ھاياتىڭىز تەجرىبە ئېتىزى ئەمەس!

TILSIMAT

	ھاياتىڭىز تەجرىبە ئېتىزى ئەمەس! ئادەم دۇنياغا بىرلا قېتىم كېلىدۇ، شۇڭلاشقا ھايات تولىمۇ قىممەتلىك، لېكىن ئۇ ھەرگىزمۇ تەجرىبە ئېتىزى ئەمەس. رېئال تۇرمۇشقا نەزەر تاشلايدىغان بولساق، ھاياتىنى تەجرىبە ئېتىزىغا،ئويۇنچۇققا ئايلاندۇرۇۋالغانلار ئاز ئەمەس.    شۇنداق بىر قىسىم كىشىلەر باركى  ئۇلار ھاياتتىن ئىبارەت مۇنبەت تۇپراققا بىردەم ھەسەت، غەيۋەتخورلۇق ئۇرۇقلىرىنى چاچسا، بىردەم ئىتتىپاقسىزلىق،جېدەل ئۇرۇقلىرىن چاچىدۇ ياكى بولمىسا خۇشامەت قىلىدۇ ھەمدە بۇ سىناقلىرىدىن كۈتۈلمىگەن نەتىجىلەرنى تەمە قىلىدۇ، ئەمما ئاخىرىدا ئېرىشىدىغىنى ئىناۋىتى تۆكۈلۈش،ۋەيرانچىلىقتىن باشقا نەرسە ئەمەس، خالاس!   بۇ خىل كىشىلەر ھە دېسىلا ئاۋامنى، ئاقكۆڭۈل كىشىلەرنى، قېرىنداشلىرىنى ئالداپ،ھاياتىنى دائىم پەس ۋە ئەرزىمەس ئىشلارغا سەرپ قىلىدۇ. ئۇلارنىڭ مەنىۋىيىتىدىكى بوشلۇق ھاياتلىقنىڭ ئېسىل ۋە گۈزەل مەزمۇنلىرى بىلەن تويۇنمىغاچقا، باشقىلارغا ھېچقانداق مېھىر-شەپقەت ئاتا قىلالمايدۇ، نەتىجىدە ھاياتى خۇددى ئۇنى - بۇنى تېرىپ سىناپ باقىدىغان تەجرىبە ئېتىزىغا ئوخشاپ قالىدۇ، بۇنداق ھايات مۇقەررەر قەدىرسىز ۋە ئەھمىيەتسىز نەتىجە بىلەن خۇلاسىلىنىدۇ.   قىسقىسى، شۇنى ئېسىڭىزدە تۇتۇڭكى،ھالال تەر تۆكمەي، ئەجىر قىلماي، باشقىلارنىڭ پېيىدە يۈرۈپ، ھاياتىڭىزنى تەجرىبە ئېتىزىغا ئايلاندۇرۇۋىلىشىڭىز ۋاقتىڭىزنى بىھۇدە ئىسراپ قىلىۋەتكىنىڭىز بولىدۇ خالاس!  شۇڭا، ئەجدادلىرىمىز بۇ ھەقتە:<ئاتالمىغان ئەردىن ئاتالغان دۆڭ ياخشى> دەپ ناھايىتىمۇ توغرا ئېيتقان.         ئاپتورى:  ئەكرەمجان مەتروسۇل ئۈمىدى        ئەسلى مەنبەسى: شىنجاڭ قانۇنچىلىق گېزىتى 2011-يىل 25-مارت سانىدىن ئېلىندى.

Uyghun

	ياخشى تېمىنى يوللاپسىز رەھمەت.

faeza.akef

	ئادەم ھاياتىنى شۇنداق ئۆتكۈزىشى كېرەككى،،،،،،،،،،،،،،،،،،،،،،، ئاخىرىنى  دېمسەممۇ بىلىسلەر بۇ كونا گەپنڭ،،،،،،،،

doppiqe

	ياخشى تېما يوللاپسىز رەھمەت.

jassur2

	ھايات بىر ۋاراق ئاق قەغەزگە ئوخشايدۇ،ئۇنىڭغا قانداق قىسمەتلەرنى يېزىش ئۆزەڭنىڭ تاللىشى،بەزىلەر ئۆمرىنى ئەجىر-مىھنەت بىلەن ئۆتكۈزۈپ تارىخ بېتىدىن يۇقىرى ئورۇن ئالسا،يەنە بەزىلەر ھاياتىنىڭ ھەربىر مىنۇتلىرىغا ئىكەك سېلىپ تارىخنىڭ ئەخلەتلىرىگە ئايلىنىپ كېتىدۇ.

serikbuya

	مىنڭ دەيدىغىنم ئادەم ياشىغنىكەن شۇنداق ياششى كىرەككى ئۆتكەن كۇنلىرىگە پۇشايمان يىمەيدىغان ۋە ئۇمىدۋار بۇلىشى غەيىرەت_جاسارەتلىك بۇلىشى ئۇزنىڭلا مەنپەتنى كۆزلىمەسلكىى شۇلاردىن ئىبارەت