تاس.......تاس........تاس.........بىر غېرىچ پاشنىلىق ئاياغنى كېيىپ ، ئۆھۆ ! دەپ قويسىلا پارتىلاپ كېتىدىغاندەك تار ئىشتانلارنى قىرلاپ ، ئىڭىشسە مەيدىسى ،تىك ماڭسا بىلى ئېچىلىپ قالغۇدەك مايكىلارنى كېيىپ ، ئەتلەس رەڭ چاچلىق مودا مۇئەللىم يەنە سېغىزنى ئۆچى بار ئادەمدەك سەت ماچىلدىتىپ چايناپ ئالدىراپ سىنىپقا ماڭدى ، سىنىپقا كىرىپ يوقلىما دەپتەرنى ئۇستەل ئۇستىگە پاققىدە ئېتىپ :
    ـ سىنىپ باشلىقى ، تۇرە ئورنىڭدىن !
ئوردەكتەك چىقىدىغان ئاۋازىنى يەنە كاكىراتتى :
    ـ گەپ قىلە شۇم ، بۇگۇن كىم دەرىسكە كەلمىدى ؟
    ـ مۇ.......مۇئەللىم يەنە شۇ ئالىم بىلەن مىھرگىياھ يوق ،ـ دىدى سىنىپ باشلىقى .
    -نىمە ؟يەنە شۇلار يوقما خەپ ،،،،،خەپ ، بولدى ئولتۇرە كۆزۇمگە سەت كۆرەنمەي !
    ـ ھەي ، ئۈگۈنۇش باشلىقى ئېيتە ، بالىلار تۆنۆگۈنكى دەرىسلەرنى تەكرار قىلدىمۇ يوق ؟
    ـ قىززىقكەنسىز مۇئەللىم ،مەن يە ئۇلارنىڭ ئاپسى بولمىسام يە ئۇلار بىلەن بىر ئۆيدە تۇرمىسام تەكرار قىلدىمۇ - قىلمىدىمۇ مەن نەدىن بىلەي ؟ دېدى غۇرا قاپاق ، پىستە كۆز ئۈگىنىش ھەيئىتى .
مودا مۇئەللىم بۇ سۆزنى ئاڭلاپ يەنە چېچىلىشقا باشلىدى :
    ـ نىمە ماڭا ئاتىكاچلىق قىلدۇ ماۋۇ توڭ سويما ، مەن كىم ؟ مەن سېنىڭ مۇئەللىمىڭ ! مەن بۇ شۇملارنى ياخشى تەييارلىق قىلىپ كەلسۇن دەپ ساڭا تاپىلىغاندىن كىيىن ھېسابنى سەندىن ئالماي كىمدىن ئالمەن ؟!
    ـ ئەمسە ئۇلاردىن سوراپ باقسىڭىز بولمىدۇ ؟
    ـ ۋاي ئولتۇرە سەت مايماق ! سەن دېمسەڭمۇ ئۆزۇم بىلەتتىم .
    ـ ئابدۇسالام تۇرە ! سەن تۇنۈگۈنكى دەرىسنى تەكرار قىلدىڭمۇ ؟
    ـ كەچۇ.......كەچۇرۇڭ مۇئەللىم ئۈيىمىزدىكى كالا تۇغۇپتىكەنتۇق ، شۇڭا ...
    ـ توۋا .....توۋا ،،،،،،كالا تۇغسا سەن دەرس تەكرارلىمامسەن ؟
    ـ شۇ ...مۇئەللىم ، دادامغا ياردەملىشىپ كالىنى تۇغدۇردۇم .
    ـ ھە ، ئەمسە ئولتۇر ، چوڭلارغا ياردەم قىلغانلىقىڭ ئۇچۇن نۇمۇرۇڭ 50 .
    ـ ئەزىز سەن تۇرە، سەن تەكرار قىلدىڭمۇ ؟
    ـ مۇئەللىم ، تۇنۈگۈن ئۆيدە توك توختاپ كېتىپ تەكرار قىلالمىغان .
    ـ ھۇ دۆت كالۋا ، توك توختاپ كەتسە شام يېقىپ تەكرار قىلساڭ بولمامدۇ ؟ رۇمانتىك ئولتۇرۇپ .
    ـ جېنىم مۇئەللىم مىنىڭمۇ شۇنداق قىلغۇم بار ئىدى ، لېكىن ئاپام شامدا دەرىس تەكرار قىلساڭ كۆزۇڭگە زىيىنى بار دېگەن ، شۇڭا ئاپامنىڭ گېپىنى ئاڭلاپ ..
    ـ سەن ياغاچ قۇلاق قاچاندىن بېرى ئاپاڭنىڭ گېپىنى ئاڭلايدىغان بۇلۇپ قالدىڭ ؟
    ـ شۇ ئاپپاق مۇئەللىم سىز بىزگە چوڭلارنىڭ گېپىنى ئاڭلاش ياخشى دېگەندىن بېرى .
    ـ ھە ئەمسە ياخشى ئولتۇر، نۇمۇرۇڭ 60.
    ـ نەفىسە تۇرە سەن !
    ـ مۇئەللىم نىمىش ؟
    ـ دەرىسنى تەكرار قىلىپ كەلدىڭمۇ ؟
    ـ قاچانقى دەرىسنى دەيسىز مۇئەللىم ؟
    ـ تۇنۈگۈنكى .
    ـ ھە ، ياق .
    ـ نىمىشقا ؟
    ـ تۆنۆگۈن ئاپام يېڭى كېيىپ ئېلىپ بېرەي دېگەن مۇئەللىم ،شۇڭا كوچا ئايلىنىپ دەرس تەكرار قىلىشقا ۋاقتىم يەتمىدى .
    ـ نېمە ؟
    ـ شۇ مۇئەللىم تۈنۈگۇن سىز دەرسكە كىيىپ كىرگەن پادىچىلار شىمى بىلەن ئاق مايكىڭىز سىزگە بەك يارىشىپتىكەن ، شۇڭا مەنمۇ سېتىۋالاي دەپ ئاپام بىلەن تۆت سائەت بازار چۆرگىلەپ تەستە تاپتۇق ، قاراڭ مانا ، ماڭىمۇ ياراشقاندۇ ؟
    ـ ۋاي نەفىسە تۆنۆگۈنكى كېيىم راستىنلا ماڭا شۇنداق يارىشىپتىمۇ ؟
    ـ ۋاي راس ئوماق مۇئەللىم .
    ـ ھە ئولتۇرۇڭ، سىز راس گەپ قىلغانلىقىڭىز ئۇچۇن سىزگە 100 نۇمۇر ، ھەممىڭلار نەفىسەدىن ياخشى ئۆگۈنۇڭلار ھە ؟
مودا مۇئەللىم شۇنداق دەپ تۇرىشىغا ، سىنىپ ئىشكى چېكىلىپ مىھرىگىياھ بىلەن ئالىم كېرىپ كەلدى .
مىھرىگىياھ بىلەن ئالىم قول تۇتۇشقان ، ھالدا :
    ـ سالام مۇئەللىم ئەتىگەنلىكىڭىز خەيرىلىك بولسۇن ! - دەپ ۋاقىرىدى .
    ـ ھۇ نۇمۇس قىلمايدىغان پوقباشلار ، سىنىپقا قول تۇتۇشۇپ كىرگىنىنى تېخى ، بۇ ھەرقايسىڭنىڭ بابا سەيناسى ئەمەس ، مەكتەپ !
ئالىم مودا مۇئەللىمگە ئاليىپ تۇرۇپ :
    ـ سالام مۇئەللىم بۇنىڭ مەكتەپ ئىكەنلىكىنى بىلىدىكەنسىز ھە ؟
    ـ بۇ......بۇ نىمە دىگىنىڭ ئالىم ؟
    ـ ھىچنىمە دىگىنىم ئەمەس ، شۇ سىزنى دوراپ مودا بۇلۇپ باقتۇق مۇئەللىم ، سىزمۇ بىزنىڭ تەنتەربىيە مۇئەللىم راشىت بىلەن كۇندە مەكتەپكە قول تۇتۇشۇپ كىرىسىزغۇ .
   - سەن،،،،،،
   - ھە مەن ئالىم ، مۇئەللىم .
   - سېنىڭ بۇنداق دېيىش سالايىتىڭ يوق ، سەن ئوقۇغۇچى بولغاندىن كېيىن ياخشى ئوقۇ ، مودا قوغلاشماي .
   - راس دەيسىز مۇئەللىم ، مەن ياخشى ئوقسام بۇلاتتى ، لىكىن سىز كۇندە سېغىز چايناپ، تار پادىچىلار ئىشتىنى قىرلاپ كېيىپ ، ئەتىر دېگەننى بۇلىشىغا چېچىپ ھەرلەرنى ئەتراپىڭىزغا ئوۋلاشتۇرۇپ ،ئالدى چېچىڭىزنى بايراقچە ، كەينى چېچىڭىزنى ئەتلەسچە بۇياپ يۇرسىڭىز سىزنى دوراپ مودا يۇرگىمىز كېلىدىكەن .
   - ئاغزىڭنى يۇم !
   - سىز ئاغزىڭىزنى يۇمۇڭ مۇئەللىم ، بىز مەكتەپكە بىلىم ئالغىلى ، تەربىيە كۆرگىلى ، كەلگۇسى ياراملىق ئەۋلات بولغىلى كېلىمىز  ،ھەرگىزمۇ سىزدىن سەت گەپ ئاڭلىغىلى ، سىزنىڭ مودا مېڭىشلىرىڭىزنى كۆرگىلى ، ئاسىم مۇدىردەك پوق قۇرساقلارنىڭ تاماكا چېكىپ ، مەسلىكتە قىڭغىر مېڭىشلىرىنى ، ئايال مۇئەللىملەرنىڭ مەكتەپتە چاچلىشىپ سوقۇشقىنى ئەمەس !
ئالىم گېپىنى دەپ بۇلىشىغا سېنىپتىن ھو........ھو.........دەپ ۋاقىرغان قىقاس -چوقانلار كۆتۇرۇلدى ، مودا مۇئەللىم يىغلىغنچە سېنىپتىن يۇگۇرگەن پېتى چىقىپ كەتتى ، شۇ كەتكەنچە ئۇ بۇ مەكتەپتىن ئۈن - تۈنسىز يوقالدى .
بىز ئوقۇغۇچلار ، كىيىنكى ياش ئۈسمۇرلەر مودىغا مۇھتاج ئەمەس ، ئىلىم -مەرىپەتكە ، بىلىمگە ، ساپاغا ،ئىتپاقلىققا ،ئىناقلىققا ،تىنىچ بەختىيار تۇرمۇشقا مۇھتاج .