سىرىلانكىلىق بىر ئەر تىرىك كۆمۈلۈش دۇنيا جىنىس رىكورتىغا جەڭ ئىلان قىلىپ،تىرىك كۆمۈلۈپ ئالتە يىرىم سائەت بولغاندا ئۆلۈپ قالدى.
سىرىلانكىلىق ئەر باسىنىياكا تىرىك كۆمۈلۈش دۇنيا جىنىس رىكورتىغا جەڭ ئىلان قىلىپ،تىرىك كۆمۈلۈپ ئالتە يىرىم سائەت بولغاندا ئۆلۈپ قالدى
خەلقئارا لىنىيىسى مەخسۇس يازمىسى: ئىگىلىنىشىچە،ئاۋىستىرالىيە رادىئو شىركىتى ۋە <كۈندىلىك ئىلىكتىر-ئالاقە گىزىتى>نىڭ 3-ئاينىڭ 6-كۈنىدىكى خەۋىرىدە سىرىلانكىلىق بىر ئەر تىرىك كۆمۈلۈپ ئەڭ ئۇزۇن تۇرۇش دۇنيا جىنىس رىكورتى ياراتماقچى بولۇپ مۇۋاپىقىيەت قازىنالمىغان. تىرىك كۆمۈلۈپ ،ئالتە يىرىم سائەت بولغاندا بەخىتكە قارشى ئۆلۈپ قالغان.
ساقچى تەرەپنىڭ ئىيتىشىچە، بۇ كىشىنىڭ ئىسمى جاناكا باسناياكا (Janaka basnayake) بولۇپ،بۇيىل24ياش، دوسلىرى ۋە ئائىلىدىكىللىرىنىڭ ياردىمى ئاستىدا، ئالدىنقى ھەپتىنىڭ ئاخىرى ،سىرىلانكىنىڭ پايتەختى كولۇنپونىڭ شىمالىغا 220كىلومىتىر كىلىدىغان ،كانتالى بازىرىدىكى 3مىتىر چۇڭقۇرلۇقتىكى ئويمان جايغا كۆمۈلگەن،ئاندىن ئۈستىنى ياغاچ ۋە توپا بىلەن مەھكەم ئىتىۋەتكەن.
باسناياكا شۇ يەر ۋاختى 3-چىسلا ئەتىگەن 9دىن 30مىنۇت ئۆتكەندە كۆمۈلگەن. ساقچى تەرەپنىڭ ئىيتىشىچە،ئۇ چۈشتىن كىيىن سائەت 4بىلەن كولاپ چىقىرىلغان. دىمەك ئۇ كۆمۈلۈپ نەخ ئالتە يىرىم سائەت بولغاندا كولاپ چىقىرىلغان. شۇ چاغدا باسناياكا ئاللىقاچان ھوشىنى بىلمەيدىغان ھالەتتە بولۇپ، دەرھال دوختۇرخانىغا ئىلىپ بىرىلغان.داۋالاش ئىلىپ بىرىلماي تۇرۇپ ئۆلگەنلىكى ئىنىقلانغان . كانتالى دوختۇرخانىسىنىڭ دوختۇرى كوستا (D G cost) ئۆلگۈچىنىڭ ئۆلۈش سەۋەبىنى يەنىمۇ ئىلگىرلىگەن ھالدا تەكشۈردىغانلىقىنى بىلدۈردى.
باسناياكانىڭ ئانىسىنىڭ دىيىشىچە : باسناياكا مانا مۇشۇنداق غەلىتە ماھارەتلەرنى كۆرسىتىشكە ئامراقكەن. ئۇ ئىلگىرىمۇ ئىككى قىتىم تىرىك كۆمۈلگەن بولۇپ،ئايرىم-ئايرىم 2سائەت ۋە 6سائەت تىرىك كۆمۈلگەن ئىكەن.
مەنبە:سوخۇ خەۋەرلەر تورى
ئۇلانما:http://news.sohu.com/20120306/n336836936.shtml
تەركىن تەرجىمىسى