ياخشى يېزىلغان ئەسەركەن .ئاۋازلىقىنىمۇ ئەستايىدىل ئاڭلاپ چىقتىم.نادىرلانسا بولىدۇ دەپ ئويلايمەن.
ھىكايىنى ئەستايىدىل ئوقۇپ چىقتىم.بەك تەسىرلىككەن .ۋەقەلىك ئىختىيارسىزئادەمنى ئويلاندۇرىدىكەن ھەم ئېچىندۇرىدىكەن.
ئاتا - دېگەن بىر تۈپ سۆيگۈ دەرىخى،ئاتا- دېگەن تۇرمۇش مۇشكۈللىرىنى يېڭىشىمىزدىكى مەدەتكار.
تالاي مۈشكۈللىرمىزدە، ئىللىق سىماسى بىلەن بىزگە مەدەتكار بولۇپ،ئىشەنچى ۋە ئۈمىد بېغىشلاۋاتقىنى ئەنە شۇ ئاتا.
مەغلۇبىيەت تاغلىرى يەلكىمىزدىن باسقاندا ،مىيقىدا كۈلۈمسىرشى بىلەن ،ھەممىگە چىدىۋەتكەن ئەنە شۇ ئاتا.
مۈشكۈللەردە ، ھەققانىيەت يوللىرىدا مەيدىسىنى كىرىپ ئوتتۇرىغا چىقىدىغىنى يەنە شۇ ئاتا.
ئاتىلار ئۇلۇغ ، ئۇلارنىڭ ئۇلۇغلۇقى شۇ يەردىكى ،ئۇلارنىڭ مۇھەببىتى داۋراڭسىز ،ئۇلارنىڭ مۇھەببىتى يەر قېتىدىن سىرغىپ چىققان بولاقتەك ئەنە ئاشۇنداق ئۈنسىز،توختاۋسىز قەلبىمىزگە سىڭىپ تۇرىدۇ.ئۇلار يۆلىنىدىغان تېغىمىز. ئۇلار يايلايدىغان بېغىمىز.
بىزئاتا دېگەن تاغ ، ئاتا دېگەن باغ دەپ تەرىپلەيمىز.تاغ باغنىڭ ھەر قانداق بوران - چاپقۇن ، قىيانلارنىڭ خەۋپىگە
ئۇچرىماسلىقنى كاپالەتكە ئىگە قىلىدۇ.مانا بۇ ئاتىلار رۇھىي.ئۇلار چەكسىز بەرداشلىق بىرىش كۈچىگە ئىگە.ئاتىلار سالامەت بولسا بىزنىڭ چىرايىمىزمۇ گۈلگۈن كۆرىنىدۇ.
بىز ئۈچۈن ھەممە نېمىسىنى ئاتىۋەتكەن ئاشۇ ئاتىلارغا نېمە قىلىپ بەردۇق.بۇ ھەقىقەتەنمۇ ئۆزىمىزدىن سوراپ بېقىشقا تېگىشلىك مەسىلە.ئاتىڭىزنىڭ سىماسىنى كۆز ئالدىڭىزغا كەلتۈرۈڭ - دە.ئۇنىڭغا نېمە قىلىپ بەرگەنلىكىڭىزنى ئويلاپ بېقىڭ.قەلبىڭىز كۈلىۋاتامدۇ ياكى يىغلاۋاتامدۇ؟
ئەڭ بولمىغاندا بىر پىيالە ئىسىق چاي،ئەڭ بولمىغاندا بىر ئېغىز سلىق گەپ بەلكىم ئۇنىڭ،قەلىبلىرىگە كۈلكە بېغىشلاپ، بىر دەقىقە ھەتتا ئۆمۈر بۇيى ئېسىدىن چىقمىغۇدەك ئەسلىمە قالدۇرشى مۇمكىن.
دۇنيادا ئاتىلار ئىنتايىن ئۇلۇغ. ئۇ بىز ئۈچۈن ، بىز يايراۋاتقان يېشىللىقنىڭ ھاياتى كۈچىنى ئۇرغۇتىدۇ.بىز ئۇلارنىڭ ئۇلۇغلۇقى ھەققىدە توۋلاشقا ھەقلىق، يېزىشقا ھەقلىق كۈيلەشكە ھەقلىق.
ئاتىلار ياش تۆكمىسۇن،ئاتىلارنىڭ قەلبى پۇچلانمىسۇن،ئوبرازى تەسىگە ئۇچرىمىسۇن،غۇرۇرى خۇرلانمىسۇن.بىز ئۇلارغا مۇھتاج ، ئانىلىرىمىزمۇ ئۇلارغا مۇھتاج.
بىز ئىڭە دەپ بۇ دۇنياغا كۆز ئاچقاندىن باشلاپ،ئاتا - ئانىمىز بىزنىڭ زاكىمىزنى يۇيۇپ، ئۆزلىرى يېمەي- ئىچمەي بىزنى قاتارغا قوشىدۇ،بىزنىڭ ئۇلار ئالدىدىكى قەرزىمىز بەكمۇ كۆپ،ھەر قانچە قىلىپمۇ بۇ قەرزىلەرنى قايتۇرۇپ بولالمايمىز.شۇڭا ئۇلارغا كۆيۈنۈش، ئۇلارنىڭ ھالىدىن ياخشى خەۋەر ئېلىش بىز پەرزەنتلەرنىڭ باش تارتىپ بولمايدىغان مەسئۇلىيىتى ۋە مەجبۇريىتىمىز.
mux521نىڭ بۇنىڭدىن كېيىنكى ئىزدىنىشلىرىگە، مېھنەتلىرىگە مۇۋاپپەقىيەت تىلەش بىلەن بىرگە تېنىگە سالامەتلىك كېيىنكى ئىجادىيتىگە ئۇتۇق تىلەيمەن.
mux521،ئىجادىيەتلىرىڭىز تېخىمۇ غەلبىلىك بولسۇن... داۋاملىق نادىر يازمىلىرىڭىزنى ئوقۇشقا تەشنامەن.
[ بۇ يازما nadira تەرىپىدىن قايتا تەھرىرلەندى ]
