كۈندىلىك خاتىرە ئىچىدە قالغان مۇھەببەت
( پوۋېست )
ئاپتۇر : ئالماس يۇلتۇز
<< ئادەم ھەقىقىي ئازاپلانغاندا كۆز يېشىنى ھېچكىمگە كۆرسەتمەيدۇ >>
بۇ سۆزنى نەدىن ئۆگىنىۋالغان بولغۇيتتىم ؟ مەن ئەسلىدە ئۇنى يىغىدىن توختىتىش ئۈچۈنلا ئاشۇنداق دىگەن ئىدىم . لېكىن ، ھازىر ئادەم يوق پىنھان يەردە يىغلاۋاتقىنىمدا يەنە شۇ سۆز ئېسىمگە كىلىپ قالدى . بەلكىم بۇنداق دېيىش ئارقىلىق ئۆزۈمنىڭ ھەقىقىي << ئازاپلىنىپ>> كەتكەنلىكىمنى ئىپادىمەكچى بولغاندىمەن ... نىمە دىگەن بىچارىلىك ___ ھە !؟
ئازاپ ......
* * * * * * * *
بۈگۈن ، يەنە يېڭى بىر كۈن باشلاندى .
قىز ئەتىگەندىلا ئورنىدىن تۇرۇپ ناشتا قىلىپ ، كۈندىلىك ئادىتى بۇيىچە ئالدىراپ مەكتەپكە ماڭدى .
ئۇ يولدا كېتىۋېتىپ ئەتراپىغا توختىماي قارايتتى . خۇددى يولدا ئۇنى ئۇچرىتىپ قالىدىغاندەك ، ئۇنى يىراقتىن بولسىمۇ بىر كۆرۈۋالسا ئاندىن يۈرۈكى جايىغا چۈشىدىغاندەك قىلاتتى .
بىر قەدەم ، ئىككى قەدەم ، ئۈچ قەدەم .... ئون قەدەم .... يىگىرمە بىر قەدەم ... ......... يەتمىش ئۈچ قەدەم ....
بىريۈز بىر قەدەم ....
قىز مۇشۇنداق ساناپ ماڭدى ،ئەمما يەنىلا ئۇنى ئۇچرىتالمىدى . قىز ھەر كۈنى ئۆيىدىن مەكتەپكە كەلگۈچە مۇشۇنداق ساناپ ماڭاتتى . بىراق كۆڭلىدە ھەممىدىن بەك كۆرۈشنى ئارزۇ قىلىدىغان ئادىمىنى يولدا كۆرەلمەيتتى .
قىز سەل ئۈمۈدسىزلەنگەن ھالدا سىنىپىغا كىرىپ كەلدى . قىزنىڭ بۇ ھالىنى كۆرگەن ساجىدە ئۇنىڭ يېنىغا كىلىپ سورىدى :
___ نىمە بولدۇڭ زۆھرە ؟ مىجەزىڭ يوقمۇ ؟
زۆھرە بېشىنى كۆتۈرۈپ ساجىدەگە بىر قارىۋەتكەندىن كېيىن ئۆزىنى تۇتالماي يىغلاپ كەتتى . ساجىدە زۆھرەنىڭ
يىغىسىنى كۆرۈپ تېخىمۇ جىددىيلىشىپ كەتتى .
___ ماڭا قارىغىنە ، ساڭا نىمە بولدى __ ھە !؟ گەپ قىلساڭچۇ ؟
زۆھرە بىر پەس يىغلىغاندىن كېيىن ، ساجىدەنىڭ قولىنى تۇتۇپ تۇرۇپ :
___ مەن بۈگۈنمۇ يەنە ئۇنى ئۇچرىتالمىدىم ، ئۇنى كۆرەلمىدىم . ___ دەپ يەنە كۆڭلى بۇزۇلدى . ساجىدە بىر چوڭقۇر ئۇھ تارتىۋەتكەندىن كېيىن :
___ بولدى قىل ئاداش ، ماڭ بىز ھازىرلا ئۇنىڭ سىنىپىنىڭ ئالدىغا بېرىپ ئۇنىڭ بىلەن كۆرۈشۈپ كېلەيلى .
___ ياق ، مەن بارغان بىلەنمۇ ئۇ بەرىبىر مېنى تۇنىماسقا چىقىرۋېتىدۇ . ئۇ مېنى رەسىم كۇرسىدا تۇنىغان بىلەن مەكتەپتە مېنى كۆرسىمۇ كۆرمىگەنگە سېلىپ ماڭىدۇ . رەسىم كۇرسىدا گەپ قىلغان بىلەن مەكتەپتە گەپ قىلمايدۇ .
___ ھەي ، ئەخمەق دوستۇم ! ئۇنداقتا قانداق قىلىسەن، مۇشۇنداق ئۆزىڭنى قىيناپ يۈرەمسەن ؟
___ مەنمۇ قانداق قىلىشىمنى بىلمىدىم . ئۇنى ياخشى كۆرىدىغانلىقىمنى ئۇ ئۆزى ئېنىق بىلىپ تۇرۇپ ،يەنە ماڭا
پەرۋا قىلمىغاندەك يۈرىدۇ . مېنى ياخشى كۆرەمدىكىن دىسەم ياخشى كۆرمەيدىغاندەك ، ياخشى كۆرمەمدىكىن
دىسەم ياخشى كۆرىدىغاندەك .. مەن .... مە ... مەن .. بىلمىدىم ! __ زۆھرە يەنە يىغلاپ تاشلىدى .
___ بولدى ، بولدى كۆڭلۈڭنى يېرىم قىلما ! سېنىڭمۇ ھامان كۈلۈپ يۈرىدىغان ۋاقتىڭ كېلىدۇ . بۇ كۈنلەرمۇ ئۆتۈپ
كېتىدۇ .___ ساجىدەنىڭ توختىماي تەسەللىي بېرىشى بىلەن زۆھرە يىغىدىن پەسەيدى
كەچ سائەت 6:30 لەر بىلەن زۆھرە رەسىم كۇرسىغا كەلدى . ئۇ سىنىپقا كىرىشى بىلەن تۇرسۇن ئۇنىڭغا چاقچاق ئارىلاش :
___ ۋاي_ ۋۇي ، قاراڭلار سىنىپىمىزنىڭ مەلىكىسى كەپتۇ . ___ دېدى .
باشقىلار بۇ گەپكە كۆنۈپ كەتكەچكە باشقا گەپ قىلماي كۈلۈپ قويدى . بىردەمدىن كېيىن سىرىتتىن تاھىر مۇئەللىم كىرىپ ئوقۇغۇچىللىرىدىن ئەھۋال سورىۋەتكەندىن كېيىن ئۇلارغا :
___ ساۋاقداشلار ، مەن سىلەرگە بىر خەۋەرنى يەتكۈزۈپ قويماقچى ___ دېدى .
زۆھرە ، تۇرسۇن ، ئەخمەت ۋە ئابلەتلەر بىر ئىشنى كۆڭلى تۇيغاندەك بۇلۇپ ،پۈتۈن دېققىتى بىلەن مۇئەللىمنىڭ
سۆزىگە قۇلاق سالدى .
___ ئەتىدىن باشلاپ رەسىم كۇرسى توختىتىلدى. ئىدارىدىن مېنى بىر يىللىق بىلىم ئاشۇرۇشقا ئەۋەتمەكچى ، شۇڭا رەسىم كۇرسىنى توختىشىشنى قارار قىلدۇق .
بۇ گەپنى ئاڭلاپ ھەممەيلەن بوشىشىپ كەتتى . تاھىر مۇئەللىم ئوقۇغۇچىللىرىغا قاراپ بىر ئاز كۆڭلى بۇزىلدى .
نىمىلا بولمىسۇن ، ئۇ مۇشۇ تۆت ئوقۇغۇچىنى بىر يىلدىن ئارتۇق ۋاقىت تەربىيلەش جەريانىدا ئۇلارغا مېھرى چۈشۈپ قالغانىدى . سىنىپتا سەن ئوقۇغۇچى ،مەن ئوقۇتقۇچى دىيىشمەيلا كۈلگەندە تەڭ كۈلۈپ ،ئۆز _ ئارا چاقچاقلىشىپ ،
قىيىنچىلىقنى تەڭ يېڭىپ نۇرغۇن گۈزەل ئەسلىمىلەرنى بىرلىكتە ياراتقان ئەمەسمۇ . ھەي ! ....
تاھىر مۇئەللىم ، ئارىدىكى جىمجىتلىقنى بۇزۇش ئۈچۈن ئوقۇغۇچىللىرىغا قاراپ :
___ ۋوي _ ۋوي ، نىمە بولدى سىلەرگە ؟ بۇرۇنقى جۇشقۇنلىقىڭلار قېنى ؟ سىلەر ھەر ۋاقىت مېنىڭ ئەڭ تالانتلىق ، ئەڭ ياخشى ئوقۇغۇچىللىرىم . مەن سىلەرگە ئىشىنىمەن سىلەر چۇقۇم ھەر بىر ئىشتا نەتىجە قازىنالايسىلەر . بۈگۈن ھەم ئەتە ئۈچۈن ئالغا ! قېنى بىرلىشەيلى ___ دېدى .
مۇئەللىمنىڭ ھەركىتىگە قاراپ ، زۆھرە مۇئەللىمنىڭ يېنىغا كېلىپ :
___ شۇنداق مۇئەللىمنىڭ دېگىنى توغرا ، بىز گەرچە ئايرىلىپ كەتسەكمۇ ،ئەمما بىز يەنىلا مۇئەللىمنىڭ ئەڭ ياخشى ئوقۇغۇچىللىرى . بىزنىڭ قەلبىمىز مەڭگۈ بىر تۇتاش ___ دېدى.
زۆھرەنىڭ بۇ گېپى باشقىلارغا ئىلھام بولدى . ئۇلارمۇ ئاستا مۇئەللىمنىڭ يېنىغا كەلدى .
ئۇلار ئۆز _ ئارا قول باغلىشىپ بىرلىكتە :
___ بۈگۈن ھەم ئەتە ئۈچۈن ئالغا ، تىرىشايلى ! قېنى بىرلىشەيلى ! ___ دەپ شۇئارىنى توۋلىدى .
ئۆيگە قايتىدىغان ۋاقىتتا ، مۇئەللىم ئوقۇغۇچىللىرى بىلەن خوشلىشىپ بۇلۇپ ، تۇرسۇنغا زۆھرەنى ئۆيىگە ئاپىرىپ قۇيىشنى تاپىلىدى . چۈنكى تۇرسۇننىڭ ئۆيى زۆھرەنىڭ ئۆيىگە باشقىلارنىڭكىگە قارىغاندا خېلى يېقىن
ئىدى .
زۆھرە بىلەن تۇرسۇن يولدا يانمۇ يان كېتىپ باراتتى .
زۆھرە بىلەن تۇرسۇن يولدا يانمۇ يان كېتىپ باراتتى . زۆھرەنىڭ كۆڭلىنى بىر خىل ئەنسىزلىك قاپلىۋالدى .
ئۇ يېنىدا مېڭىۋاتقان تۇرسۇنغا ئوغۇرلىقچە قاراپ كۆڭلىدە : << ئەمدى قانداق قىلىشىم كېرەك ؟ بۇنىڭدىن كېيىن ئۇنى كۆرەلمەيدىغان بولدۇم . ئۇنىڭغا ھازىر ئۆزۈمنىڭ ئۇنى ياخشى كۆرۈدىغانلىقىمنى ئېيتايمۇ ياكى ھازىرچە
ئېيتماي تۇرايمۇ ؟ قانداق قىلىشىم كېرەك ؟ ئەڭ ياخشىسى ئۇنىڭغا چاندۇرۇپ قويماي ...>> دىگەنلەرنى ئويلىدى .
بىردەمدىن كېيىن تۇرسۇن ئېغىز ئاچتى .
___ توڭلىدىڭىزمۇ ، شارپامنى ئوراپ قۇيايمۇ ؟ ___ دېدى يېنىدا كېتىۋاتقان زۆھرە گە قاراپ . زۆھرە جىددىيلىشىپ كېتىپ ، گەپ قىلالماي << ياق >> دىگەن مەنىنى بىلدۈرۈپ بېشىنى چايقىدى .
زۆھرە ئۇيان ئويلاپ ، بۇيان ئويلاپ ئاخىرى تۇرسۇنغا ئۆز كۆڭلىدى گەپنى دىيىش قارارىغا كەلدى . ئۇ ناھايتى تەسلىكتە غەيرەتكە كېلىپ ، تۇرسۇنغا :
___ مېنىڭ سىزگە دەيدىغان گېپىم بار ئىدى . مەن سىزنى ياخشى كۆرۈپ قالدىم، مەن سىزنى ياخشى كۆرىمەن .
دېدى مىڭ بىر تەسلىكتە ھەم << مەن سىزنى ياخشى كۆرىمەن >> دىگەن بۇ بىر ئېغىز سۆزنى دەپ بولغۇچە يۈرىكى سېلىپ جىدىيلىشىپ كەتتى .
تۇرسۇن، زۆھرەنىڭ گېپىنى ئېنىق ئاڭلىغان بولسىمۇ ،ئەمما زۆھرەگە ھېچ نەرسە دېمىدى . تاكى زۆھرە ئۆيىگە كىرىپ كەتكۈچە بىر ئېغىز گەپ قىلمىدى . زۆھرە ئۆيىگە كىرىپلا ئاپىسىغا ئۆزىنىڭ قايتىپ كەلگەنلىكىنى ئېيتىپ قۇيۇپلا ياتاق ئۆيىگە كىرىپ ، ئىشىكنى ئىچىدى ئېتىۋەتكەندىن كېيىن ئۆزىنى كارۋاتقا ئېتىپ يىغلاشقا باشلىدى .
بىر ھازادىن كېيىن ، ئۆزىنى يىغىدىن توختىتىپ ئورۇن سېلىپ ياتتى . لېكىن پەقەتلا ئۇخلىيالمىدى .
ئۇ كۆڭلىدە << مېنىڭ تۇنجى مۇھەببىتىم مۇشۇنداق بېشى يوقلا ئاياغلىشىارمۇ ؟ . ئۇنىڭ ماڭا بىر ئېغىزمۇ گەپ قىلمىغىنىغا قارىغاندا ،ئۇ مېنى ياخشى كۆرمەيدىغان ئوخشايدۇ . ئەمدى قانداق قىلشىم كېرەك ؟ ...>> دىگەنلەرنى ئويلاپ ئاستا ئۇخلاپ قالدى .
ئەتىسى ئەتىگەندە زۆھرە ئورنىدىن تۇرالمىدى . كېچىچە قىززىپ بىر كېچە بىئارام بولدى . شۇڭا بۈگۈن مەكتەپكە بارالمىدى . ئەسلىدە بۈگۈن كەچتە، رەسىم كۇرسىدىكى يېقىن تۆت دوست بىرلىكتە رەسىم سىنىپىغا بېرىپ ئۇ يەردە كۆرۈشىدىغان بولغان ئىدى . ئەمما ، زۆھرە بېرىشقا شۇنچە تىرىشقان بولسىمۇ ئاپىسى << مىجەزىڭىز يوق بولغاندىكىن بولدى بارماڭ ، سۇغۇق ئۆتۈپ قالسا يەنە ئاغرىپ قالىسىز >> دەپ زادىلا قويمىدى . شۇنىڭ بىلەن زۆھرە ئامالسىزلىقتىن بۈگۈنكى يىغىلىشقا بارالماي قالدى .
يېڭى بىر كۈننىڭ باشلانغانلىقىدىن خەۋەر بېرىپ چىللىغان خورازنىڭ ئاۋازى بىلەن تەڭ زۆھرە ئورنىدىن تۇرۇپ ناشتا قىلىپ ، مەكتەپكە ماڭدى .
ئۇ يولدا كېتىۋېتىپ ، ئەتراپىغا قارىدى لېكىن ئۆزى ئىزدىگەن ئاشۇ يېقىملىق چىراينى يەنىلا تاپالمىدى .
كەچتە دەرىستىن چۈشۈپ ، ئۆيگە قايتىدىغان ۋاقىتتا زۆھرە يولدا تۇرسۇننى ئۇچراتتى . تۇرسۇن ئۇنىڭ يېنىغا كىلىپ ئەھۋال سوراش ئۇياقتا تۇرسۇن ، زەردە بىلەن :
___ سىزنى سىنىسام ، سىناقتىن ئۆتەلمىدىڭىز ! ___ دەپ قۇيۇپلا كېتىپ قالدى .
بىچچارە زۆھرە ئۇنىڭ گېپىنى ئاڭلاپ ، نىمە قىلىشىنى بىلەلمەي تۇرسۇننىڭ كەينىدىن قاراپ جايىدا تۇرۇپ
قالدى .
* * * * * * *
___ ھەدە تېز بول ، ئەمدى ئىشقا ماڭمىساڭ كېچىكىپ قالىسەن جۇمۇ ! سەندىن ھەجەپمۇ زىرىكتىم . دائىم سېنى مەن ئويغۇتامدىمەن ؟ مەن يا سېنىڭ ئاپاڭ بولمىسام ،تاززىمۇ بىر .
___ بولدى قىل ئۇماق! مەن تەييار بۇلۇپ بولدۇم ،مانا ھازىرلا ماڭىمەن . سېنى جاپاغا قويىدىغان بولدۇم خاپا بولماي ئۆينى تازلىۋەتكىن ___ ھە ! ___ دېدى زۆھرە .
____ بولدى ، بولدى تېز ماڭ سېنىڭ بۇ گېپىڭ ماڭا ئادەت بۇلۇپ كەتتى . سەن دىمىسەڭمۇ مەن ئۆزۈم بىلىپ
قىلىمەن .
___ رەھمەت ، مەن ساڭا بەك ئامراق . مېنى بىرنى سۆيۈپ قويغىنە ! ___ زۆھرە شۇنداق دىگەچ ئىشىك ئالدىغا كېلىپ يۈزىنى سىڭلىسىغا تەڭلىدى .
___ بولدى قىل ، سېنى بۇرۇنراق ئەرگە بېرىۋەتسەك بولغۇدەك . ___ دېدى زۆھرەنىڭ سىڭلىسى چاقچاق قىلىپ .
___ ماقۇل ، ئەمسە مەن ئەر گە تەگكىلى ماڭدىم . خوش !
____ ھا ...ھا ...ھا ، سېنى __زە !
زۆھرە بىلەن بۇنداق قىزغىن ، يېقىن پاراڭلاشقان بۇ قىز زۆھرەدىن 3 ياش كىچىك نەۋرە سىڭلىسى نىگارە ئىدى . ئۇلار كىچىگىدىن تارتىپ بىر تۇغقان ئاچا _ سىڭىلاردەك يېقىن ئىدى . بىر _بىرسىدىن سىر ساقلاشمايتتى .
بىر _ بىر سىگە بەكلا ئامراق ئىدى . ئۇلار بەك چاقچاقلىشاتتى . بەزىدە چوڭلار بۇ ئىككىسىگە قاراپ :
____ ئىككىڭلار گەپلەشسەڭلار ئادەم سىلەرنى قاچان ئۇرۇشۇپ قالىدىكىن دەپ ئەنسىرەپ قالىدىكەن . لېكىن سىلەر زادىلا ئۇرۇشۇپ باقمىغان . كۆز تەگمىسۇن ، كۆز تېگىپ كەتمىسۇن . ___ دەپ قۇياتتى .
نىگارە ھەدىسىنى يولغا سېلىۋېتىپ ئۆيگە قايتىپ كىرىپ ئۆي تازلاشقا باشلىدى . ئۇ ھەدىسىنىڭ ياتاق ئۆيىنى تازلاۋاتقاندا قۇلىغا ھەدىسىنىڭ كۈندىلىك خاتىرىسى چىقىپ قالدى . ئۇ كۆڭلىدە << ھەي ، سەن يەنە مۇشۇ خاتىرەڭ بىلەن ئۆزۈڭنى ئالداپ ، قىيناپ يۈرەمسەن ؟ >> دەپ ئويلىدى . ئىلگىرى ھەدىسى نىگارەگە بۇ خاتىرىنى بىر نەچچە قېتىم كۆرسەتكەن ئىدى . نىگارە دېرىزە يېنىغا كىلىپ خاتىرىنى ۋاراقلىدى .
قانداق ئەھۋالىڭىز ؟ ئوبدان تۇرۋاتامسىز ؟ مەن ئويلايمەن ، بىر ئادەمگە نىسبەتەن ئېيتقاندا ئەزىز تېنى سالامەت بولسىلا باشقا جەھەتتىن ياخشى دەپ ئويلايمەن . مەندىن ئەھۋال سوراشنى خالىسىڭىز مەنمۇ يامان ئەمەس تۇرۋاتىمەن .
بۇ خەتنى يېزىشتىكى مەقسىتىم : سىز بايا ماڭا ھېلىقى گەپلەرنى دىگەندىن كېيىن مۇشۇ خاتىرىگە ئۆز كۆڭۈل
سۆزلىرىمنى يازماقچىمەن . سىزنىڭ ماڭا مۇشۇنچىلىك قىلغىنىڭىزغا رەھمەت ئېيتىمەن . مەن سىزگە بۇئىشنى باشتىن سۆزلەپ بېرەي .
مەن تۇلۇق ئوتتۇرا مەكتەپكە چىققان يىلى رەسىمگە ناھايتى قىزىقاتتىم . شۇنىڭ بىلەن تاھىر مۇئەللىم ئاچقان رەسىم كۇرسىغا باردىم . بارغان كۈنۈم ئۇ يەردە سىز بار ئىكەنسىز ، ئېسىڭىزدىمۇ ؟ بىز تۇنجى قېتىم گەپلەشكەن ۋاقىتتىلا مەن سىز قىلغان گەپنى ئېنىق ئاڭلىيالماي سىزنىڭ ئاچچىغىڭىزنى كەلتۈرۈپ قويدۇم . ئۇ كۈنى بىز گەرچە بەك پاراڭلىشىپ كەتمىگەن بولساقمۇ سىز مەندە ناھايتى ياخشى تەسىر قالدۇرغان ئىدىڭىز . كېيىنچە سىز بىلەن بىللە ئۇقۇش جەريانىدا سىزنىڭ ئۆزگىچە خارەكتىرىڭىز مەندە قىزىقىش پەيدا قىلدى . ئۆزۈممۇ بىلمەيمەن ، بەلكىم شۇ جەرياندا سىزنى ياخشى كۆرۈپ قالغان بۇلىشىم مۇمكىن . راستىنى ئېيتسام ، مەن تۇلۇقسىزغا چىققان يىلىدىن باشلاپلا باشقىلارنىڭ كۆزىگە ئالاھىدە كۆرۈنۈپ كەتتىمۇ قانداق ، باشقىلارنىڭ << خەت>> لىرى ئۈزۈلمەي كېلىپ تۇردى . شۇڭىلاشقا مەندە بىر خىل ئوغۇللارغا نىسبەتەن ياراتماسلىق كۆز قارىشى پەيدا بولغان بولسا كېرەك . كېيىنچە باشقىلار بەكرەك خەت يېزىپ ، ئارقىمغا كىرىۋالسا سەت گەپلەر بىلەن تىللىغان ۋاقتىممۇ بولدى . شۇ سەۋەبتىن بولسا كېرەك مەن ئوغۇللارغا ئۆچ بۇلۇپ قالدىم . لېكىن سىز مېنىڭ قارىشىمچە ئىنتايىن خۇشخۇي ، ئۆزىڭىزنىڭ ئىناۋېتىڭىزنى ساقلاشقا ئىنتايىن ئەھمىيەت بېرىدىكەنسىز . مەن سىزنى كۆزەتتىم . سىزنى ھەقىقىي ياخشى كۆرۈشكە ئەرزىيدىكەن دىگەن قاراشقا كەلدىم . بۇ جەرياندا سىز نەچچە قېتىملاپ ماڭا ئازار بەردىڭىز ، بەلكىم مەن بەك چوڭقۇر ئويلاپ كەتكەندىمەن ، لېكىن سىز شۇنداق ۋاقىتلاردا بىر قىزنىڭ قانچىلىك ئازاپلانغانلىقىنى ، يۈرىكىنىڭ قانچىلىك ئازار يىگەنلىكىنى بىلمىگەنسىزمۇ ؟
سىز دائىم باشقىلارنى ماڭا چاپلاپ چاقچاق قىلاتتىڭىز . مېنىڭمۇ غۇرۇرۇم بار . سىز مېنىڭ ئۆزىڭىزنى ياخشى كۆرىدىغانلىقىمنى بىلىپ تۇرۇپ ئاشۇنداق قىلدىڭىز . ئاددىيسى ئاشۇ ئەكبەر رەسىم كۇرسىغا بارغاندا مېڭا شۇنىمۇ چاپلاپ باقتىڭىز . ئەجىبا بۇرۇن ئۇنىڭ بىر پارچە خېتىنىڭ مېنى قانچىلىك قىينىغانلىقىنى ئۇنتۇپ قالغانمىدىڭىز ؟
سىز مېنى قىلچىلىك كۆزگە ئىلمىدىڭىز . بۇ بەلكىم بۇرۇن باشقىلارغا قىلغانلىرىمنىڭ ماڭا يانغانلىقىدىندۇر .
مېنىڭ پەقەت سىزنىلا ياخشى كۆرۈدىغانلىقىمنى بىلىپ تۇرۇپ ،سىز مېنى ئاشۇنداق خارلىدىڭىز .
ھېلىقى بىر كۈنى كەچلىكى ، مەن سىزگە ئۆزۈمنىڭ سىزنى ياخشى كۆرۈدىغانلىقىمنى ئېيتتىم . شۇ ۋاقىتتا مەن بەكلا ئالدىراقسانلىق قىلىپ قۇيۇپتىمەن . كېيىن شۇنداق خىجىل بولدۇم ، نۇمۇستىن ئۆزۈمنى قۇيارغا يەر تاپالماي قالدىم .سىزگە قارىيالماي قالدىم . مەن بۇ ئىش ئۈچۈن سىزدىن كەچۈرۈپ سورايمەن . بەلكىم بۇ ئىش ئۈچۈن بىر ئۆمۈر ۋىجدان ئازابى تارتىشىم مۇمكىن . سىزمۇ بەلكىم مېنى ئەجەپ خىجىل بۇلۇشنى بىلمەيدىغان قىز ئىكەن دىگەنسىز . لېكىن مەندىمۇ ئامال يوق . ئەگەر ۋاقىتنى كەينىگە سۈرگىلى بولغان بولسا ،مەن چۇقۇم ئۇ گەپنى دىمەس ئىدىم . لېكىن مەن ھەرگىز پۇشايمان قىلمايمەن .
مەن كېيىن نۇرغۇن بالىلاردىن << سىز تۇرسۇنجانغا سىزنى ياخشى كۆرىمەن دەپسىز ....>> دىگەندەك گەپلەرنى ئاڭلاپ شۇنداق خىجىل بولدۇم . ھەتتا سىزنىڭ سىڭلىڭىزمۇ باشقىلارغا << قىز بالا تۇرۇپ ، ئاكامغا ئاشۇنداق گەپ قىلىپ يۇرۇپتۇ ، ئىززا تارتىشنىمۇ بىلمەيدىكەن ....>> دىگەندەك گەپلەرنى قىلىپ يۈرۈپتۇ. بۇ گەپلەر ماڭا بەك تەسىر قىلدى. ئۇ گەپنى سىزگە دىگىنىم راست ، لېكىن بۇنى باشقىلارغا دەپ يۈرۈشنىڭ ئورنى يوققۇ؟!
سىزنى ياخشى كۆرۈپ قالغىنىم بىر گۇناھمۇ ؟ سىزنى ياخشى كۆرۈپ قالغىنىم ئۈچۈن باشقىلەرنىڭ گېپىگە قېلىشىم كېرەكمۇ ؟ بولدى، ھەر قانچە دىسەممۇ بەرىبىر بۇلار ئىش بولدى .
مەن سىزدىن باشقا نەرسە تەلەپ قىلمايتتىم . پەقەت سىزنى ھەر كۈنى كۆرۈپ تۇرساملا شۇنداق خۇشال بۇلاتتىم .
مەن بۇرۇن بىر ئىش قىلسام ئۆزۈمگە ناھايتى ئىشىنەتتىم . ئۆزۈمنىڭ خاتا بولسىمۇ ، باشقىلار ئالدىدا تەن ئېلىشنى خالىمايتتىم . لېكىن مەن ھازىر ناھايتى جۈرئەتسىز بۇلۇپ كەتتىم . سىزنىڭ ئالدىڭىزدا مەن بىر پۇڭغا
ئەرزىمەس بىر ئادەم بۇلۇپ قالغانلىقىمدىن ناھايتى ئۆكۈنىمەن .
بەزىدە ئويلاپ كېتىمەن ، ئادەم نىمە ئۈچۈن ئادەمنى ياخشى كۆرىدىغاندۇ ؟! مەن نىمەنچە تەتۈر پىشانىدۇرمەن ؟ باشقىلارنى ياخشى كۆرگەن ئادەم دىگەن شۇنداق ئاجىز بۇلامدىغاندۇ ؟ .....
كېيىن مەن سىزنىڭ دىلرابا بىلەن ئىنتايىن يېقىن ئارلاشقانلىقىڭىزنى ھەم ئۇنى ئىنتايىن ياخشى كۆرۈدىغانلىقىڭىزنى بىلدىم . بۇ ۋاقىتتىكى ھېسىياتىمنى تىل بىلەن ئىپادىلەشكە تۇلىمۇ ئاجىز مەن .
ئوغۇل بالىلارغا نىسبەتەن << قول يەتمىگەن شاپتۇل ئاچچىق >> دىگەن تەمسىل ناھايتى توغرا ئېيتىلىپتىكەن . قىز بالا دىگەن شۇنداق ئاجىز ئوخشايدۇ . باشقىلار گەپ قىلىپ << ياق >> دىسىمۇ ، يەنىلا قىز بالا باشقىلارنىڭ سۆز _ چۆچىكىگە قالىدىكەن . سىز ياخشىراق ئويلاپ بېقىڭ ، بىر قىز بالىنىڭ بىر ئوغۇل بالىغا مۇشۇ گەپلەرنى قىلىشى ئاسانمۇ ؟
ئاخىرىدا دەيدىغىنىم ، بۇ خاتىرىدە سىزنىڭ كۆڭلىڭىزگە كەلگۈدەك گەپ _ سۆزلەر بولسا ، مېنى كەچۈرىشىڭىزنى ئۈمىد قىلىمەن .
خەيىر ئامان بۇلۇڭ !
2003 _يىلى 3 _ ئاينىڭ 30 _ كۈنى
ياخشىمۇ سىز ؟
مەن ھازىر قەلىمىمنى ئېلىپ نىمە يېزىشنى ، گەپنى نەدىن باشلاشنى بىلمەيۋاتىمەن . سىز بۇخاتىرىنى يېزىش ئارقىلىق كۆڭلىڭىزدىكى ماڭا دىيەلمەي كېلىۋاتقان بارلىق سۆزلىرىڭىزنى ئېيتىپسىز . ماڭا يازغان قەلىب ئىزھارىڭىزنى ئوقۇپ ھەقىقەتەن تەسىرلەندىم .
مەن ئەينى يىلى رەسىم سىزىش قىزغىنلىقى بىلەن ئەشۇ رەسىم سىزىش كۇرسىغا قاتناشتىم . ئۆزۈمنىڭ تەنھالىق ئىچىدىكى ئەڭ ئېچىنىشلىق كۈنلىرىدە ، سىزنىڭ ئۇ يەردە مەن بىلەن بىرگە رەسىم سىزىپ ئېچىنىشلىق تەقدىرىمگە خۇشاللىق ئېلىپ كەلگىنىڭىزگە رەھمەت .
سىزنىڭ ماڭا بەرگەن تۇنجى تەسىرىڭىز ھازىرمۇ كۆز ئالدىمدىن كەتمەيدۇ . سىزنىڭ ئۇماققىنە كۈلۈمسىرىشىڭىز ئىنتايىن يېقىملىق . سىزنىڭ ئاشۇ كۈنى تاھىر مۇئەللىم بىلەن كىرگەن قىياپىتىڭىزنى راستىنلا تەسەۋۇر قىلالمايمەن . سىزنىڭ ئېسىڭىزدە بارمۇ يوق بىلمەيمەن . سىزنى تۇنجى قېتىم زۆھرە دەپ چاقىرغان ۋاقتىمدا مەن تىترەپ كەتكەن ئىدىم . . .
مەن ھازىر سىزگە ، قىسقا داۋاملىشالماي قالغان تىراگىدىيىلىك مۇھەببەت پاجىئەسىنى ئېيتىپ بېرەي .
بىر قىز بىر يىگىتنى ياخشى كۆرۈپ قاپتۇ . ئۇ قىز يىگىتنى مەڭگۈلۈك سۆيمەكچى بۇلۇپتۇ . كۈنلەر ئۆتۈپتۇ ، يىللار ئۆتۈپتۇ . ئۇقىز ئاخىرى يىگىتكە سۆز ئېچىپتۇ . يىگىتمۇ قىزنىڭ بارلىق سۆزلىرىگە ئىشىنىپ قىز بىلەن مەڭگۈگە بىرگە ئۆتمەكچى بۇلۇپتۇ . ئۇلار خۇشال _ خۇرام كۈنلىرىنى باشلاپتۇ . ئۇ خۇشال كۈنلەر قىزنىڭ يىگىتنى ئالدىشى بىلەن پاجىئەلىك ھالدا قىسقىغىنە مۇھەببەت تارىخى ۋەيران بوپتۇ . قىز ئۆزىنىڭ سۆيگەن يىگىتىنى تاشلاپ ، باشقا يىگىتلەربىلەن ئارلىشىپ يىگىتنىڭ كۆز ئالدىدا ئۇنى ئازاپلاپ يۈرۈپتۇ . يىگىت ئېغىر ۋىجدان ئازابى تارتىپتۇ . قىز
بىر مەزگىلدىن كېيىن يەنە يىگىتكە سۆز ئېچىپتۇ . ئەمما يىگىت قىزنىڭ ئۆزىگە قىلغانلىرىنى ئويلاپ قىزغا پەرۋا قىلماپتۇ . سىزنىڭچە يىگىت ئاشۇنداق بىر قىزنى كەچۈرەرمۇ ؟ يىگىت قەيسەرلىك بىلەن تۇرمۇش يۇلىغا قەدەم قويۇپتۇ . قىز يەنىلا ئۆزىنىڭ بىلگەن سەنىمىگە دەسسەپ يۈرۈۋېرىپتۇ . كېيىن قىز پۇشايمان قىلىپ يەنە يىگىتنى ئىزدەپتۇ . يىگىت پەرۋاسىز تۇرمۇش قاينىمىدا ئۈزۈپ ، ئۆزىنىڭ چىقىش يولىنى ئىزدەپتۇ . بىر مەيدان مۇھەببەت پاجىئەسى يىگىتنى ،بىر غورۇر ئىگىسىنى قىز ئالدىدا يەرگە قارىتىپتۇ . بۇنىڭدىن قاتتىق ساۋاق ئالغان يىگىت ، بۇنىڭدىن كېيىن ئۆزىنىڭ بىر كىشلىك تۇرمۇش يولىنى ئىزدەش ئۈچۈن كۈرەش قىلىشقا ئاتلىنىپتۇ .
مانا بۇ بىر قىزنىڭ بىر ئاددىي يىگىتكە كەلتۈرگەن تۇنجى ئېغىر ئازاپلىرى . كىشلىك تۇرمۇشنىڭ ئىنتايىن جاپالىق بۇلىدىغانلىقى ، ھەر قانداق ئادەمنىڭ بېشىدىن ئىسسىق _ سۇغۇق ئۆتىدىغانلىقى ، كىشلىك تۇرمۇشتا خاتالىقلاردىن باش تارتىپ بولمايدىغانلىقى ، تەقدىرنىڭ چاقچاقلىرىغا يۈزلىنەلەيدىغان بۇلۇش كېرەكلىكى ،،،،، نى ئۆگەتتى .
بىر يەھۇدى ئالىم ؛<< بىر ئادەم ئوزۇن سوزۇلغان ئارغامچىنى تۇيۇقسىز كۆرسە ، 40 يىلغىچە ئارغامچىدىن قورقۇيدۇ . يىلاننى كۆرسە تېخىمۇ تىنى شۈركىنىدۇ .>> دەپتىكەن . شۇڭا مەن ھازىرغىچە باشقا قىز بىلەن ئارلىشىشنى ئويلاپ باقمىدىم .
سىز گە دەيدىغان گەپلىرىم ھەقىقەتەن كۆپ ئىدى . بىراق بىز ئانچە كۆپ پاراڭلاشمىغاچقا مەن نىمە دىيىشىمنى بىلمىدىم ، شۇڭا خېتىمنى مۇشۇ يەردە ئاخىرلاشتۇراي . ئۆزىڭىزگە قاتتىق تەلەپ قۇيۇپ ياخشى ئۆگىنىڭ !
تەنھا بۆرى دىن
2003 _يىلى 3 _ئاينىڭ 31 _ كۈنى
ئەھۋالىڭىز ياخشىمۇ ؟
مېنىڭ بۇخاتىرىنى قانچىلىك تەسلىكتە ئاچقانلىقىمنى سىز كۆرمىدىڭىز . خۇددى بارچە ھاياتلىق پەقەت مېنىڭ قۇلۇمدا تۇرغاندەكلا ، خاتىرىنى ئاچساملا ھەممە نەرسە تۈگەيدىغاندەكلا تۇيۇلدى .
داۋامى بار .
ۋاقىت مۇناسىۋىتى بىلەن تىرىشىپ مۇشۇنچىلىك يازالىدىم ، داۋامىنى يەنە يوللايمەن .
تورداشلارنىڭ توغرا چۈشىنىشىنى ئۈمۈد قىلىمەن .
