بىر قانچە شېئىرلار

koxbarmak

	سەن كېتىپ ئاكا-ئىنى ياتلاشتۇق، جېنىم ئاتا سەن كېتىپ، ئاچا-سىڭىل چاشلاشتۇق،جېنىم ئاتا سەن كېتىپ. ئورۇق-تۇققان ئەپ ئەمەس،قىين بولدى جەم قىلماق، يېقىن تۇققان ياتلاشتۇق،جېنىم ئاتا سەن كېتىپ. پىچىر-پىچىر كۆپ بولدى،دوست-يارەنلەر ئارسىدا، ئەجەپ يېغىر تاتلاشتۇق،جېنىم ئاتا سەن كېتىپ. مىراس دىدۇق،پۇل دىدۇق،ئانام قالدى تۇل دىدۇق، خوراز كەبى ئاتلاشتۇق،جېنىم ئاتا سەن كېتىپ. گويا شەمشاد قەددىمىز ئىگىلمەيتى،سۇنمايتى، بىزمۇ سۇلۇپ قاتلاشتۇق،جېنىم ئاتا سەن كېتىپ. خۇشال ئىدى يارەنلەر بىزنىڭ زەپەر مارشىدىن، قارا،تالاي ماتلاشتۇق،جېنىم ئاتا سەن كېتىپ. جىمى يەردە ۋاي ئىدۇق،خۇددى ئەركە تاي ئىدۇق، غېرىپسىنىپ داتلاشتۇق،جېنىم ئاتا سەن كېتىپ. كۆككە يەتكەن بېشىمىز،ئۈزۈلمىگەن رىشتىمىز، بىر ئۈزۈلدۇق تاشلاشتۇق،جېنىم ئاتا سەن كېتىپ. ئىجادىيتىم

koxbarmak

	پارچىلار ھاياتقا بىر كەلدىم قايتا كەلمەيمەن، كەلگىدەك پۇرسەتمۇ بەرمەيدۇ تەڭرى. ئۆزگىلەر ھەققىنى يېمەيمەن زىنھار، ئۆزۈمنىڭ رىسقسمۇ يىتىدۇ كەڭرى. ※※※※        ※※※※       ※※※※ ئېسىڭدىمۇ بۇرادەر بىز ئوينىغان جۈپمۇ-تاق، يىللار بىز گە بىزەك قىپ چاچ-ساقالغا تەردى ئاق. تەلۋە ئىدۇق بىر چاغدامازارغىمۇ تاش ئاتقان، سۆرەپ يۈرسە نەۋرىلەر ،دىيەلمىدۇق ئەمدى ياق. ※※※※        ※※※※       ※※※※ ئالغىنىم كۆپ بولدى بەرگەنلىرىمدىن، ئۈزگىنىم كۆپ بولدى تەرگەنلىرىمدىن. قانداقمۇ ماختىناي خەلقىم ئالدىدا، ئانچىكى بىر قۇچاق كەرگەنلىرىمدىن. ئىجادىيىتىم

koxbarmak

	مۇۋەششەھ 1 ئاشىقىڭمەن رايىڭغا باقالمىسام بولامدۇ؟ تونۇرۇڭغا قاتلىما ياقالمىسام بولامدۇ؟ يىراق كەتمەي يېنىڭدىن ئەندىشەم كۆپ سېنىڭدىن، بىرى قارىسا چاياندەك چاقالمىسام بولامدۇ؟ شامۇ-سەھەر سېغىنىپ شوخ سابادىن قىزغىنىپ، دەرۋازاڭنى كۈندە بىر قاقالمىسام بولامدۇ؟ ئەلدىن سوراپ ئىشىڭنى، غەمدە قالغان بېشىڭنى، لازىملىقنى ۋاقتىدا تاپالمىسام بولامدۇ؟ مەيدىن ئىزدەپ ھوزۇرنى، چەتتە قويۇپ قۇسۇرنى، تەرىپىڭگە بىر قوشاق قاتالمىسام بولامدۇ؟ گاھ چۆللەرگە سۇ باشلاپ، ھەسرەتتە كۆزۈم ياشلاپ، پەرھاد كەبى بىر ئۆستەڭ چاپالمىسام بولامدۇ؟ ئۇزلۇقۇڭدىن مەست بولۇپ، گاھى ئېگىز- پەس بولۇپ، سېنىڭ ئۆتەر يولۇڭدا ياتالمىسام بولامدۇ؟ لەيلى بولساڭ مەجنۇنمەن، ھەردەم ساڭا مەپتۇنمەن، ئوتتا كۆيۈپ سۈيۈڭدە ئاقالمىسام بولامدۇ؟ 2 ئالمىدەك بەرنالىقىڭدىن ئۆرگىلەي. شۇ ئوماق تەرسالىقىڭدىن ئۆرگىلەي. مىڭ جېنىن تىككەن يىگىت ئاشىق كەبى، گۈل چىراي رەنالىقىڭدىن ئۆرگىلەي. ئىزلىبان كەزسەم جاھاننى ئايلىنىپ، ئۇچرىماس يەكتالىقىڭدىن ئۆرگىلەي. ناتىۋان كاككۇك كەبى قانلار قۇسۇپ، ئوت يۈرەك ھەغدالىقىڭدىن ئۆرگىلەي. ئەقىل بىرلە كۆز سېلىپ ئالەم ئارا، شوخ زېرەك دانالىقىڭدىن ئۆرگىلەي. ئىجادىيىتىم

akbar0997

	ياخشى يېزىپسىز قېرىندىشىم ،قەلەم قوۋىتىڭىز بولىدىكەن .تىرىشىڭ قوللايمەن .

fireman

	مەن تىخى ئۆزەمنى ئانچە-مۇنچە شىئېر يازالايمەنغۇ دەيىتتىم ، ئەسلىدە دېڭىزنىڭ ئالدڭدا تامچە ئىكەنمەن......   بەك ياخشى يېزىپسىز ، ھەۋىسىم كىلىىۋاتىدۇ.......

tawallut

	ئەسساللامۇئەلەيكۇم قېرىندىشم،قۇلىڭىزغادەت كەلمىسۇن. مەنمۇئانچە-مۇنچەيېزىپ قۇياتتىم لېكىن سىزنىڭ ئىجادىيەتلىرىڭىزنى كۈرۈپ ئۈزۈمنىڭ بەكلا ئارقىدا ئىكەنلىكىمنى ھېس قىلدىم. بولسامۇشۇنداق ھەمىمىزگە ھۇزۇر-ئىلھام بېغشلايدىغان ئىجادىيەتلىرىڭىز مۈنبەردىن ئۈزۈلمىسۇن،ئاخىردا تىنىڭىزگە سالامەتلىك،ئىشلىرىڭىزغا ئۇتۇق تىلەيمەن.

sutbulak

	ياخشى يېزىپسىز رەھمەت

koziqak1118

	مەن مىسرانىم تور بېتى بىلەن تونۇشقاندىن باشلاپ، شائىر ۋە شائىرەلىرىمىزنىڭ ناھايىتى كۆپ ئىكەنلىكىنى ھېس قىلدىم. بۇنىڭدىن ئەجداتلىرىمىزنىڭ مىراسىغا ۋارسلىق قىلالايدىغانلىقىمىزدىن پەخىرلىنىۋاتىمەن. بولسا شۇنداق ئالىم، ئەدىب، پەيلاسوب، يازغۇچى، شائىرلىرىمىز كۈنسېرى كۆپەيسۇن.

oyqan0999

	بولسا شۇنداق ئالىم، ئەدىب، پەيلاسوب، يازغۇچى، شائىرلىرىمىز كۈنسېرى كۆپەيسۇن. مەنمۇ شۇ ئۆمۈدتە.

شرئەلى118

	بەك ياخشى يېزىپسىز قېرىندىشىم ، رەھمەت