ئانا تۇپراق

sabinur

	(ئارسىلان) كىلەركەن،كىتەركەن بۇجايغا ئاي ،كۈن، كەتكەندە چىداركەن ئەجەپ پىراققا؟ مەن كەلگەن ،كەتمىدىم،كەتمەيمەن ئەبەد، قانمىغان يۈرۈكۈم مۇشۇ تۇپراققا. تۇغۇلۇپ بۇيەرگە چۈشكەن ئىكەنمەن، بۇيەردە كۆزۈمنى ئاچقان تۇنجى رەت. توپىنى ئۇچۇملاپ قاراپ كىتىمەن، كىندىكىم قېنىنىڭ رەڭگى باردۇر دەپ. بۇيەرگە تامغانكەن تۇنجى كۆز يېشىم، تۇنجى ھېس-تۇيغۇغا ئېرشىپ يۈرەك. بۇيەردە يۇمىلاپ ئۆسكەن ئىكەنمەن، باغرىمنى توپىغا يېقىپ ئۆمىلەپ. شۇ تۇپراق تۈسى بار تېرەمدە مېنىڭ، سۈرتىمەن كۆزۈمگە سۆيۈنۈپ قەۋەت. بۇلدۇقلار كۆز يېشىم، قاينار قوشۇلۇپ. كۆز ياشقا كۆز ياشتەك سۈزۈك مۇھەببەت. بۇشۇنداق مۇھەببەت، پۈتمەس مۇھەببەت، سۆيمىگەن ئانىنى قاچان بالىسى؟ ئانىلار ئۇلۇغدۇرلېكىن بۇتۇپراق، شۇ ئۇلۇغ ئانىلارنىڭ ئۆلمەس ئانىسى. لاي ئېتىپ كۆز ياشتا ئاشۇ توپىدىن، سالغانتى بوۋىلارسېپىل ۋە شەھەر. شۇھايات بەختىنى قوغداشنى ئىستەپ بەك ئۇزاق چۆللەرنىڭ چېتىگە قەدەر. توپىغا قوشۇلغان بوۋىلار بېشى، شۇڭلاشقا بۇتوپا جاندىن ئەتىۋا. سەھرالار يۇلغۇنى چېچەكلىرىدەك، قايتىلاپ كۆكلىگەن ئۈمۈد-ئىلتىجا. بۇيەردە ئۆلمىدى ،كۆكلىدى ھايات، تەۋرىدى تۇپراقتا يېشىل دولقۇنلار. تۇپراقنى قوغدىغان مەردلەر قېنىدىن، گۈل-چېچەك ھۆسنىدە ياندى يالقۇنلار. توپىنى ئۇچۇملاپ سۆيۈپ كېتىمەن، زېمىننىڭ تىنىقى كىرىرەر قۇلاققا. شۇتوپا باي سۆيگۈ،ئارزۇ، ئۈمۈدكە، ئۇرۇلار ئانامنىڭ ھىدى دىماققا. كىلەركەن،كىتەركەن بۇجايغا ئاي ،كۈن، كەتكەندە چىداركەن ئەجەپ پىراققا. مەن كەلگەن ،كەتمىدىم،كەتمەيمەن ئەبەد، ئۆلگەندە باش قوياي ئانا تۇپراققا. 1981-يىل، ئۈرۈمچى مەنبە؛ئەدەبىيات ئوقۇشلۇقى

omak`

	بۇشۇنداق مۇھەببەت، پۈتمەس مۇھەببەت، سۆيمىگەن ئانىنى قاچان بالىسى؟ ئانىلار ئۇلۇغدۇرلېكىن بۇتۇپراق،   شۇ ئۇلۇغ ئانىلارنىڭ ئۆلمەس ئانىسى. بۇ مىسرالىرىنى ياقتۇرۇپ قالدىم ...رەھمەت سىزگە...

sabinur

	بۇ مېنىڭ مىسرانىم مۇنبىر گە ئەزا بولغاننىڭ يازى تۇنجى قېتىم تىما يوللۇشۇم،باھايىڭىزغا كۆپتىن كۆپ رەخمەت[s:194]

tuprakbag

	يازغۇچى مەن تۇغۇلۇشتىن بۇرۇنقى مەنمۇ نىمە؟[s:185] [s:185]

kixlak

	مەرھۇمنىڭ مەزكۇر شئېرى تولىمۇ ياخشى يىزىلغان،جۇمۇ. ھەر قانچە قىلسىمۇ، ئادەم بۇنداق ئېسىل شئېرلارنى يازالمايدىكەن دېسە. مەرھۇمنىڭ ياتقان يىرى جەننەتتەبولغاي!

musilina

	نېمە دېگەن ئېسل  شېئىر بۇ،شېئىرىي تىل شۇنداق جانلىق،راۋان.....ئېسل  شېئىر بىلەن يۈز كۆرۈشتۈرگىنىڭىزگە تەشەككۈر.....

kixlak

	5- قەۋەت: خانىم، سىز بۇرۇن بۇ شئېرنى ئۇقۇپ باقمىغانما؟

sabinur

	باھايىڭىز غا كۆپتىن كۆپ رەخمەت[s:206]

ubul0998

	بەكمۇ ياخشى يىزىلغان شېئر ئىكەن. تىما ئىگسىگە رەىمەت.

QIQAK0903

	تۇنجى تىمىڭىز بولسا ، ياخشى باھا ، تۆھپە پۇلىڭىز نەدىن كەلدى ئۇماق سىڭلىم . مەن چۈشەنمىدىم .