ناتىۋان گۈل

pasil

	ناتىۋان گۈل                                                                        (نەسىر)   بۈگۈن ھاۋا ئوچۇق بولۇپ، قاياقتىندۇر پەيدا بولغان بىر توپ كۈلرەڭ بۇلۇت بۇ شەھەرنىڭ مائارىپ مەھەللىسىنىڭ ئۇدۇلىغا توپلىشىۋېلىپ سىمىلداپ ياش تۆكمەكتە ئىدى.خىسلەتلىك تۆمۈر چوققا ئاپئاق قاردىن لىچەك ئارتىۋالغان بولۇپ،گۇيا سېنىڭ نامىزىڭغا قاتناشقىلى كېلىۋاتقاندەك بارغانچە ئېنىق ۋە ھەيۋەتلىك كۆرۈنەتتى. تەڭرىتاغ ئانىنىڭ سىرلىق كۆكسىدىن سىرغىپ چۈشۈپ شاۋقۇنلۇق ئېقىم ياسىغان توشقان دەرياسى بىلەن قۇمئېرىق دەرياسى بىرلەشمە كۈچ ھاسىل قىلىپ،گۇيا سەندەك بىر نارىسىدىنى نابۇت قىلغان بۇ شەھەرنى يۇتۇپ كەتمەكچى بولغاندەك شىددەتلىك دولقۇن كۈتىرەتتى.   سەن گۇيا ئەمدىلا ئېچىلىپ بەرىق ئۇرغان سېھرىلىك غۇنچىدەك كۆزلەرنى قاماشتۇراتتىڭ. ئۇشتۇمتۇت كەلگەن شىۋىرغاننىڭ ئەجەللىك بارماقلىرى نازاكەتلىك غۇنچىنى تىتىپ تاشلىدى.ئەڭ ئاخىرقى قېتىم قات-قېتىدىن سۆكۈلگەن ئەبجەت دۇنياغا ئەلەم بىلەن تىكىلدىڭ-دە، جىمجىتلا كىتىپ قالدىڭ. سېنىڭ تۇيۇقسىز ئۆلۈمىڭ ئاتا-ئاناڭ،ئۇرۇق-تۇغقانلىرىڭغىلا ئەمەس، خۇلۇم-خوشنا،يۇرۇت-مەھەللە،ئەل-جامائەتنىڭ ھەممىسىگە شۇنچىلىك ئېغىر كەلدىكى،بىز-ھەممىمىز سېنىڭ بىلەن بىرگە ئۇ دۇنياغا كېتىشنى ئويلىغان بولساقمۇ كېتەلمىدۇق.ياقا يىرتىپ يىغلاشتۇق، ئەمما يىغا رىياللىقنى ئۆزگەرتەلمەيدىكەن. سەن كەتكەنچە كەتتىڭ ،بىز يىغلىغانچە قېلىۋەردۇق. بۇ شۇنداق جاھان ئىكەن ،ئۆلگەننىڭ كەينىدىن ئۆلگىلى بولمايدىكەن...   سەن بەكلا ياش كەتتىڭ،ياشلىقنىڭ بوسۇغىسىغا قەدەم باسا-باسمايلا كىتىپ قالدىڭ. ئون گۈلۈڭنىڭ بىرىمۇ ئېچىلمىغان ئىدى ئەمەسمۇ!... بۇ دۇنيادا تېخى نۇرغۇن پۇرسەتلەر،ھۇزۇر-ھالاۋەتلەر،بوران-چاپقۇنلار،سىرى-ھىكمەتلەر...سېنى كۈتۈپ تۇراتتى. سەن ئەمدىلا22باھار ھەم قىشنى ئۇزاتقان ئىدىڭ. كىشىلىك ھاياتنىڭ ئالتۇن پەسلىگە ئەمدىلا قەدەم باسقان ئىدىڭ. ..   بىر ئانا ئۈچۈن بىر بالىنى تۇغۇپ،تەربىيىلەپ ئۆستۈرۈپ قاتارغا قوشۇش ئاسان ئىشمۇ؟ سېنىڭدەك بىر قىزبالا ئۈچۈن مۇقۇم خىزمەتكە ئورۇنلىشىش بۈگۈنكى ئويغۇر جەمئىيىتىدە قانچىلىك مۈشكۈل ئىش ھە!...بىر بالىنى يىمەي يۈدۈرۈپ،كىيمەي كىيدۈرۈپ مىڭ بىر مۇشەققەتتە، ئارزۇ-ئارمانلاپ ئالى مەكتەپتە ئوقۇتۇپ، ئەمدىلا ئۇھ! دىگەندە مۇشۇنداق قىسمەتكە يولۇقسا پىسەنىت قىلماي يۈرەلەيدىغان ئاتا-ئانا بارمۇدۇ؟..    سەن كىچىكىڭدىنلا ئىنتايىن ئىنتىلىشچان،ئەستائىدىل، ئىرادىلىك قىز ئىدىڭ ،قائىدىلىك ئىدىڭ. ئاتا-ئاناڭ،ئىنى-سىڭىللىرىڭ ئەمەس خۇلۇم-خوشنا، ئەل-جامائەت...ھەممىمىز سېنى ھۆرمەتلەيتتۇق، پەرزەنىتلىرىمىزگە تەربىيە بەرگەن چاغلىرىمىزدا ئۇلاردىن سېنىڭدەك ئادەم بولۇشنى تەلەپ قىلاتتۇق. سەن بەش جان ئادەم بار ئائىلىدە بىردىنبىر ھۆكۈمەتتىن مۇئاش ئالىدىغان،مۇقۇم ئىشتاتلىق كادىر ئىدىڭ. بۇ ،ئۆمۈر بويى كۈنلۈك ئىشلەپ ،بۈەۈن تاپقىنىنى بۈگۈن، ئەتە تاپقىنىنى ئەتە يەتكۈزۈپ يەپ سېرىقتال  ياشاپ كېلىۋاتقان ئاتا-ئاناڭ ئىچۈن زور بەخىت ئىدى.ئۇلارنىڭ ساڭا مەسلىگى كېلەتتى. ئاناڭنىڭ گاھىدا سەندەك يۇقۇرى مەلۇماتلىق زىيالىنى ئۆزىدەك بىر ساۋاتسىز ئايالنىڭ تۇغۇپ چوڭ قىلغىنىغا ئىشەنگۈسى كەلمىسە،ئاتاڭنىڭ گاھىدا سېنىڭ كۈندە بىر ئىككى قېتىم خوش ياقا-اقماس «ئىدارىگە ماڭدىم» دەپ  چىقىپ كىرىپ يۈرۈپلا ،«ئايلىق مۇئاشىم» دەپ ئەكىرىدىغان  بىر كاللەك پۇلغا زادىلا ئىشەنگۈسى كەلمەيىتتى. سەن گەرچە قىزبالا بولساڭمۇ بىر ئائىلىنىڭ ئۈمۈت چىرىقى ئىدىڭ،ئاياتلىق شامى ئىدىڭ. ئىشسىزلىقنىڭ دەردىنى يەتكۈچە تارىتقان ،ئۆزيۇرتىدا مۇساپىر بولۇپ،قېقىندى-سۇقۇندىلىقتا خارلانغان ئاتا-ئاناڭ ئۈچۈن زور تەسەللى ئاتا قىلىپ كىلىۋاتاتتىڭ. سەن ئۇلارنىڭ ھاياتلىق يىلتىزى ئىدىڭ. ئەمدى سەن كەتتىڭ،كەتكەندىمۇ ئىنتايىن سىرلىق ھالدا كەتتىڭ. بىچارە ئاتا-ئاناڭ ئەشۇ ئاخىرقى مىنۇتلاردا ئۆزلىرىگە نىمە دىگەنلىكىڭنى،قانداق يۈرەك سۆزلىرىڭنى ئىزھار قىلغىنىڭنى، بۇ دۇنيا بىلەن زادى نىمە سەۋەپتىن خوشلاشقىنىڭنى بىلمەيلا قالدى.بۇنداق ئازاپنى ئانا قەلبى قانداقمۇ قۇبۇل قىلالىسۇن!...   ئۆلۈم شۇنچە قورقۇنۇشلۇق بولسىمۇ، بىز بۇ رىياللىقنى ھامان قوبۇل قىلالايمىز. ئىنسان بۇ دۇنياغا كۆز ئاچقان ئىكەن ئۇ ھامان تۈرلۈك سەۋەپلەر بىلەن ئەجەل شەربىتىگە ئېغىز تىگىدۇ.ئەمما، سېنىڭ ئۆلۈمىڭدىن ئىبارەت بۇ رىياللىقنى قوبۇل قىلماق بەسى مۈشكۈل. ھەرقانداق بىر ئۆلۈمنىڭ ھازىدارلار تەسەللى تېپىشتا  تايىنىش نوقتىسى بۇلىدىغان تۈرلۈك سەۋەپىلىرى بۇلىدۇ . ئۇنداقىتا سىنىڭ ئۆلۈمىڭنىڭ سەۋەبى نىمە ؟ سەن نىمشىقىمۇ ئۆلۈمدىن ئىبارەت بۇ يولنى تاللىغانسەن؟ بۇ سىرنى كىممۇ يىشىپ بىرەر؟    سەئىدى:« دۇنيادائىككى ئىش دانىشمەنلەرنىڭ پىكرىگە زىت؛ بىرى تەخسىملەنگەن زىرىقتىن ئارتۇق يىيىش، يەنە بىرى بەلگۈلەنگەن مۇدددەتتىن بۇرۇن ئۆلۈش» دەيدۇ. بۇنىڭغا ئاساسلىنىپ تۇرۇپ، سېنى نادانلىق سەۋەبىدىن ئۆلگەن دەمدۇق؟ ئۇنداقتا سېنى نادانلىققا ئۈندىگىنى زادى نىمە؟ ھەممىمىزنى ئازاپلاۋاتقىنى دەل مۇشۇ مەسىلە. نەخ مەيداندىكى شاھىدلارنىڭ دەلىللىشىدىن شۇنى  بىلدۇقكى سەن ئەتتىگەن سائەت ئونلاردا باغچىسىنىڭ ئالدىغا كىلىپلا موتودىن ئاستاغىنە سىيرىلىپ چۈشۈپسەن، يىقىلغان موتوغىمۇ قارىماستىن يۈگۈرگەنچە بېرىپ تۇرۇببا سۈيىنى بولىشىغا ئىچىپسەن-دە، جايىڭغىلا يىقىلىپ قاپسەن. خىلە بىر ۋاقىتتىن كېيىن ئەتراپتىكىلەرنىڭ دىققىتىنى قوزغاپ دوختۇرخانىغا ئېلىپ بېرىلىپسەن. ئەپسۇس سەن ئىسىتىمال قىلىۋالغان مەسىت قىلىش تابلىتكىسىنىڭ مىقدارى بەك كۆپ، يەنە كىلىپ دوختۇرخانىغا بەك كىچىكىپ ئاپىرىلغانلىقىڭ ئۈچۈن داۋالاش ئۈنۈم بەرمەپتۇ. سەن قانداق قىلىپ مۇشۇ يولنى تاللىغانسەن؟ ئۆلۈمدىن باشقا تاللاش ئىمكانىيىتىڭ يوقمىدى؟ ئۆلۈپ تۈگەشكۈدەك سەندەك بىر بالىنىڭ بېشىغا زادى نىمە كۈن  كەلمەكچىدى؟ سەن كۆڭلۈڭدىكىنى دوسىتلىرىڭغا ئېيتىمىغىن ماقۇل، نىمىشقا ئاناڭغا ئېيتالمايسەن؟ ئەجىبا ئۆز ئاناڭ بىلەنمۇ ھىسىيات جەھەتتە شۇنچە يىراقلىشىپ كىتەرسەنمۇ؟ ئەمىسە سېنىڭ ھامان بىر كۈنى مۇشۇنداق ئەخمىقانە ئىشتىن بىرنى سادىر قىلىپ ئۇنى مەڭگۈلۈك داغدا قويىدىغانلىقىڭنى نىمىشقا ئاناڭ ئالدىدىن پەرەز قىلالمايدۇ؟ بولۇپمۇ سېنىڭدەك بويىغا يىتىپ قالغان قىز بالا دىگەن ئاناڭ بىلەن يېقىن سىرداشلاردىن بولۇشۇڭ، ھەرقانداق سىرىڭنى ئاناڭدىن يۇشۇرماسلىقىڭ كېرەكتىغۇ؟ ئاناڭ قانداقلارچە سېنىڭ سىردىشىڭ بولالمىدى؟ پەرزەنت ئۈچۈن دۇنيادا ئەڭ ئۇلۇغ ھىساپلانغان ئانا مېھرى نىمىشقىمۇ سەندەك بىر نارىسىدىنىڭ قەلبىگە ئۈمۈت شامىنى ياقالمايدۇ؟ سېنى تۇغقان ئاناڭ بولسىمۇ چۈشەنگەن بولسا، ھىچ بولمىغاندا ئەتراپىڭدا سېنى چۈشىنىدىغان، جاراھەتلەنگەن پاك قەلبىڭگە مەلھەم بولالىغۇدەك بىرەر ئىنسان بولغان بولسا ،سەن ھايات قالاتتىڭ ئەمەسمۇ؟ شۇنچە ئادەملەرنىڭ ئارىسىدا تۇرۇپمۇ يەككە- يىگانىلىقىڭنى، بۇ دۇنيادا بىرەرمۇ سىردىشىڭنىڭ قالمىغىنىنى نىمىشقا بالدۇرراق بىلمىگەندىمىز! ھەممىمىز بۇ سىرنى بىلىشكە ئىنتىلىمىز. ھەركىم ھەرخىل پەرەزلەرنى قىلىشىدۇ. بەزىلەر « ئاق چەككەن بولۇشى مۇمكىن » دىسە، بەزىلەر « يۈرگەن يىگىتى ئاق چىكىدىغان بولۇشى كېرەك، بولمىسا بىر قىز بالا بىر يىلدا شۇنچە پۇلنى قانداقچە خەجلەپ بولالايدۇ.....» دىيىشىدۇ، « قويمىچىلىق قىلىپ ئاشكارىلىنىپ قالغاندىن كېيىن قەرز ئىگىلىرىنىڭ تەھدىت سېلىشى بىلەن قورقۇپ كېتىپ ئۆلىۋالغان.....» دىگۈچىلەرمۇ، « ئاتا- ئانىسىنىڭ تايىقىغا چىدىماي ئۆلىۋالغان....» دىگۈچىلەرمۇ بار. خىلمۇ خىل پەرەزلەر ئوتتۇرىغا چىققان بولسىمۇ بۇنداق ئاساسسىز « ئۆسەك » لەر جامائەتنى قايىل قىلالمىدى. « سىر » سىر پېتى قېلىۋەردى. بۈگۈنگە قەدەر ھىچكىم بۇ سىرنى يىشىشكە قادىر بولالمىدى. نامىزىڭنى ئەل- يۇرت بىرگە چۈشۈردۇق، يەرلىكىڭنىمۇ بىرگە بېرىپ قويدۇق. نەزىر- چىراقلىرىڭدىمۇ ئەل- جامائەت دەرقەمدە تۇرۇپ، يۈرەك- باغرى ئېزىلگەن ئاتا- ئاناڭغا، ئىنى- سىڭىللىرىڭغا، ئۇرۇق- تۇغقانلىرىڭغا تەسەللى بەردۇق. ئىش قىلىپ قولىمىزدىن كېلىشىچە بىر ئىشلارنى قىلدۇق. نامازمۇ، نەزىرمۇ تۈگەيدۇ. ھەممىمىزنىڭ ئۆز ئالدىمىزغا تۇتقان ئۆيىمىز « يىغىلايدىغان يىغىمىز » بار. بىز ھامان بىر بىرلەپ كىتىپ قالىمىز. تەلەيسىز ئاتا- ئاناڭ قان- ياش تۈكۈپ يالغۇز قالىدۇ. شۇ چاغدا ئۇلارغا كىممۇ تەسەللى بىرەر. كىممۇ ھال- مۇڭ بولار!.... ئاھ تەقدىر! سەن نىمە دىگەن رەھىمسىز!.... ئاشۇ نارەسىدىنىڭ جېنىنى ئالمىساڭ زادىلا بولماسمىدى؟ ئۇ ئائىلىگە بىر جان ئالۋىڭى كەلگەن بولسا باشقىسىنى ئەكەتسەڭ بولماسمىدى. ئۇز ھۆسنى، گۈزەللىكى، بەرق ئۇرغان ھاياتى كۈچى بىلەن بىر ئائىلىنى ياشارتقان،مىسكىن ئانىغا تەسەللى بولغان ئاشۇ بىغۇبار گۈلنى تۇزۇتۇشقا قانداقمۇ چىدىغانسەن؟   ( بۇ ئەسەر2005-يىلى10-ئايدا يېزىلغان.بۇقېتىم تورغا يوللۇدۇم)    مەنبە: ئۆزۈم

dilsiri

	مىنىڭ ئۇنداقلارغا ئېچ ئاغىرىتقىم كەلمەيدۇ

I+G=Z

	تىمىڭىزغا  نىمە دىسەم بولا ...ھېي .......... ئالدى بىلەن سىزگە تەسەللى : بولدى ، ئېچىنماڭ ! بۇ شۇ قىزنىڭ تەقدىرى ئىكەن...   مەن تولۇق ئوتتۇردا ئوقىۋاتقىنىمدا خۇددى سىز تىمىڭىزدا تەسۋىرلىگەندەك جەلىپكرا  دوستۇم ، خۇددى شۇ قىزدەك  ئۆزىنى ئىككى دۇنيالىق ھالاك قىلغان (نەزەرىمدە ، ئەمما ھەممىنى بىلگۈچى ئاللاھ قۇ .) مەن ھەم سىزگە ئوخشاپ ئېچىنىپ  قالىمەن . شۇنچە كاللىسىن ئۆتكىزەلمىگۈدەك  نىمە بالا بولغاندۇ دەپ قالىمەن ...  جان بولسا جاھان ،ئاش   بولسا قازان دەپتىكەن ...  ئۇنچە ئالدىراپ شۇ گۆرگە كىرۋالمىساقمۇ ،ھامان بارىمىز  شۇ جايغا.   ئاللاھ بىزنى ئەنە شۇنداق شەيتاننىڭ قەستىن چوڭ   ساقلىسۇن !!!  سىزگە تەسەللى ۋە ياخشى كەيفىيات تىلەپ قالىمەن تىما   ئىگىسى  .

alrzibag

	ئەسسالاممۇ ئەلەيكۇم بۇ تىمىنى يازغان مۇنبەردىشىم ئالدى بىلەن شۇ ناتىۋان قىزنىڭ ئاتا ئانىسىغا شۇنداقلا سىزگە سەۋىرچانلىق تىلەيمەن !!! ئۇ قىزنىڭ شۇ قىلغانلىرىنى پەقەت ئۆزى ئاندىن ھەممىنى بىلگۇچى ئاللاھ بىلىدۇ خالاس ... قالغانلارنىڭ تاپقان سۆزلىرى پەقەت قۇرۇق سۆز خالاس ...  بۇ دۇنيادى كەتكەن ئادەمنىڭ ئامال بار ياخشى گىپىنى قىلايلى قىرىنداشلار !!!!!!!!!

pasil

	باشقۇرغۇچىلاردىن ئۆتۈنۈش :ئاخىردىكى بىر ئابزاس ئارتۇقچە يېزلىپ قاپتۇ. ئۆچۈرۋېتىشكە بولارمۇ؟

TOGRAKPADIXASI

	ئاللاھنىڭ جان ئېلىشقا ئالۋىڭى بولمايدۇ. ھەممە ئادەم رىسقى تۈگگەندە كىتىدىغان گەپ بىرسىنىڭ ئورنىغا بىرسىنى ئېلىپ كىتىدىغان ئىش يوق. يازما يازغاندا تەسەۋۋۇرىڭىزغىلا تاينىۋالماسلىقىڭىزنى ئۈمۈد قىلىمەن.

muyunqur

	ھەي، ئىنسان تەقدىرى ،ئاجايىپسەن؟!تۈمەنلىگەن ناتىۋانلىرىمىز ئەنە شۇنداق كىتىپ قالدى.تۇمەنلىگەن يۇلتۇزلار ئەنە شۇنداق ئۆچتى.كىملەرنى ،كىملەردىن ئايرىمىغان دۇنيا بۇ؟!ئىنسان،ھەي ئىنسان؟!ئالدى گۈل كەينى تىكەن ئىنسان.تۇغۇلمىغىڭ بار دۇنياغا،تاپشۇرمىغىڭ بار ئامانەتنى؟!