ئامرىكىدىكى ساقچىلار ۋەزىپىگە چىققاندىن كىيىن خىزمەت تۈپەيلى تاماق ۋاقتىنى قالايمىقان ئورۇنلاشتۇرغانلىقتىن كۈندىن-كۈنگە تەبىيلا سەمىرىپ كېتىدىكەن. بولۇپمۇ قاتناش ساقچىلىرى ھەريىلى بەدەن سۈپىتى بويىچە مەشىقلەر ئورۇنلاشتۇرسىمۇ كۈندۈلۈك ھەرىكەت قىلىشى نىسبىتى ئاز بولغانلىق سەۋەبىدىن ئاسانلا سەمىرىپ كېتىدىكەن.
سەمىرىپ كېتىشنىڭ يەنە بىر مۇھىم سەۋەبى ئۇلارنىڭ تېز تاماقلارنى ۋە قەھۋەنى كۆپ ئىستىمال قىلغانلىقتىن ئىكەن. ئامرىكا ساقچىلىرىنىڭ كۈندۈلىك خىزمىتىنىڭ ئالدىراشلىقى تۈپەيلى پەقەت مۇشۇنداق يېمەكلىكلەرگە تايانماقتىن باشقا ئامال يوق ئىكەن ، ئۇنىڭ ئۈستىگە تېز تاماقخانىلارنىڭ تاماق باھاسى بەك ئەرزان بولۇپ تۆۋەن تەبىقىدىكى كىشلەرنىڭ سەمىرىپ كېتىش نىسبىتى بەكلا يۇقىرى بولۇپ بەزىلىرى نامراتلىق تۈپەيلى شۇنداق ئەخلەت يىمەكلىكلەرنى يىيىشتىن باشقا ئامال يوق ئىكەن.
ئامرىكىنىڭ فىلورىدا شىتاتىدا مۇنداق كۆرۈنۈش ھەممە يەردە ئۇچراپ تۇرىدۇ : ساقچى كىيىمىنى كىيگەن قاتناش ساقچىلىرى داھىم يول چارىلايدۇ ، تەنھەرىكەت ئاز بولغانلىقتىن كۆپلىگەن ساقچىلارنىڭ بەدىنى سۇ تۇڭىدەكلا چوڭ ، ئۇلار ساقچى كىيىم كىيىۋالغان بولسىمۇ شۇنداق روھسىز ھەم قىزىقارلىق كۆرۈنىدىكەن.
ئەمما يېڭىدىن چىققان بىر تۈزۈمدە ئۇقتۇرۇلىشىچە بۇندىن كىيىن ساقچىلارنىڭ بەدەن ئېغىرلىقى ناۋادا بەلگىلەنگەن ئېغىرلىقتىن ئېشىپ كەتسە يىللىق مۇكاپات پۇلى بېرىلمەيدىكەن. بىر ساقچى سەمىرىپ ئېغىرلىقى ئېشىپ كەتكەنلىكتىن ئىدارە تەرىپىدىن بىرىلىدىغان 500 دوللار مۇكاپات پۇلىدىن قۇرۇق قاپتۇ.
ئامرىكىدا قاتناش ساقچىسى ، جىنايى ئىشلار ساقچىسى ، ئامانلىق ساقچىلىرىنىڭ ۋەزىپىسى بەكمۇ پەرىقلىنىپ كەتمىگەنلىكتىن ئۇلارنىڭ كۈندۈلۈك ۋەزىپىسىمۇ ئېغىر بولىدىكەن ، خىزمەتتىن چۈشۈپلا ئېغىر چارچىغانلىقتىن ئۆيدە بىر ياتقانچە باشقا ھەرىكەت قىلماي ئارام ئالىدىكەن ، يەنە كىلىپ ئامرىكا شەخسىي ئەركىنلىككە بەكرەك ھۆرمەت قىلىدىغان دۆلەت بولغاچقا كىشلەر ئۆز خاھىشى بويىچە تاماق يەپ ، ھەرىكەتنى كۆپ قىلماي سەمىرىپ كېتىش نېسبىتى كۈندىن-كۈنگە يۇقىرىلاپ كېتىۋىتىپتۇ.
مەنبەسى :
