گۆدەك قىزىمنىڭ يەرگە ئۈستۈرىلىشى بالىلارنى خورلاشقا كىرەمدۇ يوق ؟

Gvljahan

	گۆدەك قىزىمنىڭ يەرگە ئۈستۈرىلىشى بالىلارنى خورلاشقا كىرەمدۇ يوق ؟ ئەسسالامۇ ئەلەيكۇم قېرىنداشلار ، ھەممىڭلارنىڭ يېڭى يىلىغا مۇبارەك بولسۇن ، ئەسلى يېڭى يىلدا كۆپچىلىككە تاتلىق تىلەكلەرنى تىلىسەم  بولاتتى ، لىكىن بۈگۈنكى مەن يۇلۇققان قاملاشمىغان بىر ئىش ئىچىمنى بەكلا زەردىگۆش قىلىۋەتتى ، قىسقىچە ئەھۋال مۇنداق : مەن ئىككى يېرىم ياشقا كىرگەن قىزىمنى 2012-يىل 10-ئاينىڭ 8 - كۈنى قارايدىغان ئادەمنىڭ يوقلىغى ، مىنىڭ خىزمەتكەبارمىسام بولمايدىغان جىددى زۆرۈرىيەت بىلەن كۇچا ناھىيىسى مەلۇم  ئولتۇراق رايۇندىكى بىر شەخسى باشقۇرىشىدىكى ئائىلە يەسلىسىگە بېقىشقا 350يۈەنلىك بېقىش ھەققى تۆلەپ بەرگەن ، ئۇلارنىڭ ۋەدىسى "بالىغا كۆڭۈللۈك ئازادە مۇھىت ، ئىككى ۋاق ياخشى تاماق ، ئائىلىسىدىكىدەك مۇھىت يارىتىپ بىرىش " ئىدى ، كىم بىلسۇن ، يەسلىگە بىرىپلا ئەتىسى بالامنىڭ ئىنكاسى" ئاپا ، ئۇ ئاداش ئۈيى بېيىم يوق (بارمايمەن ) ، چوڭ ئاپاش ئۇدى(ئۇردى ) دەپ بوينۇمغا ئېسىلىپ يىغلاش بولدى ، تۇنجى قېتىملىقى بولغاچ سالاۋات دەۋەتتىم ، كىيىنكى ئايلارنىڭ ئوتتۇرلىرى خىزمەتنىڭ ئالدىراش مەزگىلى بولغاچ بەزىدە كەچ قالاتتىم ، ئۇدا -ئۇدا بالىنىڭ تاكى كەچ سائەت 6لەرگىچە ھىچنىمە يىمىگەنلىكىنى   ،تېخى تاماق بىرىپ بولالمىغانلىقىنى  ئۇلاردىن ئاڭلىدىم  ھەم قۇرسىقىنىڭ ئاچلىقىنى قىزىم ئۆزىمۇ دىدى ، بۇنىڭغا قارىتا چىرايلىقچە ئىنكاس قايتۇردۇم ، ئەمما ئۇلارنىڭ ئىپادىسى بەك ناچار بولدى ، يەنى "ئۇششاق گەپ قىلغانلارنى ياقتۇرماسمىش " . بۇنىڭغىمۇ خەير دىدىم ، بەزىدە قىزىمدىن نىمە تاماق يىگەنلىكىنى ، تاماقتا گۆش بار يوقلىقىنى سورىسام ، ساپلا گۆشسىز تاماقلارنى بىرىدىغانلىقىنى ئېيتىدۇ ، مانا ئەمدى بۈگۈن كىلىپ  ، قىزىم ئۇخلىمىغانلىقى ۋە بىر ئۇخلاۋاتقان بالىنى يۈزىنى قارماپ ئويغۇتۇپ قويغانلىقى ئۈچۈنلا قىزىمنى گەجگىسىدىن  تۇتۇپ يەرگە ئۈستۈرۈپ يىغلىتىپتۇ !  ئەسلى مەن بالىنى يەسلىدىن ئەچىققىچە پىشانسىدىكى كۆكنى كۈرۈپ بىرئىش بولغانلىقىنى ھىس قىلساممۇ ئۇلاردىن سورىمىغان ۋە  ئۇلارنىڭ ئۇيەردە گەپ ياساۋاتقانلىقىنى ئاڭلاپ ، ئۆيگە چىققاندىن كىيىن قىزىمنىڭ ئۆزىدىن سورىسام بايىقىدەك ئەھۋالغا دۇچار بولغانلىقىنى دەپ بەردى ۋە "ئاپا ئەمدى ئۇ ئاداش ئۆيىگە بامايمەن ، باشقا ئاداش ئۆيىگە بايىمەن ، چوڭ ئاپاش مىنى يىكىتىپ (يىقىتىپ) يەگە (يەرگە) ئۈستۈدى ، مەن ھۈھۈھۈ ئەتتىم..." دىدى (يىغلاپ كەتتىم دىگىنى ، ئۇلارمۇ بالىنىڭ يىغلىغانلىقىنى دىگەن ، لىكىن ئۆزلىرىنىڭ بالىنى يىقىتىپ يەرگە ئۈستۈرگەنلىكىنى دىمىگەن )، بالامنىڭ بۇ ھالىغا قاراپ يۈرىكىم بەك ئېچىشتى ، ئويلاپ بېقىڭلار كۆپچىلىك ، ئەمدىلا 2.5ياشقا كىرگەن بالىنى كىچىككىنە سەۋەنلىكى ئۈچۈن قانداق ئادەم بالىنى يىقىتىپ تۇرۇپ پىشانىسى 3سانتىمىتر كەلگۈدەك كۆكىرىپ كەتكۈچە يەرگە ئۈستۈرىدۇ ؟! تېخى ئىككى ھەپتىنىڭ ئالدىدا شىنجاڭ تىلىۋىزىيە ئىستانسىسىنىڭ كۈڭۈلدىكى سۆز  پىروگراممىسىدا ئۆمىد غەنى مەملىكەت مىقياسىدا  يەسلىلەردىكى بالىلارنىڭ تەربىيىچىلىرى تەرىپىدىن خورلىنىش مەسىلىسىنى ناھايتى ئەتىراپلىق تەھلىل قىلىپ ، مىساللار بىلەن كۆرسىتىپ ئۆتتى ، مەن دىققەت قىلسام مەن قىزىمنى بېقىشقا بەرگەن شەخس باشقۇرىشىدىكى ئائىلە يەسلىسى مۇشۇ خىلدىكى جىنايى قىلمىشنى (جىنايى قىلمىش دەپ قارالمىغان تەغدىردىمۇ ئاتا-ئانا بولغۇچىنىڭ  قاتتىق نارازىلىقىنى قوزغايدىغان قاملاشمىغان قىلىق - بالىغا بولغان ئېغىر مەسئۇلىيەتسىزلىك )سادىر قىلىپ قويدىمۇ -قانداق ؟! مەن شەخسەن بۇ ھۆكۈمىمدىن  گۇمانلانمايمەن ، ئەمدىكى مەسىلە كۆپچىلىك بۇ ئىشتىن خەۋەر تاپتىڭلار ، سىلەرنىڭ قارىشىڭلار قانداق ؟ مەن بۇھەقتە كۇچار ناھىيىسىنىڭ ھەرقايسى ئولتۇراق رايۇنلاردىكى شەخسلەر ئىگىلىكىدىكى ، ۋىۋىسكىسىز ، مائارىپ تارماقلىرى ئەنگە ئالمىغان ، باققۇچىلىرى كەسپى تەربىيە سالاھىيەت ھازىرلىمىغان مەن يۇلۇققان مۇشۇ خىلدىكى يەسلىلەرگە قارىتا قانداق باشقۇرۇش چارىسىنىڭ بارلىقىنى بىلمەيدىكەنمەن ، ئەگەر بۇنداق مەسىلىلەرگە قارىتا ئولتۇراق رايۇن ئاھالىلار باشقۇرۇش كومۇتىتى ياكى ھۆكۈمەت تەرەپنىڭ سېستىمىلىق باشقۇرۇش بەلگىلىمىلىرى ۋە نازارەت سېستىمىسى بولمايدىغان بولسا  ، مىنىڭ قىزىمنى خۇددى ھايۋان بالىسىنى خورلىغاندەك خورلىغان لاياقەتسىز يەسلى ئىگىلىرىگە ئوخشاشلارنى باشقۇرىدىغان  ، دەسلەپكى يەسلى تەربىيىسنى قېلىپلاشتۇرىدىغان تارماقلار بىخ تارتمىسا بالىلىرىمىزنىڭ جىسمانى بېخەتەرلىكى ، سالامەتلىكى شۇنداقلا پىسخىك ساغلاملىقى يامان تەھدىتكە دۇچ كەلگۈدەك ! كۇچاردىكى ۋە باشقا يۇرتلاردىكى ئاتا-ئانىلارنىڭ بۇ ھەقتە سەگەك بولىشىنى ئۈمىد قىلىمەن ، قىسقىسى مەن بۈگۈن ئۇلاردىن تولىمۇ ئۈمىدسىزلەندىم ، ئەتە ئۇلاردىن بالامنى ياندۇرۇپ چىقىمەن ۋە ئالدى بىلەن ئاھالىلەر كومىتىتىغا ئەھۋالنى ئىنكاس قىلىمەن ، قالدى ئىشلارنى كۇچا ناھىيىسىنىڭ مۇناسىۋەتلىك تارماقلىرىنىڭ ھەل قىلىشىغا ئىلتىماس قىلىمەن ، مەخسدىم : ئاچچىقىمنى چىقىرىۋېلىش ئەمەس بەلكى ---گۆدەك بالىلارنى خورلاش ۋە ئۇلارنىڭ جىسمانىيىتى ۋە پىسخكىسىغا زىيانكەشلىك قىلىدىغان  ھەتتا ئۇنىڭدىنمۇ ئېغىر قىلمىشلارنىڭ قايتا سادىر بولىشىنىڭ ئالدىنى ئېلىش شۇنداقلا كۆپچىلىكنى  بۇنداق ئىشلاردىن ئاگاھلاندۇرۇش ...... كۆپچىلىكنىڭ بۇ مەسىلىگە قارىتا ئاۋاز قوشۇشىنى ئۈمىد قىلىمەن ، بالىلار بىزنىڭ كەلگۈسىمىز ۋە بارىلىقىمىز ، بالىلار لاياقەتسىز يەسلى ئىگىلىرى تەرىپىدىن ئۇرۇنسىز جازالىنىپ خورلىنىپ كۈتۈلمىگەن پېشكەللىكلەرگە ئۇچراپ قالسا دەردىنى يەنىلا بالا بىلەن ئاتا-ئانا تارتىدۇ ، بۇنداق ئىشلاردا جەمىيەتنىڭ مەسئۇل بۇلۇش مەجبۇرىيىتى بار  ، شۇڭا سەل قاراشقا بولمايدۇ !! ھۆرمەت بىلەن : گۈلجاھان تىلىدىن 2013-يىل 1- ئاينىڭ 6- كۈنى

ۋاقتىم

	خەپ !   بالىسى يوقمقكىنە ئاشۇ خەقنىڭ؟!!!  مۇشۇنداق كىچىك بالىلارنى ئۇرغانلارنى (خورلىغانلارنى) ئاڭلىسام ، ئاشۇ ‹‹ مەلىكە خۇەنجۇ›› دىكى روڭ جادىنىڭ ھېلىقى يوغان -  يوغان يوتقان يىڭنىسىدىن 4-5 نى تېتىتىپ قويغۇم كېپ كېتىدۇ !!! ....

pusat2

	ئاۋال سىزگە دەيدىغىنىم ،قىزىڭىز ھەقىقەتەن ئەقىللىك قىز ئىكەن.    بۇ قانداقتۇر بالاباققۇچىلارنىڭلا سەۋەنلىكى ئەمەسكەن ‹مەن تىمىڭىزنى ئوقۇپ  بولغاندىن كىيىن چىقارغان يەكۈنۈم›،چۈنكى سىز ئۆز ئاغزىڭىز بىلەن‹ شەخسلەر ئىگىلىكىدىكى ، ۋىۋىسكىسىز ، مائارىپ تارماقلىرى ئەنگە ئالمىغان ، باققۇچىلىرى كەسپى تەربىيە سالاھىيەت ھازىرلىمىغان مەن يۇلۇققان مۇشۇ خىلدىكى يەسلىلەرگە قارىتا قانداق باشقۇرۇش چارىسىنىڭ بارلىقىنى بىلمەيدىكەنمەن›دىگەن بۇ سۆزنى قىپسىز دىمەك مۇشۇ ئەھۋاللار سىزگە قاراڭغۇ بولمىغان ئەھۋال ئاستىدا سىز بالىڭىزنى ئۆز رازىلىغىڭىزبىلەن شۇلارنىڭ قولىغا تاپشۇرغانسىز. بالىڭىز ئۇچىرغان بۇۋەقە دەرۋەقە قانۇنىي جەھەتتىن بىرتەرەپ قىلىنىدىغان قانۇننىڭ ھىمايىسىگە ئىلىنىدىغان مەسىلە بىراق مەن تامامەن شۇنداق بولىدىغانلىقىغا گۇمانىي نەزىرىم بىلەن قارايمەن : ئاساسىم: سىز ئىيتقان ئۇ يەسلى قانۇنىي جەھەتتىن ئېتراپ قىلىنغان جايمۇ ئەمەسمۇ ؟ سىز ئۇلارنىڭ ئەھۋالىنى مۇشۇنداق تەپسىلى بىلىپ تۇرۇقلىق يەنە قىزىڭىزنى ئۆزرازىلىقىڭىز بىلەن شۇ يەرگە ئاپىرىپ بىرىپسىز گۇناھ بالا باققۇچىدا دىيىش ئۇلارغا ئۇۋال قىلىنغانلىق بولامدۇ قانداق؟ قويىڭىزنى بۆرىنىڭ يىنىغا ئاپىرىپ بىرىپ بۆرە مەن كەلگۈچە بۇ قوينى يىمىگىن دىيىش كۈلكىلىك تۇيۇلمامدۇ ؟مەسىلە شۇ يەردىكى سىزنىڭ قىزىڭىزنى قوغدىشىڭىز ۋە ئۇنىڭغا ھامىي بولۇش ۋەزىپىڭىزنى يۈرگىزىشىڭىز ۋە بۇنىڭغا بولغان قارشىڭىز  مۇكەممەل ئەمەس.   ھەدە ئالدىڭىزدا كىچىك تۇرۇقلۇق كۆپ سۆزلەپ قويغىنىمدىن خىجىلمەن بىراق كۆرۈپ قويۇپ ئۆتۈپ كىتىشنى توغىر كۆرمىدىم  بىرخىل كۈچ يۇقىردىكى سۆزلەرنى يىزىشقا مەجبۇرقىلدى . كۆپ سۆزلەپ قويغىنىم ئۆزۈمگە ئايان ئارتۇق كەتكەن  بولسا كەچۈرگەيسىز ۋە شاكىلىنى تاشلىۋىتىپ قوبۇلقىغىدەك مىغىزى بولسا قوبۇل قىلغايسىز بولمىسا ئاڭلىمىغانغا سالغايسىز .

firkat

	قىزىم كىچىكىدىن ھېچنىمىدىن قورقمايتتى. كىچىلىرىمۇ ئۇ ھۇجۇرىدىن بۇ ھۇجۇرىغا قورقماي كىرىپ چىقاتتى. ھاجەتخانىغىمۇ قورقماي چىقاتتى. قاچان يەسلىگە بەردىم. تۇنجى ئۆگەنگىنى قورقىمەن دەيدىغان سۆز بولدى. كۇپكۇندۈزدىمۇ ئۆيدىكى ھاجاتخانىغا بىر ئادەم ھەمراھ بولمىسا كىرەلمەيدىغان. كىچىلىرى چىراق ئۆچۇق بولسىمۇ بۇ ھۇجۇرىدىن ئۇ ھۇجىرىغان چىقالمايدىغان بولدى. كىېيىن تەپسىلىي سۈرۈشتۈرسەم. يەسلىدە چۈشلۈك تاماقتىن كېيىن ئۇخلىمىغان بالىلارنى ئوقۇتقۇچىلىرى كارىۋاتنىڭ ئاستىدا جىن بار... كەچتە ئۆيۈڭلارغا كەتكۈزمەيمىز...دىگەندەك گەپ - سۆزلەر بىلەن قورقىتىدىكەن. دەرھاللا يەسلىدىن چىقىرىۋالدىم. يەنىلا ئۆيدە تەربىيلەي. يەسلى دىگەنمۇ جۇڭگوچە سوتسىيالىزىمغا ئوخشاش پۇلنىلا تونىيدىغان يەرمىكىن دىگەن خۇلاسىگە كېلىپ قالدىم. تېما ئىگىسىگە تەكلىپىم. يەسلىلارنىڭ ئىچىگە دۆلەت مەجبۇرىي كامىرا بېكىتكەن. يەسلى تەرەپتىن شۇ كۇنكى سىنئالغۇ خاتىرىسىنى كۆرۈشنى تەلەپ قىلىڭ، ھەم پاكىت تېپىلسا ئەرىز قىلىڭ. ئەمما يەنىلا بۇ ئىشنى مۇشۇ يەردە بولدى قىلىپ، پەرزەنتىڭىزنى باشقا يەسلىگە بېرىڭ ياكى ئامال قىلىپ ئۆزۈڭلار تەربىيلەڭلار. پەرزەنتكە ئاتا - ئانىدىن ئارتۇق ئۇستاز يوق.

yurkimzida

	ئامال يوق ھە بەزى ئىشلارغا ،ئۈزى باقسا مۇشۇندا خاپىلىق يوق،لىكىن شۇ خىزمەت يەنە شۇ خىزمەتنىڭ سەۋەبى،مىنىڭ تىمىدىن سىرىت ئازراق گەپ قىستۇرۇپ قويغۇم كەپ قالدى، خوتۇن كىشنىڭ ئىشلامدا بەلگىلەنگەن ۋەزىپىسدە بالا بېقىش دەيدىغان بىر يىرى بار غۇ دەيمە!ئەمما ھازىرقى جەمىيەتتە بالىنى تۇغۇپ ئىمىتىپلا قويسا بولدى. ئۇلاردىمۇ ئامال يوق پۇل تاپمىسا بولمايدۇ،خەق كەيگەننى كەيگۈسى،يىگەننى يىگۈسى كىلىدۇ ئەمەسمۇ! ھەي ھەي پۇل!!!!!!!!!!!!!!!!!!!!!!!! شۈكرى بەرگەن كۈنلىرگە خۇدايىم!!!!!!!!!!!!!!!!!!!!

musilina

	قىزىڭىزنىڭ پىشانىسىدىكى كۆكنى سۆرەتكە تارتىۋېلىپ ،مۇناسىۋەتلىك تارماقلارغا ئەھۋالنى مەلۇم قىلىڭ،ئىككى يېرىم ياشلىق بالىنى يەرگە  ئۈستۈرگىنى بالىلارنى خورلاش بولىدۇ..... ئەھۋالنى ۋاقتىدا ئىگىلىمىسە باشقا  كۆرگەن بالىلار كىچىك بولغاچقا ، ئېنىق ئىسپات بېرەلمەسلىكى مۈمكىن...

ئەلشىپا

	ئاۋۋال ئۇلار بىلەن چىرايلىق رەۋىشتە پاراڭلىشىڭ، بولغان ئەھۋاللارنى ئېيتىڭ. ئۇلارنىڭ ئىپادىسى قانداق بۇنى بىلىپ بېقىش ھوقۇقىڭىز بار ئەلبەتتە. ئۇلار بىلەن سۆزلەشكەن ۋاقىتتىكى ئاۋازلارنى ئۈنگە ئېلىۋېلىڭ.  راستىنلا ئۇلار ئۈستىدىن شىكايەت قىلسىڭىز ئەسقاتىدۇ.

ANSWER

	قاتتىق مەسئۇلىيىتىنى سۈرۈشتە قىلىپ جازالاش كىرەك

yasinawut

	يۇقۇردىكى توردىشىمىز مەسىللەرنى ناھايتى ئەتراپلىق ئوتتۇرغا قويۇپتۇ ، دىمىسىڭىزمۇ يەسلىلەردە بونداق ئەھۋاللار دائىم دىگۈدەك يۈز بىرىپ تۇرىدۇ . ئەڭ ياخشىسى قانۇنلۇق يەسلىگە ئاپارغان تۈزۈك ...

Esimda

	ئەسسالامۇ ئەلەيكۇم!! قاتتىق بولسىمۇ سىزگە دەي. خاپا بولسىڭىزمۇ مەيلى. ‹‹گۆدەك قىزىمنىڭ يەرگە ئۈستۈرىلىشى بالىلارنى خورلاشقا كىرەمدۇ يوق ؟›› دېگەنمۇ گەپمۇ ئەمدى؟ نېمىشقا كىرمەيدۇ؟ بىر ئەقىل ئېگىسىنىڭ سورايدىغان سۇئالىمۇ بۇ؟ بالىڭىزنى يەرگە ئۈستۈرۈپ قىلسا سىز بۇ يەردە تېما يوللاپ مۇشۇنىمۇ سورامسىز؟ ئېنىقلا تۇرمامدۇ خورلاشلىقى. كاللىڭىز ئۆتمىدىما مۇشۇنىڭغىمۇ؟؟؟ بۇنى سوراش كەتمەيدۇ تورداش! بالىڭىزنى ئۈستۈرسە نېمىشقا سورىقىنى قىلمايسىز؟ كاللىڭىزنى سىلكىۋېتىڭ. ئەگەر مېنىڭ بالامنى شۇنداق قىلسا، مۇنبەردە ۋاقتىمنى ئىسراپ قىلىپ تېما يوللىمايمەن. مېنىڭ پو ئاتقىنىم ئەمەس، ئانا-مانىسىنى كۆزىگە كۆرسىتىۋېتىمەن. تۇغۇلغىنىغا پۇشايمان قىلغۇزىۋېتىمەن. سىز ‹‹گۆدەك قىزىمنىڭ يەرگە ئۈستۈرىلىشى بالىلارنى خورلاشقا كىرەمدۇ يوق ؟›› دەپ سورىماي، سوتقا ئەرز قىلىڭ. مېنىڭ يۈرىكىم ئېچىشىۋاتىدۇ مۇشۇ تاپتا. سىزنىڭ ئورنىڭىزدا بولىدىغان بولسام، ۋاقتىمنى مۇنبەرگە ئەمەس، ئاشۇ ئىشنى ھەل قىلىشقا، ياكى ئاشۇ ھارامبىزەدىنى جايلاشقا ھەل قىلغان بولاتتىم.