تەبەسسۇم

sabinur

	تەبەسسۇم،ئۇ،تاۋار ئەمەس،ئالدى-ساتتى قىلىدىغان ياكى پۇل ئورنىدا بانكىغا قويۇپ ساقلايدىغان. تەبەسسۇم،ئۇ،مۇغەمبەر كۈلكە ياكى خۇشامەت ھىجىيشى ئەمەس،ناپاك نىيەتنى بېزەپ جۇلالاندۇر دىغان ياكى ئالىي ماركىلق تاماكىدەك يانچۇققا سېلىپ يۈرۈدىغان. تەبەسسۇم-ئىنسان قەلبىنىڭ سىرىتلاشقان نادىر  گۈل-چېچىكى،ئىنسانىي ھېسياتنىڭ خۇشپۇي ئىپار-ئەنبىرى.تۇغۇت ئازابىدا پەرياد چەككەن ئانا دۇنياغا كۆز ئاچقان بوۋىقىنىڭ تۇنجى يىغا ئاۋازىنى ئاڭلىغاندا تەبەسسۇم قىلىدۇ،مەيلى ئۆز ياكى ئۆزگىلەر پەرزەنتىنىڭ تۇنجى قېتىم تايتاڭلاپ ماڭغىنىنى كۆرگەن كىشى تەبەسسۇم قىلىدۇ. ئۇ پاك ھېسداشلىق روھىنىڭ ئقتىدارى،تەلپۈنۈشى ۋە جۇلاسى سۈپىتىدە ئىنسان گۈزەللىكىنىڭ بىباھا ئەڭگۈشتىرى بولۇپ مەيدانغا كېلىدۇ. تەبەسسۇم-ھۆرمەت ۋە  ئىپتىخاريالدامىسى تەرزىدە كىشلىك مۇناسىۋىتىدە چاقنايدىغان مەرۋايىت. بىز مېھمانلىرىمىزنى تەبەسسۇم بىلەن كۈتىۋالىمىز.ئۇسۇل ئوينىغاندا ھۆرمەت ۋە زوق تەبەسسۇملىرى ئىپادىلەيمىز.تەبەسسۇم ئۆزىنىڭ پاكلىقىنى پەقەت ئۆزھېسياتىنىڭ چېنلىقى بىلەنلا گەۋدىلەندۈرەلىشى مۇمكىن. تەبەسسۇم-تەلمۈرگەن كۆڭۈل بۇلبۇلى ئۇچراشقان گۈل جىلۋىسى، تەلپۈنگەن يۈرەك كېپىنىكى ئېرىشكەن گۈل شىرنىسى. تەبەسسۇم-ئجتىمائىي مۇھەببەت، ئۆزى بىلەن ئۆزگىنىڭ قەلبىنى بىر رىشتىدا سۆيۈندۈرگەن. تەبەسسۇم-ئالىي زوق-ئىپتىخار،رىغبەت ۋە ھۆرمىتىنى بىر ئوبرازغا مۇجەسسەم قىلغان .تەبەسسۇملۇق تۇرمۇش بەخىتلىك،تەبەسسۇملۇق ئىناق  ئائىلەئويلايمەنكى ،تەبەسسۇم پەقەت ئائىلە سىر تىدىكىلەرگە قارتىلغان قىزىل سىرلانغان دەرۋازا ياكى توز شەكلى چېكىلگەن پەر دە بولمىسا كېرەك.  ئائىلىدە ئەر-ئايال تاكى ئۆمرىنىڭ ئاخىرغىچە ئۆز-ئارا تەبەسسۇمگە مۇھتاج. تەبەسسۇمسىز مۇھىت-كىسەلچان مۇھىت. ئۇنىڭ خىزمىتى تېز قېرتىش ۋە تېز ئۆلتۈرۈشتىن ئىبارەت.‹‹گۈلىنى سىرىتقا،تىكىنىنى ئائىلە ئىچىگە››قىلىدىغان بەخىتسىز ئائىلىلەر يوقىتىۋاتقان تەبەسسۇم گۆھىرىنى تۈمەنلەپ پۇل ۋەياكى زىبۇ-زىننەت بۇيۇملىرى بىلەن قايتا تېپىۋىلىش مۇمكىن ئەمەس. بۇنداق تەبەسسۇم مۇھىتى بولمىغان ئائىلىدە ئۆز-ئارا ئەدىپىنى بېرىش،ۋايساش ۋە  ئاقىۋەتتە پەرزەنىتلىرىنىڭ  توڭ-قوپال،كۆكەرمە،ھەتتا ئاتا-ئانىنى سىلكىشلىشى ھۆكۈمران مۇھىت بولۇپ قالىدۇ. تەبەسسۇم -رىقابەتكە تولغان دۇنيادا ئەڭ پاك،ئەڭ ئىزگۈ ئىنسانىي ماياك. دانكو قولىدىكى يالقۇنلۇق يۈرەكتەك ئىنسان ئەۋلادىنى ئۈمۈدلەندۈرۈپ،ئاگاھلاندۇرۇپ تۇرىدۇ.ئۇنىڭ لەۋھىسى؛‹‹سەن ھامان ئىنسان!›› دېگەندىن ئىبارەت . دەر ھەقىقىەت،ئىنسان ھامان ئىنسان،ئۇ ئۈنچە-جاۋاھىرلار غارىغائىگە بولغىنىدىنمۇ،دۇلدۇل تۇلپارىغا مىنگەندىمۇ،ياپراقسىز يالغۇز دەرەخ تۈۋىدەھەسرەتلىنىۋاتقىنىدىمۇ ئۆزىنىڭ ئىنسانلىقىنى ئۇنۇتماسلىقى كېرەك. ئۈمۈدسىزلىكنىڭ مۇز دەرياسىغا تەۋەككۇل قىلغان ئادەم‹‹ئىنسان›› ئىبارىسىنى تاكى ھاياجانغىچە تەكرارلىسا،ئۈمۈد ۋە جاسارەت ساھىلغا قايتىشى مۇمكىن. ئۇنى كۈتۈۋالىدىغان تۇنجى مەلىكە باشقا نەر سە ئەمەس تەبەسسۇمدىن  ئىبارەت. مەنبە؛ ئەدەبىيات ئوقۇشلىقى

salkin11

	كلۈرۈپ قويۇشقا تىگىشلىك مۇھىم تېما ئىكەن ...

~Ｓａｂｉ~

	تەبەسسۇم-ھۆرمەت ۋە  ئىپتىخاريالدامىسى تەرزىدە كىشلىك مۇناسىۋىتىدە چاقنايدىغان مەرۋايىت. بىز مېھمانلىرىمىزنى تەبەسسۇم بىلەن كۈتىۋالىمىز.ئۇسۇل ئوينىغاندا ھۆرمەت ۋە زوق تەبەسسۇملىرى ئىپادىلەيمىز.تەبەسسۇم ئۆزىنىڭ پاكلىقىنى پەقەت ئۆزھېسياتىنىڭ چېنلىقى بىلەنلا گەۋدىلەندۈرەلىشى مۇمكىن. بەلەن گەپلەركەن ....... ئەجرىڭىزگە تەشەككۈر جانىم .....

19930319

	ساقلىۋالدىم. ھارمىغايسىز![s:33]

sabinur

	ھى ھى ھى تاتلىق دوستۇم سىز گىمۇ رەخمەت..........[s:194]

sabinur

	سىز گىمۇ رەخمەت ئۇمــــــــــــــمــاق[s:194]

begzeda

	saaaaaalam sizga