇ سەن تۇغقان ئوغۇل" دەپ ۋارقىراشلىرى،تاياق-تىپىكلىرى ئاستىدا ئوغلىغا ئىنساپ تىلەپ دۇئا قىلماقتا.
5-كۆرۈنۈش:بولىشغا ھاراق ئىچىپ مەس بولغان قىز،يول ياقىسىدىكى چىملىققا يىقىلدى،ياش تاكسى شوپۇرى ماشىنىدىن چۈشۈپ ئۇنى يۆلىمەكچى بولدى،قىزدىن چىقىۋاتقان كۈچلۈك ھاراق ھىدىدىن سەسكىنىپ قىزنىى تاشلىۋەتتى،ۋە قىزنىڭ يۈزىگە شالاققىدە بىرنى تۈكۈرۈپ" ئىسىت!سەنمۇ ئۇيغۇر قىزى بولدۇڭمۇ؟ ھەي زامان ئاخىرىنىڭ ئاياللىرى مۇشۇنداق بولسا كىرەك" دېگىنىچە ماشىنىسىنى ھەيدەپ كىتىپ قالدى.
6-كۆرۈنۈش: شەھەرگە تۇغقان يوقلىغىلى كىرگەن يىزىلىق ئايال،قورسىقىنى تويغۇزۇش ئۈچۈن بىر ئاۋات ئاشخانىغا كىردى،ئەپسۇس ئۇ يىرىم سائەت كۈتكەن بولسمۇ ئالدىغا بىر پىيالە ئىسسىق چاي قۇيۇلمىدى،ئۇ بۇيرىغان موما سەيمۇ ئەكىلىپ بىرىلمىدى،ئۇ تۈكۈرىكىنى يۇتقىنىچە،ئېغىر قەدەملىرىنى سۆرەپ "ئۇچامدىكى كىيىم-كىچەككە قاراپ مۇئامىلە قىلىۋاتقان مۇشۇ كىشلەرنىڭ كۆڭلىگە ئىنساپ بەرگەيلا ئاللاھىم "دېگىنىچە چىقىپ كەتتى.
7-كۆرۈنۈش: ئانا بىلەن دادا ئەمدىلا نەچچە ئايلىق بولغان موزاينى سېتىپ پۇلىنى يىراقتا ئوقۇۋاتقان ئوغلىغا ئەۋەتتى،يىگىت پۇلنى ئىلىپلا دوستلىرى بىلەن " ئوۋ ئوۋلاشقا "چىقىپ كەتتى.
8-كۆرۈنۈش: رومال ئارتقان بىر قىز،دىسكوخانىنىڭ ئالدىغا كەلگەندە ئۇياق- بۇياققا بىر قارىۋىتىپ،ھاپىلا-شاپىلا ياغلىقىنى ئالدى،ئۇزۇن يوپكىسىنى سالدى،ئەمدىكى بۇ قىز پادىچىلار شىمى كىيگەن،چاچلىرى قىپقىزىل مودا بىر خىنىم ئىدى.ھىچىكىمنىڭ بۇ قىزنىڭ بايىقى چىرايلىق ھىجاپلانغا قىز ئىكەنلىكىگە ئىشەنگۈسى كەلمەيتى.
9-كۆرۈنۈش: بىر ئۇيغۇر قىزى خەنزۇ يىگىتنىڭ بىلىدىن قۇچاقلاپ،مۈرىسىگە بېشىنى قويۇپ ئاۋات كوچىدا ماڭماقتا،شۇ چاغدا ئۇنىڭ كاللىسىغا چاقماق تىزلىكىدە شۇ ئويلار كەلدى " ئىسىت مىنىڭ،xx جان بىلەن ئۆتۈپ كەتكەن كۈنلىرىم،ئۇ كەچكىچە ئۇنداق قىلساق بولمايدۇ،نىكاھلانماي تۇرۇپ قول تۇتۇشساق بولمايدۇيەي،چوڭلارنىڭ ئالدىدا سەت تۇرىدۇيەي" دەپ كوتۇلداپلا يۈرەتتى،زادى ئۇيغۇر مۇھەببىتىمدىن خەنزۇ مۇھەببىتىم ياخشى ھەم رومانىتىك ھەم......
10-كۆرۈنۈش: بىر ئاتا دوختۇرغا يالۋۇرماقتا : "دوختۇر ئۆتۈنۈپ قالاي،بالامنى ياتاققا ئالسىڭىز، تۈنۈگۈندىن بۇيان كارىدوردا يىتىپ قىينىلىپ كەتتى بىزگە ئىچىڭىز ئاغرىسۇن...." سۆرۈن تەلەت سېمىز دوختۇر سەت ۋارقىرىدى " بوش كارىۋات يوق دېدىمغۇ!!" ،دەل شۇ ۋاقىتتا پۇزۇر كىيىنگەن بىر خانىم دوختۇرنىڭ يانچۇقىغا بىر كونۋىرتنى سېىلىپ كۈلۈپ پىچىرلىدى،ھېىلىقى دوختۇر بايىقى ئادەمنىڭ كۆز ئالدىدىلا " بۇ خانىمنىڭ قىزىنى 5- كارىۋاتقا ھازىرلا ئورۇنلاشتۇرۇپ قويۇڭلار!"......
11-كۆرۈنۈش،چىرايلىق ھىجاپلانغان بىر قىز 5-6 ياشلاردىكى بىر قانچە گۆدەككە مىھىر بىلەن بېىقىپ شۇلارنى ئۆگەتمەكتە: ئەلىف،بەئ .......
12-كۆرۈنۈش،13-كۆرۈنۈش.............
كۆردۈممەن كۆردۈڭسەن ئانا ئاھىنى،
ئاتىنىڭ قايغۇسى،كۈلپەت- زارىنى.
پەلەكنىڭ چاقلىرى تەتۈر چۆرگىلەر،
نىمە ئىش بۇ زادى قانداق بولغىنى ؟؟
-----------مەلەك
مەنبە: مەلەك تۈركچە ئۆگىنىش بىلوگى
ئەسكەرتىش : يازمامنى كۆچۈرۈشكە رۇخسەت يوق!!!!
[ بۇ يازما hijran تەرپىدىن 2010-07-10 01:07 PM دە قا ]
 |
