ئالامەت قىزىقارلىق
بىر قىزنىڭ ئاتا ئانسىغا يازغان خېتى
مەن ئۆيدىن ئايرىلىپ بۇ يەرگە ئوقۇشقا كەلگىلى يېرىم يىل بوپتۇ . بەزى ئىشلار تۈپەيلى سىلەر بىلەن ۋاقتىدا ئالاقىلشالمىدىم. مانا بۈگۈن ئاخىرى ۋاقىت چىقتى . تۈەندىكىلىرى مېنىڭ سەزگۈزەشتەم ۋە ھازىرقى ئەھۋالىم. گەرچە دادامنىڭ جىددى خاراكتىرلىك يۈرەك كېسىلى بولسىمۇ، ئاپامنىڭ يۇقىرى قان بېسىم كېسىلى بولسىمۇ، لېكىن سىلەرنىڭ يەنىلا سەۋرچانلىق بىلەن بۇ خەتنى تەپسىلى ئوقۇپ چىقشىڭىلارنى ئۈمۈت قىلىمەن .
مەندىن ئەھۋال سورىساڭلار ، پۇتۇمنىڭ سۇنۇپ كەتكنى ۋە ئارقا مىڭەمنىڭ ئېغىر سىلكنشىدىن قېلىپ قالغان كىكىچلەپ سۆزلەش ۋە ئاقساپ مېڭىش بۇ ئىككى كىسەل ئاسارتىنى ھىساپقا ئالمىغاندا مەن خېلى ياخشى تۇرۋاتىمەن. مەن مەكتەپكە كېلىپ بىر ھەپتىدىن كېيىن مەكتەپ ياتقىدىن ھەيدىلپ سىرتتىن ياتاق ئىجارىگە ئېلىپ ئولتۇردۇم ، مەن بىلەن بىر ئۆيدە تۇرۋاتقان ساۋاقدېشىمنىڭ بىخەستەنلىكى سەۋەبىدىن ياتاققا ئوت كەتتى، مەن ئىككىلنىپ ئولتۇرمايلا 5 - قەۋەتتىن سەكردىم ، ياتاقدېشىم قورقۇنچاق بولغاچقا سەكرمىدى، بىر بۇلۇڭغا كىرىپ ئولتۇرۋاپتۇ، شۇڭا ھېلىقى تۇخۇ يۈرەك ياتاقدېشىم ساق قالدى ، مەن ئازراق زەخمىلەندىم .
مەن دوختۇرخاندا 5 كۈن يېتىپلا قايتىپ چىقتىم . چۈنكى دوختۇرخانىدا بىر نەچچە زۇكام بوپقالغانلارغا كارۋات يېتىشمەي مېنى چىقىرۋەتتى. ھازىر كېسلىم سەللىمازا ساقىياي دەپ قالدى. بېشمىنىڭ ئاغرىقى بىر سوتكىدا پەقەت ئۈچ -تۆت قېتىملا مېنى قىينايدۇ، ئوڭ قولۇم بىنادىن يىقىلغاندا كاردىن چىققاچقا دوختۇرلار كىسۋتىپتىكەن ، ھازىر سول قولۇمدا مېيىپلار ھارۋسىنى ئۆزۈم ئىتتىرىپ ماڭالايمەن.
مەن بىنادىن يىقىلغاندا بىرنچى قەۋەتتىكى دۇكان ئاچدىغان يىگىت كۆرۈپ قاپتىكەن ،دەل ئاشۇ يىگىت مېنى دوختۇرخانىغا ئاپارغان ۋە ئوت ئۆچۈرۈش ئەترتىگە تېلىفۇن قىلغانكەن.
مەن دوىتۇرخاندىن چىققاندى كېيىن باردىغانغا جاي يوق تۇرغاندا ھېلىقى يىگىت ماڭا ئاتاپ بىنانىڭ ئەڭ ئۈستىگە بىر كىچىك چىدىر تىكىپ بەردى، ھەر قېتىم مەن چاقلىق ئورۇندۇققا ئولتۇرۇپ قايتىپ كەلگەندە ئۇ مېنى بىناغا چىققاندا ئاستىراق چىقىڭ دەپ ئەسكەرتىپ تۇرىدۇ. مەن بۇنڭىدىن بەك سۈيۈندۈم.
شۇنداق قىلىپ كۈنلەرنىڭ ئۆتىشى بىلەن ئىككمىزنىڭ مۇناسىۋىتى خېلى يېقىنلشىپ قالدى.
ھازىر بىز توي قىلىشقا تەييارلىق قىلۋاتىمىز، شۇڭا پەقەت سىلەرنىڭ ئېغزىڭلارغا قاراپ قالدىم. سىلەر ئامال بار تىزراق ماقۇل بولۇڭلار، قانچە تىز بولسا شۇنچە ياخشى ،ئەڭ ياخشىسى مېنىڭ قورسىقىمغا قاراپ باشقىلار مېنىڭ ھامىلدار بولۇپ قالغنىمنى بىلىپ قالغۇچە تىزراق توي قىلسام بۇلاتتى .
سىلەرنىڭ بولغۇسى كۈيئوغلۇڭلارغا كەلسەك ، مەندىن 10 سانتىمىتىر پاكار، مېنى ھەرگىز بوزەك قىلالمايدۇ ، بۇنىڭدىن خاتىرجەم بولۇڭلار. مېنىڭچە دۇنيا ئىتتپاقلقىغا كۈچ قوشۇشقا سېلىشتۇرغاندا بىراۋنىڭ تىرسنىڭ سېرىق ياكى قارا بولۇشى ھېچقانچە ئىش ئەمەس.
سىلەرنىڭ كۈيئوغلۇڭلار سىلەر ئويلىغاندەك ئۇنچە قارىمۇ ئەمەس، لېكىن ئوباما دەك ئاقمۇ ئەمەس. ئىككى قولنىڭ مېيىپ ۋە بىر ئوڭ كۆزنىڭ ئالغاي، سول كۆزنىڭ قارىغۇلقىنى ھىساپقا ئالمىغاندا شۇنداق تىمەن، شۇنداق ساغلام . گەرچە ئۇ ئارانلا باشلانغۇچ ئىككىنچى يىللىققچە ئوقۇغان بولسىمۇ لېكىن ئۇ ئافرقىدىكى ۋاقتىدا دادسدىن شىر ئوۋلاش، بۈرە تۇتۇش دىگەنلەرنى شۇنداق ياخشى ئۆگنىپتىكەن. بىر قېتىم ئۆزى يالغۇز يولۋاس ئوۋلغىلى چىققاندا يارلنىپ ھازىرقىدەك بوپقاپتىكەن. ئۇنىڭ دېيىشچە ئۇنىڭ دادسى ئافرىقدىكى خېلى چوڭ بىر قەبلنىڭ قەبىلە باشلىقى ئىكەن، ئەمىلى خېلى چوڭ ئوخشايدۇ.
شۇڭا سىلەرنىڭ تىزراق قوشۇلشىڭلارنى ئۈمۈت قلىمەن.
ئەڭ ئاخىردا تۈەندىكىلەرنى تولۇقلاپ قويماقچىمەن :
مەن تۇرۋاتقان بىناغا ئەزەلدىن ئوت كەتكەن ئەمەس ،
مەن دوختۇرخانىغا كىرىپ قالغانمۇ ئەمەس ،
مېنىڭ ھامىلدار بولۇپ قېلىشىم تېخىمۇ مۇمكىن ئەمەس ،
مەن تېخى توي قلىشنى ئويلاپ باقمىدىم
مەن بىرەر قارا تەنلىك بىلەن تۇنۇشۇپ باققانمۇ ئەمەس
سىلەر يۇقىرقىلارغا بەرداشلىق بىرەلىگەندىكىن تۈەندىكىگە چوقۇم بەرداشلىق بېرەيلسىلەر!
ماۋۇلار ھەقىقى ئەھۋال :
ئۇ بولسىمۇ ........
مەن يۇقىرى يىللىققا ئۆرلىيەلمىدىم ،
ھۆرمەت بىلەن قىزىڭلار : XX
ئاتا-ئانسنىڭ قىزىغا يازغان جاۋاپ خېتى
XX ، ياخشىمۇ سىز !
ناھايىتى ئەپسۇس ،سىزنىڭ ئاتا -ئانىڭىز خېتىڭىزنىڭ ئەڭ ئاخىردىكى بىر نەچچە قۇرنى كۆرۈشكە ئۈلگۈرمەيلا بىز بىلەن مەڭگۈلۈك خوشلاشتى.
خەتنى كۆرۈپ يېرىمىغا كەلگەندە دادىڭىزنىڭ يۈرەك كېسىلى قوزغىلىپ ئۇ دۇنياغا كېتىپ قالدى، يەنە ئىككى قور كۆرپلا ئاپىڭىزنىڭ قان بېسىمى ئۆرلەپ مىڭە قان تۇمۇرى يېرلىپ مىڭسگە قان چۈشۈپ ئۇمۇ دادىڭىزغا ھەمرا بولغىلى كەتتى، بىز قوشنىلار ئاتا -ئانىڭىزنىڭ ئاخىرەتلىك ئىشلرىنى بىر تەرەپ قىلش ئۈچۈن سىلەرنىڭ ئۆيۈڭلارنى سېتىۋەتتۇق، لېكىن يەنە 50 مىڭ يۈەن كەملىدى، ئاتا-ئانىڭىزنىڭ جەسستى كوچىدا ئىككى كۈن تۇرغاندىن كېيىن كوچا تازلايدىغانلار ئەخلەت قاتارىدا بىر تەرەپ قىلىۋىتتى. ئاخىرى بىز ئاتا -ئانىڭىزنىڭ جەسستنى تېپىپ كىلىپ كۆمۈپ قويدۇق ، شۇڭا كەملىگەن 50 مىڭ يۈەننى تىزراق بىزگە ئەۋەتىپ بىرەسىز، ئاتا ئانىڭىشنىڭ روھى قورۇنۇپ قالمىسۇن.
ئاخىرىدا مۇنۇلارنى تولۇقلماقچىمىز :
بىز دەل سىزنىڭ ئاتا ئانىڭىز ،تېخى ئۆلمىدۇق ، بىز تېخى ھايات، لېكىن بايقىلارغا بەرداشلىق بەرگەنكەنسىز تۆۋەندىكىگە چوقۇم بەرداشلىق بىرەلەيسىز :
بىز سىزگە ئايلىق خىراجەت پۇلى ئەۋەتمەسلىكنى قارار قىلدۇق،سىزگە ئامەت تىلەيمىز قىزىم، بىز سىزنى سۆيىمىز !!!
ھۆرمەت بىلەن : ئاتا - ئانىڭىز .
مەنبە : تىڭشۈن تورىدىن .
تەرجىمە قىلغۇچى : ئۆزۈم .
2012.04.01 (دالىيەن )
بۇ يازمىنى ئاخىرىدا Eltekin تەھرىرلىگەن. ۋاقتى 2012-4-1 06:31 PM
يوللىغان ۋاقتى 2012-4-1 03:38:47 PM
يوللىغان ۋاقتى 2012-4-1 06:31:09 PM
.gif)
.gif)
.gif)
.gif)
.gif)