روسىيە ئادەم بەدىنىنى توڭلىتىش شىركىتى KrioRus نىڭ مەسئول خادىمى (سولدا) بىلەن ئۆزىنىڭ مېڭىسىنى توڭلىتىپ، كەلگۈسىدە قايتا تىرىلمەكچى بولغان بانكىر ئوۋساچ
جۇڭگو خەۋەرلەر تورىنىڭ 3-ئىيۇل خەۋرى، شىياڭگاڭ «ۋېنخۈي گېزىتى» تورىنىڭ 3-ئىيۇل خەۋەر قىلىشىچە، روسىيەلىك بۇ يىل 35 ياشقا كىرگەن بانكىر ئۆزىنىڭ مېڭىسىنى توڭلىتىپ، پەن-تېخنىكا ئىلغارلاشقاندا، مېڭىسىنى يېڭى بىر ئادەم تېنىگە يۆتكەپ قايتا تىرىلىشنى پىلانلىغان.
ئۇ ئۆزىنىڭ ئۆلۈپ كېتىدىغانلىقىنى پەقەتلا مېڭىسىدىن ئۆتكۈزەلمىگەن ھەم نىمىشقا ئۆلۈپ كەتكۈدەكمەن، چوقۇم داۋاملىق ياشىشىم كېرەك، دەپ ئويلاپ بۇ خىل تاللاشنى توغرا كۆرگەن. شۇنداقلا ئۆزىنىڭ مەڭگۈ ئۆلگۈسى كەلمەيدىغانلىقىنى بىلدۈرگەن. خەۋەر قىلىنىشىچە، روسىيە ئادەم بەدىنىنى توڭلىتىش KrioRus شىركىتى ئادەمنىڭ چوڭ مېڭىسىنى توڭلىتىش ئۈچۈن 10 مىڭ ئامېرىكا دوللىرى ئالىدىكەن. پۈتۈن بەدەننى توڭلاتسا، 30 مىڭ ئامېرىكا دوللىرى ئالىدىكەن. نۆۋەتتە بۇ شىركەت بىلەن 30 نەپەر خېرىدار توختاملىشىپ قويغان بولۇپ، كەلگۈسىدە قايتا تىرىلمەكچى بولغان بانكىر ئوۋساچمۇ بۇنىڭ ئىچىدە ئىكەن.
بىراق بىر قىسىم مۇتەخەسىسلەر بۇ خىل قىلمىشنىڭ ئادەم ئالدايدىغان قىلمىش ئىكەنلىكىنى كۆرسىتىپ، نۆۋەتتە ئادەم ئەزالىرىنى توڭلىتىشقا يول قويۇلمايدۇ. ئەگەر ئادەمنىڭ بەدىنى ياكى بىرەر ئەزاسىنى توڭلىتىپ قويسا، ئۇ ئېرىغاندىن كېيىن ئەسلىدىكى ھالىتىنى ساقلاپ قالالمايدۇ، بىزمۇ مۇشۇ ۋاقىتقىچە پەقەتلا ھۈجەيرىنىلا ساقلىيالىدۇق، دېگەن.

مەنبە: http://news.uqur.cn/html/6383.shtml