دىكتور ، رىياسەتچىلەرگە قاتتىق تەلەپ يوقما؟

faeza

	قەدىرلىك تورداشلار ، رادىئو تېلېۋىزىيەنىڭ پروگراممىلىرىدىن ھەممىمىز بەھر ئېلىۋاتىمىز . شىنجاڭ تېلېۋىزىيە ئىستانىسىسى ، شىنجاڭ خەلق رادىئو ئىستانىسىسى ، ئۈرۈمچى رادىئو تېلېۋىزىيىسى قاتارلىق ئىستانىسىلاردىكى رىياسەتچى ، دىكتورلارنىڭ ئاۋازلىرىنى ئاڭلىساق ئاڭلىغۇمىز كىلىدۇ . ئۇلار خەۋەرنى خەۋەرگە لايىق ، پروگراممىلاردا رىياسەتچىلەرگە خاس جۇشقۇنلۇق بىلەن پروگراممىلارنى ياخشى باشقۇرۇپ كىلىۋاتىدۇ . رادىئونى دەيدىغان بولساق ئەكبەر ئابدۇللا ،مەۋلۇت ئىبراھىم ، زۆھرە كېرەم ، گۈلبوستان ئابدۇقادىر ، گۈلجەننەت ھۈسەن، (سانايدىغان بولساق خېلى كۆپ)........دىگەندەك نۇرغۇن ، نۇرغۇن رىياسەتچىلىرىمىزنىڭ ئاۋازلىرىنى ئاڭلاپ ، كۆڭلىمىز سۈيۈنۈپ كىتىدۇ . ھەتتا ئۇلارنىڭ چىرايلىرى قانداقتۇ ؟ بىر كۆرۈپ باققان بولساق دەپ ئويلاپ كىتىمىز .    تېلېۋىزىيەدە بولسا ھەردائىم خەۋەر ئاڭلىساق ، خەۋەرنى ئېنىق ، راۋان ئوقۇپ بېرىۋاتقان دىكتورلارغا ھەۋەس قىلىپ كىتىمىز . پروگراممىلاردا بولسا رىياسەتچىلەرنىڭ رىياسەتچىلىك قابىلىيىتىنىڭ يۇقىرىلىقى ئادەمنى سۈيۈندۈرىدۇ . ھەتتا پروگراممىنى ئەمەس ، ئاشۇ رىياسەتچىنى دەپ پروگرامما كۆرىدىغانلارمۇ بار . مىسالغا ئالىدىغان بولساق ئۈمىد غەنى ، ماھموت ئىسرائىل ، گۈلشەن مەمەتتۇرسۇن ، ماھىرە ئابدۇغەنى، (سانايدىغان بولساق خېلى كۆپ) .    لېكىن يەرلىك ئىستانىسىلاردىكى دىكتور ، رىياسەتچىلەرگە قاتتىق تەلەپ يوقمۇ ياكى بىلەلمىدىم . ۋىلايەت ھەم ناھىيىمىزنىڭ دىكتور رىياسەتچىلىرىگە قارىسام بەك ئىچىم پۇشىدۇ . خەۋەر ئوقۇسا خۇددى نەسىر ئوقۇغاندەك ئارتۇقچە ھاياجانلىنىپ كىتىدۇ . ھەربىر جۈملىنىڭ قانداق يېرىدە قانداق توختاپ ، قانداق داۋاملاشتۇرۇشنى بىلمەيدۇ . پروگراممىلارغا رىياسەتچىلىك قىلسا تەمتىرەپ ، ئەدەبى تىلغا ھۆرمەت  قىلماي ، يەرلىك شىۋىلەرنى ئىشلىتىۋېتىشكە ئارانلا تۇرىدۇ . ھەددىدىن زىيادە تەبەسسۇم قىلىدۇ ياكى ھاياجانلىنىپ كىتىدۇ .   ھىچقانداق كەسپى بىلىم ئىگىلىمىگەن خادىملارنى دىكتور رىياسەتچى قىلسا بۇلامدۇ ؟ ھازىر ئالى مەكتەپنىڭ مۇشۇنداق كەسىپلىرىنى پۈتتۈرگەن ئوقۇغۇچىلىرى نۇرغۇن بۇلۇشى مۇمكىن . ھەريىلى ھۈكۈمەت مەمورى ئىمتىھانلارنى ئېلىپ ھەرقايسى ئىدارە ئورگانلارغا ئادەم قۇبۇل قىلىۋاتىدۇ . شىنجاڭنىڭ ھەرقايسى جايلىرىغا ئىمتىھان ئېلىپ ئوقۇتقۇچى قۇبۇل قىلىۋاتىدۇ . ئەجىبا ، رادىئو - تېلېۋىزىيىدەك مۇشۇنداق كۆزنەك ئورۇنغا مۇشۇنداق ئادەم تەكلىپ قىلسا بولماسمۇ ؟      قېنى تورداشلار ، بەلكىم بۇنداق ئىشلار بىزنىڭ يۇرتىمىزدىلا بولماي ،جاي جايلاردا بۇلۇشى مۇمكىن . قېنى سىلەرمۇ دەپ بېقىڭلار !    ئەگەر مۇشۇ تىمىنى كۆرگەنلەر ئىچىدە ئاپتۇنۇم رايۇنلۇق رادىئو تېلېۋىزىيە ئىدارىسىدا ئىشلەيدىغانلار ياكى ئۇلارنىڭ تۇنۇشلىرى بولسا دەپ قۇيۇڭلار . ئاشۇنداقلاردىن دائىم ئىمتىھان ئېلىپ ، نازارەت قىلىپ تۇرسۇن . بىر خەۋەرنى ياخشى ئوقۇپ بېرەلمىگەن دىكتورنىڭ بىزگە كېرىكى يوق !    مەنبە : ئۆزەم

ئۆل

	ھېلمۇ ئىمتھان ئارقلىق ھەم شۇ كەسىپىنى پۈتۈرگەنلەرىنى قۇبۇل قىلۋاتىدىغۇ ؟ بىز تەرەپتە شۇنداق ؟

مەھمۇد

	مەن ئادەتتە رادىئو ئاڭلىسام رادىئوغا قارمىساممۇ ئاۋازى ئارقىلىق قايسى رادىئو ئىستانسىسى ئىكەنلىكىنى بىلىۋالمەن .

aruzu

	تىلۋىزيە ئىستانسى ۋە رادىئو ئىستانسىللىرىغا بەك تاللاپ قۇبۇل قىلىش كىرەك ئىدى .لىكىن مۇشۇ شىنجاڭ تىلىۋىزىيە ئىستانسىغا بىرقىسىم يولداشلار سۇقۇنۇپ كىرۋالدىمۇ قانداق خەۋەر ئۇقۇسا خوددى ئاغزىغا بىر نەرسە سېلىۋېلىپ گەپ قىلىغاندەكلا خەۋەر ئۇقۇيدۇ.

eliho

	توغرا دەيسڭز .مەننمۇ ناھيەلەرنىڭ خەۋىرلىرنى كۆرسەم ، ئىچىم پۇشىدۇ .....

0998attella

	يەرلىكتىكى  ئىستانسىلارغىمۇ   ئەمىليەتتە   تەلەپ يۇقىرى. سىز  نىمىشقا شۇ ئۆزىڭىز تۇرۇشلۇق ئورۇندىكى ئىستانسىنىڭ دىكتۇرلىرى بىلەن يۈز تۇرانە تۇرۇپ سۆزلىشىپ ،ئۆزىڭىزنىڭ تىگىشلىك تەكلىپ پىكىرلىرىڭزنى دىمەيسىز؟؟؟؟؟؟؟؟؟؟؟؟

gulbaxikar

	مىنىڭ ئويلىغىنىممۇ دەل شۇنداق ، بولۇپمۇ ناھىيە دەرىيجىلىك ئورۇنلادىن باشلاپ تۆۋەنگە چۈشكەنسىرى دىكتورلارنىڭ ئاۋازى جەھەتتىن بولسۇن كەسپىي تەربىيەلىنىشىى جەھەتتىن بولسۇن ئۆلچەمگە لايىق دەپ قارىمايمەن، مەن بۇ يەردە ئۆزەم ھىس قىلغان بىر ئورۇننى دەپ ئۆتەي،  پىچان ناھىيەسىنىڭ لۈكچۈن بازىرى ۋە لەمجىن بازىرىنىڭ دىكتورلىرىنىڭ پەقەت ئۆلچەملىك ئەمەس ، ئۇلاردا ئالغا ئىنتىلىش كۈچى يوق، پەقەت ۋەزىپە ئورنىدا ئۇقامدىكىن دەيمەن ، بورۇن ئۇ كەسىپتە ئۇقۇمىغان بولسا تەلەپ قىلىپ ئۇقۇشقا بېرىپ تەربىيەلىنىپ كىلىپ ھىچ بولمىغاندا ناھىيە دەرىيجىلىك دىكتورلاردەك بولسىمۇ ئۇقۇسا بولمامدىغاندۇ، يېزىدىكىلەرمۇ كور پاڭ ئەمەسقۇ ، ئۇلارنىڭمۇ ئىللىق يىقىملىق ئاۋازدا ئۇقۇغان  ھەر خىل ئىلان، خەۋەر، ئۇقتۇرۇشلارنى دىكتورنى ماختاپ تۇرۇپ ئاڭلىغۇسى ،ئاۋازى قۇلاق تۆۋىدە ياڭراپ تۇرۇشنى خالىمامدىغاندۇ؟ مۇشۇ پۇرسەتتە بىزگە بىر قەدەر تۇنۇشلۇق ھەم ئاۋازى قۇلاق تۆۋىمىزدە ئاڭلانسىلا بىلىۋالالايدىغان دىكتورلىرىمىزنى قىسقىچە دەپ ئۆتەي: شىنجاڭ تىلىۋزىيە ئىستانسى دىكتورلىرىدىن مۇنىرە ھەدىمىزنىڭ ئاۋازى ھەر قانداق بىر ئاڭلىغۇچى ئاڭلىسا تۇنالايدىغان دەرىيجىدە قۇلاققا سىڭىپ كەتكەن، مانا بۇ مۇۋاپىقىيەت! يەنە تەلەي يۇلتۇزىدىكى ئۇماق گۈلشەن، كۈڭۈلدىكى سۆزدىكى ئۈمۈت غىنى،  مەشرەپ تىكى ماھىرە بىلەن دىلبەر،  يەنە مەن دائىم ياقتۇرۇپ كۆردىغان ھايۋاناتلار دۇنياسىنى چۈشەندۈرگۈچى ماخمۇت ئىسلام ئاكىمىزنىڭ ئاۋازى، شەمسىيە ئەبەيدۇللا، قانۇن رىياسەتچىسى مەخمۇت ئىسرايىل، رىزۋانگۈل ، بالىلار رىياسەتچىسى دىلرەبا،  رادىئودىكى تەلەپ تەغدىم رىياسەتچىسى ئاۋازى سۈيۈملۈك گۈلجەننەت ھۈسەن، گۈلباھار رىھىم يەنە خېلى بار ئىدى دەمالىققا يادىمغا كەلمەيۋاتىدۇ، مۇشۇلارنىڭ ئاۋازىنى كۆپچىلىك ئاۋاز ئاڭلىغۇچى ھەم كۆرۈرمەنلەر بەك ياقتۇرۇدىغۇ دەيمەن!

KAYYUM137

	ئېلان سۇپىتى ھازىرقى  مەسىلە   مۇشۇ ئېلاننى قانداقراق  كىشى ئىشلەيدىكىن   بىز قانداق مىللەت قانداق يۇسۇندا تەشۋىق قىلىش كىرەك  دىمەسلادىن  ئاياللار كىسىلىدىن باشلاپ كەتسە   تېلىۋىزورنى ئۆچۇرمەي ئامال يوق  ، يەرلىك ئىستانسىدىكىلەر  ئازراق ساپاسىنى  كۆتۇرسىكەن دەيمەن .

چېچەك

	ھەر قايسى يەرلىك ئۇرۇنلاردا يېڭى بىر تۈركۈم دىكتور-رىياسەتچىلەر ئەمدىلەتتىن بىخ ھالىتىدە ئېكران يۈزىدە كۆرۈنۈشكە باشلىدى.پېشقەدەم دىكتورلار ئۇلارغا تەجىرىبە ۋە كەسپىي جەھەتتىن يېتەكلەشنى ياخشى ئېلىپ بارسا ئاساسەن تەلەپكە لايىق بۇلۇپ كېتىدۇ دەپ قارايمەن. شىنجاڭ تېلۋىزىيە ئىستانىسى ،ئۈرۈمچى تېلۋىزىيەئىستانىسىنىڭ دىكتورلىرى كەسىپىي جەھەتتە خېلى يېتىشكەن.

nurjula

	مەن شىنجاڭ تىلىۋىزىيە ئىستانسىسىنىڭ بارلىق رىياسەتچىللىرىنى ياقتۇرىمەن، بىراق بەشىنجى ئىيۇل ۋەقەسىدە ئۆزى يالغۇز كۈنلەپ خەۋەر ئوقۇپ كەتكەن ھېلىقى بىر ياش يىگىت رىياسەتچىمىز بار ئىسىمى نىمىدى؟ شۇ بالىنىڭ ئاۋازىنى ئاڭلىمىسام دەيمەن!ھېلھەممۇ بەك خەۋەر ئوقۇيدىغۇ! ئاۋازى زادىلا تەبىئى ئەمەس، ئاڭلىساملا بىئارام بولىمەن! بىزنىڭ ناھىيەنىڭ رىياسەتچىسى ھازىر ياخشى بولۇپ كەتتى. ئوبدان ئوقۇيدۇ، بىراق بىر قانچە يىلنىڭ ئالدىدا بىرەيلەن بار ئىدى، ئاۋازىنىڭ يېقىمسىزلىقىدىن ھېچكىم ناھىيە خەۋەرلىرىنى كۆرمەس بوپ كەتكەن! ئاللاھقا شۈكرى، يۆتكىلىپ كەتتى، ھازىر قايسى جايدا كىملەرنىڭ قۇلىقىنى بىسەرەمجان قىلىپ يۈرۈيدۇ بىلمىدۇققۇ؟