دوست دەيمەن（ساتېرا）

zahar2011

	توغرا يولدىن ئادىشىپ خاتالاشساڭ دوست دەيمەن، ھەقتىن تېيىپ ناھەقكە قۇچاق ئاچساڭ دوست دەيمەن. يامانلارغا يانتاياق،ياخشىلارغا ئاپەت بوپ، پىشاي دېگەن ئېشىغا تۇپا چاچساڭ دوست دەيمەن. بەگنى كۆرسەڭ باش ئېگىپ،زۇلۇم قىلىپ مەزلۇمغا، مىسكىنلەرگە ھەددىڭدىن راسا ئاشساڭ دوست دەيمەن. ئېغىزىڭدىن چۈشۈرمەي دىيانەتنى-پاكلىقنى، يېتىملەرنىڭ ھەققىگە ساراي سالساڭ دوست دەيمەن. تەن ساق تۇرسا تىرىشماي،تەلەي كۈتۈپ غايىپتىن، شىرىن خىيال ئىلكىدە مەستخۇش ياتساڭ دوست دەيمەن. ئاچلىق قىيناپ قورساقنى،نالە قىلسا《ئاش،نان》دەپ، ساتاي دېسەڭ مېلىڭ يوق،ۋىجدان ساتساڭ دوست دەيمەن. نېمە ئاچچىق جاھاندا نەسىھەتتىن؟ئويلاپ كۆر، 《تاتلىق》ئىزلەپ،《ئاچچىق》تىن بەدەر قاچساڭ دوست دەيمەن. شۇ 《خىسلەتلەر》جەم بولسا،《سەندىن ئۈستۈن كىممۇ بار؟》 بۇلۇت قونغان چوققىغا پەشۋا ئاتساڭ دوست دەيمەن. پايلاپ يۈرۈپ كەينىدىن ھالال دۇنيا تاپقاننىڭ، پەيتى كەلسە تۇيدۇرماي پايدا ئالساڭ دوست دەيمەن. بۇ دۇنيادا تاپقىنىڭ ئەسقاتماسمىش مەھشەردە، ماڭارىڭدا ماڭىلا قويۇپ ماڭساڭ دوست دەيمەن… ئۆز ئىجادىيىتىم.

borkut-

	تىلى بەك ئۆتكۈر ، مەزمونى ياخشى يېزىلىپتۇ . ئىجادىيەتلىرىڭىزگە زور ئۇتۇقلار يار بولسۇن .

hadrat

	ياخشى يىزىپسىز،ھارمىغايسىز...

ahmuxuk

	بەك ياخشى ساتىراكەن.ھارمىغايسىز قولىڭىزغا دەت بەمىسۇن.

umut47

	مۇشۇنداق دوستىن بىرسى بولغا مىڭ دۇشمەن كار قىلماسمىش .................

1263318936

	ئەجەپ ياخشى يىزلىپتۇ، بۇنداق «دوست » ئىنساننى قۇرىتىۋىتىدۇ

0908220

	قەلەم قۇۋتىڭىزگە ئاپىرىن بارىكاللا

miskin1314

	دەھشەت ئاچچىق زەھەردەك شىئىر بوپتۇ   ،   قەلەملىرىڭىز ھارمىغاي

Uqkuni93

	ياخشى يېزىپسىز.قەلىمىڭىز ئۆتكۈركەن.