قۇلاقنى يارغۇدەك شارقىرىغان ئاۋاز بىلەن، ئۈستىدىن قارىسا خۇددى ئاغزى ئوچۇق قازانغىلا ئوخشايدىغان بۇ يېزا بىردەمدىلا سۇ ئاستىدا قالدى. دەرەخلەرنىڭ غاراسلاپ سۇنغان، ئۆيلەرنىڭ گۈمۈرۈلگەن، قويلارنىڭ مەرىگەن، كالىلارنىڭ مۆرىگەن ئاۋازلىرى كىشىلەرنىڭ يىغلىغان، ۋارقىرىغان، كىملەرنىدۇر چاقىرغان ئېچىنىشلىق ئاۋازلىرى بىلەن ئارىلىشىپ كەتكەن ئىدى. شۇ ئەسنادا تونۇش، تەئەددى بىر ئاۋاز ئېنىقلا جاراڭلىدى: iHE0N6%q  
— بالام غەپلەت ئۇيقۇسىنى ئۇخلاۋەرمەي تۇر ئورنۇڭدىن! تاغلىق يېزاڭنى سۇ باستى. سېنى ئىللىق باغرىدا چوڭ قىلغان، بېشىغا ئېلىپ كۆتۈرگەن يۇرتداشلىرىڭ ياردىمىڭگە موھتاج! *Z]5!$UpC  
يالقۇن ھاكىم چۆچۈپ ئويغاندى، ‹‹نېمە دېگەن قورقۇنچلۇق چۈش بۇ – ھە؟ مەرھۇم دادام چۈشۈمگە كىرمىگىلى ئۇزاق بولغان، روھى يۆلىگەي!›› ئۇ شۇلارنى ئويلاپ يۈز – كۆزىدىكى تەرنى سۈرتكەچ ئورنىدىن تۇرۇپ دېرىزە ئالدىغا كەلدى، سىرتتا يامغۇر يېغىۋاتاتتى، دېرىزە ئەينىكىگە تاراسلاپ ئۇرۇلۇپ سىرغىپ چۈشۈۋاتقان يامغۇر سۈيى ئۇنىڭغا خۇددى ھېلىلا چۈشىدە كۆرگەن كىشىلەرنىڭ كۆز يېشىدەك تۇيۇلۇپ كەتتى. 4f4 i1i:  
— تاڭ ئېتىشقا تېخى خېلى ۋاقىت بار، نەچچە كۈندىن بېرى كەلكۈندىن مۇداپىئە كۆرىمىز دەپ قاتراپ يۈرۈپ چارچاپ قالغاندەك تۇرىسىز، شۇڭا قارا باسقان ئوخشايدۇ، ياخشىراق ئۇخلىۋالسىڭىزلا ئوڭشىلىپ قالىسىز، – دېدى ئۇنىڭ چۆچۈشىدىن ئەندىكىپ ئويغانغان ئايالى. 9n>$}UI\  
— بۇ يامغۇر ياخشىلىقنىڭ بېشارىتى ئەمەس، چاپسان يامغۇرلۇق چاپىنىم بىلەن رېزىنكە ئۆتۈكىمنى تەييارلاڭ، – ئۇ ئايالىغا شۇنداق دېگەچ جىددىي كىيىندى. ئاندىن شوپۇرىنى چاقىردى، كاتىپىغا ئاپەتنىڭ ئالدىنى ئېلىش قوماندانلىق ئىشتابىدىكى خادىملارنىڭ ‹‹ جىددىي ھالەتكە ›› ئۆتۈشىنى تاپىلىدى. ھايالشىمايلا تاپىلاشلار بەجانىدىل ئورۇندالدى. شۇنداق قىلىپ ئۇ تاغلىق يېزىغا تاڭ ئاتماستىلا يۈرۈپ كەتتى. بۇ چاغدا يامغۇر تېخىمۇ كۈچەيگەنىدى...