قېرىنداشلىرىمغا يۈرەك سۆز

TILSIMAT

	ئەسسالامۇ ئەلەيكۇم قېرىنداشلار! ئويلاپ قالدىم، بۇ دۇنيادا ياشايدىكەنمىز، بەزىلىرىمىز ئارزۇ-ئارمانلىرىمىزنى ئورۇنلاپ بولۇپ كېتىمىزكەن، بەزىلىرىمىز ئۇ گۈزەل تىلەكلىرىمىزگە  يېتەلمەي كېتىپ قالىمىزكەن. كېتىپ قېلىشىمىزنىڭ ۋاقتى بىر ئۇلۇغ ئاللاھ قا خاس ئىش بولغاچقا، بۇ دۇنيا بىر سىناق مەيدانى بولغاچقا،ھاياتىمىز پۈتۈنلەي سىر تىلسىمغا تولغان ئىكەن. ئالتە كۈنلۈك ئالەمدە مەيلى قايسى مىللەت بولايلى ھەممىمىز ئاللاھنى بىر دەپ تونۇيدىغانلار بولغاندىكىن بىر-بىرىمىز چىرايلىق ئۆتسەك، ھەممىمىز بىر ئۇيغۇر بولغاندىكىن ئوتتۇرىمىزدا بەزىبىر مەسىلىلەردە ئىختىلاپ بولسىمۇ ئۇنى چىرايلىق شەكىللەردە ھەل قىلساق، يۇرتۋازلىق قىلىشمىساق، بىر يۇرتتىكىلەر بىر بىرىمىزنىڭ گۆشىنى يىگەن ھېساپلىنىدىغان ئەڭ رەزىل قىلمىش بولغان غەيۋەتتىن يىراق تۇرۇپ ئىجىل ئىناق ياشىساق دەيمەن. مەيلى قايسى ساھە بولسۇن، شۇ ساھەدىكى قېرىنداشلار ، ھايات ئىنسانغا پەقەت بىرلا قېتىم كېلىدىكەن، ھاياتىمىزنى ياراتقۇچىمىز ئاللاھ بۇيرۇغان مەنىلىك ئىشلار بىلەن ئۆتكۈزسەك، ئەگەر ئۇنداق پۇرسىتى بولمىغانلار قولۇڭلاردىن كېلىدىغان شەكىللەردە ئۆز خەلقىڭلارغا كىچىككىنە بولسىمۇ ياخشىلىق قىلساڭلار ئاللاھ ئۇنىڭ ئەجرىنى بېرىدۇ. مەيلى نېمە ئىش بىلەن شۇغۇللىنايلى،ئۆزىمىزنىڭ بۇ دۇنياغا پەقەت بىر مېھمان ئىكەنلىكىمىزنى ئۇنۇتمىساق، ۋىجدان غۇرۇرىمىز بىلەن ياشىساق دەيمەن. توغرا، بەزىلىرىمىزگە بۇنداق ياشاش بەك تەس، ئەمما بۇ دۇنيا بىر سىناق ئالەم، ۋاپاسىز ۋاقىتلىق بىر ئالەم بولغانلىقىنى ئويلاپ، ئۆزىمىز بىر سەۋەپ قىلىپ ياشىساق، ئاللاھ دىلىمىزغا چىن ئېتىقاد غۇرۇر ئاتا قىلىپ ھەممىمىزنى ئۆزىگە سادىق بەندىلىرىنى مۇكاپاتلاش ئۈچۈن تەييارلىغان جەننەتكە كىرىشكە نېسىپ قىلسا ئەجەپ ئەمەس! ئەينى دەۋرلەردە ئات تۇياقلىرىدىن ئوت چاچرىتىپ پۈتكۈل جاھاننى لەرزىگە سالغان ، ئۆزىنىڭ پاك ئېتىقادى بىلەن ھەقىقىي ئەركەكتەك ياشاپ، ئۆزىنى خار قىلماي، ئىلىم دۇنياسىدا شانلىق نەتىجىلەرنى يارىتىپ، ئۆزىگە ۋە بىزگە يۈز كېلىپ ياشىغان ئىدى. ھازىر تومۇرلىرىمىزدا ئۆركەشلەپ ئېقىۋاتقان قان دەل ئاشۇ سۆيۈملۈك ئەجدادلىرىمىزنىڭ قېنىدۇر! سىز بىلەن بىز مۇشۇنداق ئىلىمسىز ياشىساق شۇ ئەجدادلىرىمىزغا يۈز كېلەلەمدۇق؟؟؟؟!!!!!!! ئەگەر ۋۇجۇدىڭىزنى قاباھەت ئازغۇن روھ قاپلاپ كەتكەن بولسا، ئۇ ئالەملىكىڭىزنى ئويلاڭ، يېنىڭىزدا سىزگە مۆلدۈرلەپ تەلمۈرۈپ قاراپ تۇرغان ئاشۇ تاتلىق سەبىيلەرنى ئويلاڭ، سىز ئۇلارنى ئىلىم ئېلىش پۇرسىتىگە ئىگە قىلمىسىڭىز، ئۇلارغا ھەقىقەتنى بىلدۈرمىسىڭىز، سىز كىيىن ئۇلارغا يۈز كېلەلەمسىز؟ ئەلۋەتتە ھازىر بىز پەخىرلەنگۈدەك شۇنداق ئېسىل قېرىنداشلىرىمىز بىزگە شان-شەرەپ ئاتا قىلىۋاتىدۇ، شۇنداقلارنىڭ كۈندىن-كۈنگە كۆپىيىشى ئۈچۈن بۇ تىلەكلەرنى تىلەپ بۇ تېمىنى يېزىپ ئولتۇرۇپتىمەن. ھەممىڭلارنى ئۇلۇغ ئاللاھقا تاپشۇردۇم.

گۈلچۈشى

	مەنچە ئالدى بىلەن چوڭ ئىشتىن ئەمەس بەلكى مۇشۇ مۇنبىرىمىزدىن باشلايلى ،مۇنبەردە بۇ تىل ھاقارەتنىڭ جىقلىقى ،بىر بىرسىنى تىللاپ تۇرمىسا ،بىر بىرسىنىڭ يارىسىنى تاتلاپ تۇرمىسا ئەمىن تاپمايدىغاندەك تىللاپ ھاقارەتلەپ ئۆتكەن ،بىر مىللەت تۇرۇپ مۇشۇ كىچىككىنە تور دۇنياسىغا پېتىشمىساق بۇنىڭغا نېمە دىگۈلۈك ئەمدى.

sahipjamal

	گۈلچۈشى يوللىغان ۋاقتى  2013-2-6 12:14 PM مەنچە ئالدى بىلەن چوڭ ئىشتىن ئەمەس بەلكى مۇشۇ مۇنبىرىم ... توغرا دەيسىز .

Esimda

	مۇشۇ مۇنبەرگە يۇرتۋازلىق قىلىدىغان تېمىلار يوللانمىسا، مىللەتنى سۆكىدىغان تېمىلار يوللانمىسا بەلكىم ئازراق بولسىمۇ ئۆزگۈرۈش بولىدۇ. ‹‹شامال چىقمىغۇچە دەرەخ لىڭشىمايدۇ››. قايسى يۇرتنى سۆكسە شۇ يۇرتنىڭ ئادەملىرىنىڭ ئاچچىقى كېلىدۇ ئەلىۋەتتە. بىر ئۇيغۇر تۇرۇپ نېمە قىلىشىدۇ يۇرت ئايرىشىپ. ئامال بار سۆكىدىغان تېمىلار ئاز بولسا، بىر-بىرىمىزنىڭ ئوتتۇرىسىغا سوغۇقچىلىقلار ئاساسەن چۈشمەيدۇ. ئەگەر دائىم شۇنداق تېمىلار يوللىنىلىۋەرسە، ھېلىغۇ سوغۇقچىلىق ئىكەن، ئۇيغۇر مىللىتى بۇ دۇنيادىن يوقىلىشقا قاراپ مېڭىشى مۇمكىن. مەن يەنە بىر نەرسىنىمۇ تەكىتلەپ ئۆتەي. ماۋۇ مۇنبەرگە چوڭ-كىچىك ھەممىسى كىرىدۇ. بويۇننىڭ ئۈستىدىكى ئاللاھ بەرگەن كاللا بولغاندىكىن، بىرىنجى قەۋەتتىكى ئىنكاس نېمە بولسا شۇنىڭغا قاراپ ئەگىشىپ ئىنكاس يازماي، ئاشۇ كاللىنى ئىشلىتىپ ئىنكاس يازايلى. مەيدانىڭىز بولسۇن.  بەزىلەر بىرىنجى قەۋەتتە قانداق ئىنكاس بولسا شۇنىڭغا ئەگىشىپ ئوخشاش مەزمۇندىكى ئىنكاسنى يازىدۇ. كاللىنى ئىشلىتىلى. مەيدانىڭىز بولسۇن.

ozgurluk

	بىر ساپالىق مىللەت سۆيەر  ئىنسان مانا مۇشۇنداق تېما يازىدۇ . يازسا مۇشۇنداق يازسا .  .  .  نادىر تېمىلار كۆپلەپ مەيدانغا كەلسە ،ھەممە خەلق كۆرۈپ سۆيۈنگىدەك ، چەتئەلدىكى قېرىنداشلار كۆرۈپ يۇرتىنى سېغىنغىدەك  ،  ئۆز - ئۆزىڭىزدىن ھەققىقى پەخىرلىنىپ ئىچ-ئىچىڭىزدىن خۇرسەن بولۇپ سۆيۈنۈپ كۈلەلىگۈدەك ! مىسرانىمدا يەنىلا دىن ،پەن _مائارىپ ، تارىخ ،مەدەنىيەت_سەنئەتلىك ئوزۇقلۇق قىممىتى يۇقىرى ئېسىل تېمىلارنى كۆرۈپ تۇرۇشنى ئارزۇ قىلىمىز ! مۇنبەرلەر ساھەسىدە ئۈلگە بولغۇدەك تېمىلارنىڭ كۆپرەك چىقىشىنى ئۈمىت قىلىمىز  . . .

ئاردا

	بۇ مۇنبەردىكىلەر ئىسلامنى بۇرمىلاپ ، شەخسىي دىندىن خالىي ئىنكاس-تىما يازمىسىلا، ۋە يازغان تەقدىردىمۇ شۇنداق  تىما ئىنكاسلىرىغا سەمىمىي نەسىھەت يولىدا ئىنكاس يازساق  چىچاڭشىپ سەت گەپ قىلىپ  سەكرىمىسىلا  جىدەل ماجرا تۈگەيىتتى  !

azizgul

	ئەسسالامۇ - ئەلەيكۇم ، ئەھمىيەتلىك يازمىڭىز ئۈچۈن كۆپ تەشەككۈر !