-باشلىق يەنە ھېلىقى مەكتەپنىڭ ئوقۇتقۇچىلىرى كەپتۇ،سىز بىلەن كۆرۈشىمىز دەيدۇ.
-مېنى سىرتقا خىزمەتكە چىقىپ كەتكەن ئۆگۈنلۈككە كېلىدۇ دەپ قوي.
-بولىدۇ .ئالىم ئالدىراش سىرتقا قاراپ چاپتى،ۋە ئالدىدا تۇرغان بىرمۇنچە كىشىگە:
-باشلىق تۆۋەنگە خىزمەتلەرنى كۆزدىن كەچۈرگىلى كېتىپ قاپتۇ ئۆگۈنلۈككە كېلىدىكەن دىدى مۇلايىملىق بىلەن.
-ئەمىسە مونۇ ئەرزىمىزنى باشلىققا بېرىپ قويۇڭ .ئىنىم دىگىنىچە 30ياشلارنىڭ قارىسىنى ئالغان بۇغداي ئۆڭ،قاڭشارلىق،بىرى سومكىسىدىن بىر دەپتەرنى چىقارغىنىچە ئۇنۇڭغا ئۇزارتتى.
-بولىدۇ مەن چوقۇم يەتكۈزۈپ قوياي دىگىنىچە ئۇنى قولىغا ئالدى-دە،ئۇلار بىلەن خۇشلۇشۇپ ئىشخانا تەرەپكە قاراپ يول ئالدى.ئالىم ئىشخانىغا كىرگەندىن كېيىن ھېلىقى دەپتەرنى باشلىققا ئۇزارتتى .باشلىق ئۇنىڭ قولىدىن ئۇنى خۇشياقمىغان قىياپەتتەقولىغا ئالغاندىن كېيىن بىر چەتكە تاشلاپ قويۇپ قانداقتۇر بىر خىياللارغا غەرىق بولۇشقا باشلىدى .ئۇ كۆڭلىدە توۋا بۇ كىشىلەرنى نىمىشقا ئۆز ئارا چىقىشالمايدىغاندۇر؟مۇدېرمۇ خېلى ياخشى ئادەمغۇ ؟دىگەنلەرنى خىيال قىلىپ ئۈلگۈردى .شۇ ئەسنادا ئالىم يەنە كىرىپ كەلدى ۋە شۇنۇڭغا ئوخشاش بىر دەپتەرنى باشلىقنىڭ ئالدىغا قويدى.
-بۇ نىمە ئىش يەنە سورىدى چۈشەنمىگەن قىيپەتتە باشلىق.
- يەنە ھېلىقى مەكتەپنىڭ ئوقۇتقۇچىلىرى كەپتۇ ئۇلارنى مەن سىزنى تۆۋەنگە خىزمەتلەرنى تەكشۈرگىلى كەتتى دەپ يولغا سالدىم دىدى ئالىم.
-ياخشى قىپسەن دىگىنىچە ئۇ يەنە ھېلىقى دەپتەرنى قولىغا ئالدى.دەپتەرنىڭ تېشىغا "مائارىپ ئىدارىسىغا ئەرىز "دىگەن خەتلەتلەر يېزىلغاندى. ئۇ ئەمدىلا بىر نەچچە بەت ئوقۇپ تۇرۇشىغا ئالىم يەنە پۇتى كۆيگەن توخۇدەك كىرىپ كەلدى -دە يەنە باياتىنقى گېپىنى تەكرارلىغىنىچە يەنە شۇنۇڭغا ئوخشاش بىر دەپتەرنى قويغاندىن كېيىن چىقىپ كەتتى.باشلىق سەل ئويلۇنۇپ تۇرغاندىن كېيىن قۇلىدىكىنى قويۇپ قويدى ۋە ھېلىقى دەپتەرگە نەزىرىنى ئاغدۇردى.ئۇنىڭ سىرتىغا"مەكتەپنى قۇتۇلدۇرۇۋېلىڭلار"دىگەن خەت چوڭ قىلىپ يېزىلغاندى.ئۇ قولىدىكىنى قويغاندىن كېيىن ئىككى قولى بىلەن چېكىسىنى تۇتقۇنىچە قانداقتۇر خىياللارغا كەتتى بىر ھازادىن كېيىن ئۇ سەل ئەسلىگە كەلگەندەك بولدى ۋە تەكشۈرۈش جەريانىنى بىر قۇر ئەسلەشكە باشلىدى،"توۋا ساپلا تۇتۇرۇقسىز ئىشلار ئىكەن يەنە نىمىشقا موشۇنداق ئىشلار يۈز بېرىدۇ؟ بارى يوقى 9ئۇيغۇر مەكتەپ كۈندە بىر نەچچە كىشى ئەرىز قىلىپ كېلىشىدۇ تەكشۈرۈپ كۆرسەك ساپلا تۇتۇرۇقسىز ئىشلار، بىز خەقمۇ زە ئاجايىپ بولىدىكەنمىز " ئۇلار زادى نىمە تالىشىدىغاندۇر؟زىيالى تۇرۇپ شۇنداق قىلىشسا باشقىلار قانداق قىلىدۇ ؟ھەي شۇنچە يىللاردىن بېرى بىزدە قىلچە ئۆزگىرىش بولماپتۇ ،بولدى دىگەندىمۇ ئادەمدە ئەمەس بەلكى كىيىمدە ئۆزىگىرىش بوپتۇ دېگەنلەرنى خىيالىغا كەلتۈرۈشكە باشلىدى شۇنداق قىلىپ بۇ ئىشلار كۈنسايىن كۆپىيىشكە باشلىدى شۇ تۈپەيلى بىر نەچچە قېتىملاپمەكتەپ مۇدىرلىرى ئالماشتۇرۇلدى لېكىن يەنىلا شۇ "ئەرىز"لەر تۈگەيدىغاندەك ئەمەسدى.بۇ ھال پۈتۈن شەھەرنى شەھەرلىك مائارىپ ئىدارىسىدىكىلەرنى ھەيران قالدۇرۇشقا شۇ تۈپەيلى يۇقۇرىدىن تارتىپ -تۆۋەنگىچە مەكتەپتىن ئادەم كەپتۇ دىسە ئۆزىنى چەتكە ئالىدىغان ھالەتنى شەكىللەندۈرگەندى.كۈنلەر شۇ تەرىقىدە ئۆتۈۋەردى باشلىقلارنىڭ باشلىرى قېتىپ ئامالسىز قېلىشقا باشلىدى.ئۇلارنىڭ بارلىق خىيالى بۇ باش ئاغرىقىدىن قۇتۇلۇشنىڭ يولىنى ئىزدەش بىلەن ئىدى.
مانا شەھەردە بۈگۈن تولىمۇ ئەھمىيەتلىك بىر يىغىن ئېچىلدى ، يىغىندا مەكتەپلەرنى ئۆزئارا قوشۇۋېتىش قارار قىلىندى .
ئۇ كۆڭلىدە ئەمدى مەكتەپلەر تىنجىپ قالىدىغان بولدى دىگەنلەرنى خىيالىغا كەلتۈرۈپ ئۈلگۈردى ،دەرۋەقە شۇندىن ئېتىبارەن "مۇدېر بىزنى بوزەك قىلدى"،" مەكتەپنى قۇتقۇزۇۋېلىڭلار"دىگەندەك ئەرىزلەر كەلمەيدىغان بولۇپ قالدى ئىدارە باشلىقىمۇ بۇرۇنقىدەك "مېنى يوق دەپ قوي"دەيدىغان سۆزلەرنى قىلمايدىغان بولدى قارىغاندا باش ئاغرىقى تۈگىگەندەك قىلاتتى.(مەنبە ئۆزۈم)
[ بۇ يازما پادىشاھ تەرىپىدىن قايتا تەھرىرلەندى ]
