تۇرالغۇ ئۆي سودىسىدا مايدىن باشلاپ قىسمەن

TILSIMAT

	تۇرالغۇ ئۆي سودىسىدا مايدىن باشلاپ قىسمەن رەسمىيەت ھەقلىرى ئەمەلدىن قالدۇرۇلىدۇ      دۆلەت تەرەققىيات ۋە ئىسلاھات كومىتېتى يېقىندا <قىسمەن قۇرۇلۇش تۈرلىرىدىكى ھەق يىغىش ئۆلچىمىنى تۆۋەنلىتىش،ھەق يىغىشنى قېلىپلاشتۇرۇش قاتارلىقلارغا ئالاقىدار مەسىلىلەر توغرىسىدا ئۇقتۇرۇش> نى تارقاتتى. بۇنىڭدا مايدىن باشلاپ تۇرالغۇ ئۆي سودىسىدىكى رەسمىيەت ھەققى، قۇرۇلۇش چېرتيوژ لايىھەسىنى تەكشۈرۈپ بىكىتىش ھەققى، قىسمەن كەسپلەرنىڭ مۇھىتقا بولغان تەسىرىنى باھالاش ھەققى ۋە خېرىدار چاقىرىشقا ۋەكالىتەن مۇلازىمەت قىلىش ھەققى قاتارلىقلارنىڭ تۆۋەنلىتىلىدىغانلىقى ۋە ھەق يىغىش قىلمىشىنىڭ قېلىپلاشتۇرۇلىدىغانلىقى كۆرسىتىلدى.     ئۇقتۇرۇشقا ئاساسەن، 1-مايدىن باشلاپ تۇرالغۇ ئۆي سودىسىدىكى تۆۋەندىكى ھەقلەر تۆۋەنلىتىلىدۇ ياكى ئەمەلدىن قالدۇرۇلىدۇ:     تۇرالغۇ ئۆينى رەنىگە قويۇش رەسمىيەت ھەققى؛ ۋارىسلىق قىلىش ، ھەدىيە قىلىش، ئەر-خوتۇننىڭ ئورتاق ئىگىدارلىق قىلىشى قاتارلىق شەكىللەردە ئۆينى ئۆتۈنۈپ بەرگەندىكى ئۆتۈنۈپ بېرىش رەسمىيەت ھەققى؛ قانۇن بويىچە ئەرزان ئىجارىلىك ئۆي، ئاممىۋى ئىجارىلىك ئۆي قاتارلىق كاپالەت خاراكتېرلىك ئۆيلەرنى ئىجارىگە ئالغاندىكى ئىجارىگە ئېلىش رەسمىيەت ھەققى كېمەيتىلىدۇ. باھاسى چەكلەنگەن تاۋار ئۆي، كەپىلىك رايوننى ئۆزگەرتىپ ئورۇنلاشتۇرۇلغان ئۆي قاتارلىق كاپالەت خاراكتېرلىك تۇرالغۇ ئۆيلەرنى ئۆتۈنۈپ بەرگەندىكى رەسمىيەت ھەققى ھازىرقى ھەق ئۆلچىمى ئاساسىدا يېرىمى كېمەيتىلىدۇ. ئىجرا قىلىنغان ئۆيلەر بىلەن ئەرزان-قولايلىق ئۆيلەرگە ئوخشاش ھەق ئۆلچىمى قوللىنىلىدۇ. ئەسلى خەنزۇچە مەنبەسى: شىنخۇا تورى ئۇيغۇرچە مەنبەسى: شىنجاڭ قانۇنچىلىق گېزىتى 2011-يىل 25-مارت سانى

Ar-Han

	تاۋار ئۆينىڭ باھاسى ماي ئېيىدىن باشلاپ بىر تۇتاش چۆشىدۇ دەۋاتقان، ئۇلارنىڭ تەدبىرى شۇمۇدۇ ئەمدى؟

Uyghun

	بىلىپ قويۇشقا تېگىشلىككەن رەھمەت.

kapTalis

	ئۇندا بولدىكىن ، بۇندا بولدىكىن ھەممىسى قۇرۇقلام گەپ.شۇ ئشلار بولغان چاغدا ھىساب.

doppiqe

	بىلىپ قويۇشقا تېگىشلىككەن رەھمەت.

TILSIMAT

	ئاپتور جاۋابىنى بويلاپ 4قەۋەت  kapTalis كە 2011-03-27 06:01 PMئەۋەتىلدى  : ئۇندا بولدىكىن ، بۇندا بولدىكىن ھەممىسى قۇرۇقلام گەپ.شۇ ئشلار بولغان چاغدا ھىساب. دېگىنىڭىز توغرا، بۇ ماقالىغۇ مەيلى، ئەمەلىيلەشكەندە كۆرەرمىز. لېكىن بەزىلىرىمىز ئەمەلىيلىشىپ بولغان قانۇن ماددىلىرىنىمۇ قانۇندىن خەۋەرسىز يۈرگەنلىكىمىز ئۈچۈن پايدىلىنالماي يۈرىۋاتساق، شۇڭا قانۇن بىلىملىرىنى ئۆگىنىپ قويغانغا، خەۋەردار بولغانغا يەتمەيدۇ.

huxruh

	رەھمەت سىزگە ،بىلمەي يۇرگەنلەرنى خەۋەردار قىلغىنىڭىزغا

oguzturk

	ئاپتور جاۋابىنى بويلاپ 3قەۋەت  kapTalis كە 2011-03-27 06:01 PMئەۋەتىلدى  : ئۇندا بولدىكىن ، بۇندا بولدىكىن ھەممىسى قۇرۇقلام گەپ.شۇ ئشلار بولغان چاغدا ھىساب. كېلىڭە ئاغزىڭىزغا كەمپۈت سەپ قوياي.................

namatman

	5- ئايدىن باشلاپ ئۆي باھاسى چۈشىدۇ . بۇ خېلى ئېنىق بولۇپ قالدى . شۇڭا نەچچە كۈننىڭ ياقى سېتىلىدىغان ئۆي جىقىيىپ قالدى . ھازىر ساتسا يۇقىرى باھادا ساتىدۇ ئەمەسمۇ ؟

totem

	جۇڭگودا مەمورى رەسمىيەتنىڭ جىقلىقىنى ھەممە ئادەم بىلىدۇ.شۇڭا زەنجىرسىمان ھالەتتە"تۇنۇش ئادەملەر جەمئىيىتى"شەكىللەنگەن.سىياسەت ئەمەس،بەلكى قانوننىڭ ماددىسىغا كىرگۈزۈلۈپ ئىجرا قىلىنمىغۇچە پۇرسەتپەرەس ھەق يىغىش خادىملېرىنىڭ نۇخلىسىنى ئالغىلى بولماسمىكىن.بەش يۈلتۈزلۇق قىزىل بايراق جۇڭگونىڭ ھەممە جايىدا لەپىلدەپ تۇرىدۇ،ئەمما يەرلىك سىياسەتنىڭ ئىجرا قىلىش ھالىتى ئۆلكە-شەھەر،يېزا-قىشلاقلاردا ئوخشاشمايدۇ.مەركەزنىڭ بۇ خىل سىياسىتى بىلەن تاۋار ئۆيلەرنىڭ ئۆرلەش باھاسىدا مەلوم مەزگىلگىچە ئىزىدا توختاش ھالىتى شەكىللىنىشى ئىنىق.لېكىن ئۆي سىتىۋىلالمىغان،كونا ئۆيدىن زېرىككەن،پارە ئالغان پۇلنى خەجلەشنى بىلەلمەي يۈرگەن مەمورى ئەمەلدارلار،ئايرىم شەھەرلەرگە تەرەققىيات رايون قالپىقى سەۋەپلىك نوپوسنىڭ زىچلىششى تۈپەيلى تاۋار ئۆينىڭ باھاسىغا ئۇزۇن مەزگىللىك بىر نەرسە دىيىش قىيىن.