تەييارلىق
                                                                     ئاپتۇر: دورا ئەپەندى
تىلفۇنۇم قاتتىق سىلكىنىشكە باشلىدى. تىلىفۇنغا قاراپلا سىڭلىم ئابىدەنىڭ ئۇرغانلىقىنى بىلدىم.
ئاكا قاچان قايتىپ كىلىسەن، سىنى بەك سىغىندىم. تىزراق قايتىپ كەلسەڭچۇ؟  
ھەي تەمتەك مەندىن ئەھۋال سورىمايلا؟
ۋاي سەن ساق سالامەت، كۈندە مەن ئاللاھتىن ساڭا ئامانلىق تىلەيمەن شۇڭا سەن سالامەت تۇرىسەن.
ھەي گەپكە ئۇستا بوپ كىتپسەن جۇمۇ تەمتەك.
ئاكا تىزراق قايتىپ كەل.
ئۇنىڭ ئاۋازى تىترەپ چىقىشقا باشلىدى. ئاۋازىدىن بىلىنىپلا تۇراتتى. سىنىڭ ياتاق ئۆيۈڭنى پاكىزە تازلاپ قويدۇم.  كىيىملىرىڭنى يۇيۇپ دەزماللاپ قويدۇم. تىزراق  كەل بولامدۇ.
مەن بارىمەن دەپلا بارالمايمەن سىڭلىم ئوقۇش تۈگىسە بارالايمەن.
ياق مىنىڭ كارىم يوق ئىش قىپ تىزراق كەل، بولمىسا يۈزۈڭگە قارىمايمەن.
ئۇنىڭ بالىلىق ئارلاش بۇ گىپى مىنى كۈلدۈرۋەتتى. بولىدۇ. باشلىق مەن ۋەزىپىنى ئۆتەپلا بارىمەن.
ماقۇل تىزراق كەل.
ئەمدىلا 16 ياشقا كىرگەن سىڭلىم. تولۇقسىزنى پۈتتۈرۈپ ئالىي مەكتەپكە ياخشى نەتىجە بىلەن ئۆتكەن بولسىمۇ لىكىن ئۆيدىكىلەرنىڭ قوشۇلماسلىق سەۋەبى بىلەن ئۆزىنىڭ بالىلىق ئارزۇ ئارمانلىق، ياشلىق ئارلاشقان گۈزەل غايىلىرىنى تۇنجى قىتىم نابۇت بولدى. شۇندىن كىيىن ئۇ كىشىلەر بىلەن كۆپ پاراڭلاشمايدىغان، سىرىتلارغا كۆپ چىقمايدىغان بوپ قالدى.
لىكىن مىنى كۆرسىلا ماڭا ئەركىلەپ تۇرالماي قالىدۇ. بەلىكىم ئۇنىڭ نەزىرىدە مەن ئۇنىڭ ئەڭ يىقىن دوستى بولىشىم مومكىن.
ئۇنىڭ شوخلۇق چىقىپ تۇرىدىغان ئۆي كۆزلىرى، تاتلىق تاتلىق گەپلىرىنى ئويلىساملا  ئىشتىن چۈشۈپلا  ئۆيگە قايتىپ كىلىمەن. ئۇنىڭ ھەر كۈنى ئالدىمغا يۈگرەپ چىقىپ ئاكا كەلدىڭمۇ بۈگۈن ھاردىڭمۇ دىگەن گەپ سۆزلىرى ماڭا يادقا بوپ كەتكەن بولسىمۇ لىكىن بىرەر كۈن ئۇنىڭ شۇ قىياپىتىنى كۆرمىسەم كۆڭلۈم سەل يىرىم بوپ قالىدۇ. بەلكىم كۆيگەندىن كۆنگەن يامان بولسا كىرەك.
مانا ئوقۇشنى پۈتتۈرۈپ ماشىنا بىكىتىگە كەلدىم. ئۇ ئۆيدىكىلەر بلىەن ئالدىمغا خىلى بۇرۇنلا چىقپ تۇرغان ئىكەن. ئۇ مەن ئولتۇرغان ماشىنىنىڭ كەلگەنلىكىنى كۆرۈپلا  ئۆزىنى توختىتالماي يىغلاپ كەتتى.
ماشىنىدىن چۈشتۈم، ئاكا سىنى بەكمۇ سىغىندىم.
ھەي تەمتەك ئەمدى چوڭ بولدىڭ، بۇنداق ئاممىۋى سورۇنغا يىغلاپ يۈرمە بولامدۇ.
ئارىدىن خىلى بىر كۈنلەر ئۆتتى.
بىر كۈنى ئىشتىن كەلسەم ئۇ يىغلىغان پىتى مىنىڭ باغرىمغا ئۆزىنى ئاتتى. مەن تا بۇ كەمگىچە ئۇنىڭ بىچارە ھالىتىنى كۆرمىگەن ئىدىم.
نىمە بولدى سىڭلىم. ماڭ ياتاق ئۆيۈمگە كىرىپ پاراڭلىشايلى.
نىم بولدى. ئۇ توختىماي يىغلايتتى.
بولدى يىغلىماي جاۋاپ بەر، نىمە بولدى؟
ئاپام، يەنە يىغلاپ كەتتى.
ئۇلار مىنى ئەرگە بىرىدىكەن.
توۋا دىگىنە؟
راس ئانام شۇنداق دەيدۇ.
سەن تىخى كىچىك تۇرساڭ، ئۆيدىكىلەرنىڭ نىمە قىلغىنى بۇ؟
ئاكا سەن ئانام، دادامغا دە مىنڭ ئەرگە تەككىم يوق. مىنىڭمۇ باشقىلارغا ئوخشاش گۈزەل ئارزۇ ئارمانلىرىم غايىلىرىم بار . ئۇ ئۆزىنى باسالماي يىغلاپ كەتتى.
بولدى يىغلىما؟
سىڭلىمغا قاراپ ئۆزۈممۇ يىغلاپ كىتىپتىمەن.
دادام، ئانام بىلەن خلى بىر ھازا تىكلىشىپ باققان بولساممۇ لىكىن ئۇلارنى قايىل قىلالمىدىم.
يەنە سىڭلىمنى چاقىردىم.
سىڭلىم ھەربىر ئادەمنىڭ گۈزەل ئارزۇ ئارمانلىرى بولىدۇ. لىكىن ھەممىسىلا ئەمەلگە ئىشىشى بەك قىيىن، ھەربىر ئادەمنىڭ ھامان بىشىغا كىلدىغان بىر ئىش بار بولسىمۇ ئۇ تۇرمۇش، مەيلى ھازىر بولسۇن ياكى كىيىن بولسۇن ھامان بۇ ئىش ھاياتىڭدا يۈز بىرىدۇ. توي قىلىش قورۇققىدەك ئىشمۇ ئەمەس، بۇنى ئىنسان قوبول قىلماي بولمايدۇ. بىز ئۆلىدىغىنىمىزنى بىلىمىز، لىكىن قاچان ئۆلىدىغىنىمزىنى بلمەيمىز. ئۆلۈشنى ئويلىساق ئۇ قورقۇنۇچلۇق. ئۆلۈمدىنمۇ قورقۇنىچلىق ئىش بارمۇ؟
بەلىكىم توي قىلساڭ ئازراق ئەركىن بولالارسەن، سەن ئۆز پەرزەنتلىرىڭنى ياخشى قاتارغا قوش ئۇلارنىڭ سىنىڭ ئاشۇ ئارزۇ ئارمانلىرىڭ، غايىلىرىڭنى قايتا بىخلاندۇرسۇن.
ئۇ گەپ سۆز قىلماي ئولتۇردى. بەلكىم گەپلىرىم ئازراق تەسىر قىلغان بولسا كىرەك، يىغىسى سەل بىسىقتى.
ساڭا دەيدىغان نەسىھەتىم بار ئوبدان قۇلاق سىلىپ ئاڭلا.
سەن بۇندىن كىيىن باشقىلارنىڭ ئادىمى بولىسەن. بۇ ئۆيدە قىلغان شوخلۇقلىرىڭنى باشقىلار كۆتۈرمەيدۇ. شۇڭا ئىغىر بسىق بول، يىنىكلىك قىلمسا. بۇندىن كىيىن ئىرىڭنىڭ ئاتا-ئانىسىنى ئۆز ئاتا-ئاناڭدەك كۆر ئۇلارغا بارلىق مېھرىڭنى بەر، ئۇلارنى ھۆرمەتلە، ئۇلارنى ياخشى كۈت، شۇندىلا ئىرىڭ سەندىن مەمنۇن بولىدۇ. سەھەر قوپۇپ كەچ يات، ئىرىڭ ئۆيگە كەلمىسە ئۇخلىماي ئۇنى كۈت، شۇندىلا ئۇ قەيەردە بولسۇن سەندەك بىر ئايالىنىڭ سىنى ساقلاۋاتقانلىقىنى بىلسۇن شۇ ۋاقىتتا ئۇ قەيەردە بولسا ئۆيگە قايتىپ كىلىدۇ. يولدىشىڭنىڭ ياقىسىنى كىر قىلما، تۇرمۇشتا ئاددىي ساددا بول، ئارتۇقچە مال دۇنياغا بىرىلمە يولدىشىڭ ئەپ بەرگىننى كەي، يولدىشڭ بىلەن بىر ئشلارنى تىكلىشىپ گەپ تالىشىپ يۈرمە، مەيلى يولدىشىڭنىڭ خاتا بولسۇن ياكى توغرا بولسۇن ئۇنىڭغا ھۆرمەت قىل، پاكىزە يۈر، ئۆي ئىچىنى پاكىزە تۇت، سىرىتقا چىقساڭ خوشنىلار بىلەن ئاز پاراڭلاش، باشقىلارنىڭ غىيۋىتىنى ئەزەلدىن قىلما، خوشنىلىرىڭنى ھۆرمەت قىل، ئۇلارنى يوقلاپ تۇر. ماڭغاندا ئاستا قەدەم بىلەن ماڭ، باشقىلارغا ئۈللۈك ھالدا گەپ قىلما، ئۆيگە كىرسەڭ ئىشكنى ئاستا يىپىپ كىرىپ چىققىن، ئۆزۈڭ قىلالايدىغان ئىش بولسىلا ئۆزۈڭ قىل. بىلمىگەن ئىشنى يوشۇرۇپ يۈرمەي دادىللىق بىلەن ئۈگەن. قىيىن -ئاتاڭ بىلەن داۋاملىق پاراڭىشىپ بەر، ئۇلارنى خوش قىل. تولا يامانلايدىغان، ئازراق ئىشلار ئۈچۈن ئۇرىشىدىغان ئىشنى قىلما. بولمىسا نىكاھقا دەز كىتىدۇ.
مەن شۇنچىلىك دەي قالغىنىنى ئۆزۈڭ ئاستا-ئاستا ئۈگۈنۋالىسەن.
دىگەنلىرىمنى ئىسىڭدە تۇتتۇڭمۇ سىڭلىم.
رەھمەت ئاكا...
سىڭلىم يۈگۈرۈپ چىقىپ كەتتى. شۇ تاپتا يۈرەكلىرىم ئچىشىپ كەتتى. خۇددى ھاياتىمدا مەڭگۈ لۈك بىر نەرسەمدىن ئايرىلغاندەك، ئۇنى يۈتۈرۈپ قويۇپ تاپالمايۋاتقاندەكلا بوپ قالدىم.
مانا ئۇنىڭغا توي قىلغىلى خىلى بىر ۋاقىتلار بوپ قالدى. قۇربان ھىيىت كۈنى ئىدى. مەن ئۇنىڭ بۇرۇنلا بىزنىڭ ئۆيگە كىلىدىغانلىقىنى بىلىپ، ئۇنىڭغا بىر قونچاق سوۋغات ئاپ قويدۇم. چۈنكى ئۇ سوۋغاتقا بەك ئامراق ئىدى. ھەر قىتىم ھېيىت بايرام بولسىلا ماڭا تىلىفۇن قىلىپ تۈرلۈك نەرسىلەرنى بۇيرىغان تۇراتتى.  مەنمۇ كۆنۈپ قالغان ئىدىم.
ئۇ چۈشتىن بۇرۇن بىزنىڭ ئۆيگە كەلدى. كۆرۈپلا تىجلىق سورىدىم. شۇ ۋاقىتتا كۆردىمكى ئۇنىڭ بۇرۇنقى تىتىك، شوخ تەمتەك قىلىقلىرى يوقىغان ئىدى. ئۇ باشقىچە چوڭ بوپ قالغان ئىدى. ماڭا ئاددىيلا سالام قىلىپ ئۆيگە كىردى. مەن قونچاقنى سىڭلىمغا بىرەلمىدىم. چۈنكى مۇۋاپىق كۆرمىدىم.
ئۆزۈمگە، بەخىتلىك بول سىڭلىم. تۇرمۇش يولىڭدىكى يڭى قەدەملىرىڭ مۇۋاپىقىيەتلىك بولغاي.

ئەسالامۇ ئەلەيكۇم . سىزنىڭ ئاخىردا سىڭلىڭىزغا دىگەن سۆزلىرىڭىزدىن بارلىق سىڭىللار ھەم توي قىلىش ئالدىدىكى پەرزەنتلەر ئورتاق بەھىرلەنسە ھەم مۇشۇ نەسىھەتلىرىڭىزنى ھەممەيلەن ئىسىدە چىڭ ساقلىسا ياخشى بولاتتى دەپ قارايمەن . رەھمەت سىزنىڭ بۇ تىمىڭىز ماڭا ئاچامنى ئەسلىتىپ قويدى .

16ياشقا كىرىپ تۇلۇقسىزنى پۈتتۈرۈپ،ئالىي مەكتەپكە بارغىلى بولمايدىغاندۇ؟

قىسقا ھىكايە ئىكەن...لېكىن ئېسىل ئىكەن...دېمىسىمۇ تۇرمۇش دېگەن ئەنە شۇنداق بولىدۇ.....بەزىلەر كىچىك تۇرمۇشقا چىققان بولسا يەنە بەزىلەر 30 ياشلارغا كىرگۈچە بويتاق يۈرىيدۇ...........
لېكىن.....سىز تەمتەك دەپ ئىشلىتىپسىز.....مىنىڭ بىلىشىمچە تەنتەك دېمەكچىغو دەيمەن.

مەن تەپسىلى كۆرۈپ ئاندىن پىكىر يازاي .

ئاكىنىڭ سىڭلىسىغا قىلغان نەسىھەتلىرى بەكمۇ ياخشى نەسىھەتلەر بولۇپتۇ.بىر مەسئۇلىيەتچان ئاكا يەنە بىر ۋاپادار،گۈزەل سىڭىل كۆز ئالدىمغا كەلدى.بىراق قىز بەكلا كىچىكمۇ قانداق،ئەمدىلا 16ياشقا كىرىپتۇ.قىزلار توي قىلغاندىن كىيىن نۇرغۇن بۇرچ،ۋەزىپىنى زىممىسىگە ئالىدۇ ،بىر ئۆينىڭ ئېغىرچىلىقى ئۈستىگە چۈشىدۇ،كەينىدىنلا ئۇلىشىپ كىلىدىغىنى ئانىلىق بولۇش شەرىپى.قىزلار ئەقىل-ئىدراكتا،دۇنيا قاراشتا قانچە پىشىپ-يىتىلسە ھەمدە ئۆزىنى قانچە توختاتقان بولسا تۇرمۇشتىكى قىيىنچىلىقلارنى شۇنچە ياخشى ھەل قىلالايدۇ دەپ قارايمەن ئەمما بۇ ياش بىلەن ئوڭ تاناسىپ كەلمەيدۇ،كىچىكىدىنلا ياخشى تەربىيەدە چوڭ بولغان بولسا كۆپ ئەنسىرەش بىھاجەت بىراق فىزىئولوگىيىلىك جەھەتتىن تولۇق يىتىلمەي تۇرۇپ ئالدىراپ توي قىلغاندا تۇغۇتتا كۆپ قىيىنچىلىق كۆرىلىدۇ،قىزنىڭ سالامەتلىكىگە ئېغىر زىيان يەتكۈزىدۇ.مەن قىزلارنىڭ توي قىلىشقا ۋە ئانا بولۇشقا ئەڭ مۇۋاپىق يېشى 22ياشتىن 25ياشقىچە دەپ قارايمەن.

نەقىل ئېلىش

ئاپتور جاۋابىنى بويلاپ 2قەۋەت Gucci. كە 2010-09-09 01:31 AMئەۋەتىلدى :
16ياشقا كىرىپ تۇلۇقسىزنى پۈتتۈرۈپ،ئالىي مەكتەپكە بارغىلى بولمايدىغاندۇ؟

كۆپقۇ ئۇنداق مەكتەپ...مەنمۇ تەييارلىقىنى تولۇقسىزنىڭ شوركىلىرى بىلەن ئوقۇپكەتكەن دىسە............

تەسىرلىك چىقىپتۇ.مەزمۇنى بەك چوڭقۇر.

رەھمەت سىزگە، بۇ ئەسىرىڭىز بەك ياخشى چىقىپتۇ، بولۇپمۇ سىڭلىڭىزغا قىلغان نەسىھەتلىرىڭىز ناھايىتى ئورۇنلۇق ئىكەن  

نەقىل ئېلىش

ئاپتور جاۋابىنى بويلاپ 2قەۋەت  Gucci. كە 2010-09-09 01:31 AMئەۋەتىلدى  :
16ياشقا كىرىپ تۇلۇقسىزنى پۈتتۈرۈپ،ئالىي مەكتەپكە بارغىلى بولمايدىغاندۇ؟

3+2  模式  دەيدىغان بىرخىل شەكىل چىقتى. 5يىللىق ئالى مەكتەپ.