بەزىلەر
بۇ دۇنيادا ياخشى ئىكەن بەزىلەر،
گۈل يىنىدا كەبى تىكەن بەزىلەر.
ئەممە دۇنيا ياخشىغا موھتاج ھامان،
دانا ئىكەن شۇنى بىلگەن بەزىلەر.
نادانلىقنى تەرك ئەتتى بەزىلەر،
ھەقىقەتنى تونۇپ يەتتى بەزىلەر.
نادان بولغاچ،ئەقلىنى تاپالمىغاچ،
ئويۇن،تاۋكا تامان كەتتى بەزىلەر.
ئالقىشلىدى قۇچسام نۇسرەت،بەزىلەر،
كۆرەلمىدى،قىلدى ھەسەت بەزىلەر.
مىنى كۆزدىن يوقۇتۇشنىڭ كويىدا،
دۈشمەن بىلەن قۇردى سۆھبەت بەزىلەر.
شەربەت دىسەم،بەردى ئوغا بەزىلەر،
تۆھپىكار دەپ بەردى سوۋغا بەزىلەر.
گاھ چۆللەردە قالسام يالغۇز پىيادە،
تۇلپار بىرىپ سالدى يولغا بەزىلەر.
ئاغرىپ قالسام بولدى مەلھەم بەزىلەر،
مۈشكۈللەردە بولدى ھەمدەم بەزىلەر.
تۆھمەت چاپلاپ قىلمىغاننى قىلدى دەپ،
قىلىپ قويدى كۆزۈمنى نەم،بەزىلەر.
نەزەر سالسام ئوخشاش ئەمەس بەزىلەر،
بىر تىيىنغا تەڭمۇ كەلمەس بەزىلەر.
بىلىپ قالغىن،ئۇنتۇلمايدۇ ياخشلىق،
ئەلگە قىلچە نەپ بىرەلمەس بەزىلەر.
نۇرئەھمەدجان روزى سۇلتاننۇر
2012-يىلى24-دىكابىر
بۇ يازمىنى ئاخىرىدا sultannur تەھرىرلىگەن. ۋاقتى 2012-12-24 10:22 PM
يوللىغان ۋاقتى 2012-12-24 09:24:55 PM
.gif)
