بۈگۈن نەۋرۇز

ap~qilam

	بۈگۈن نەۋرۇز بۈگۈن نەۋرۇز قالماس ھەممە تىلەكتىن، بايرىمىڭلار مۇبارەك چىن يۈرەكتىن . كۈلدى ئالەم كۈلدى بارچە مەۋجۇدات، لىباس كىيدى كائىناتمۇ چىچەكتىن . نەغمە ناۋا ئۇشبۇ نەۋرۇز شەنىگە، كەلدى باھار قىشنى يوقلاپ پەتىگە. نەقىش قويدى يېڭى يىلغا ئەتىگە، ئۇشبۇ نەۋرۇز يېشىل رەڭلىك بىزەكتىن. بىلسە نەۋرۇز ئۇيغۇرۇمنىڭ تويلىرى، ھەر نەۋرۇزدا يېڭى يىلنىڭ ئويلىرى . ئاڭلىنىدۇ ھەتتا نەۋرۇز كۈيلىرى، خام باراڭدىن ئەي بولمىغان پىلەكتىن . باھار چىللاپ كەلدى يۇرتقا قارلىغاچ، خەندان ئۇرۇپ زەپ چىرايلىق سايرىغاچ. ئۇشبۇ سىما باققىن ئوبدان قارىغاچ، كۆرۈنىدۇ ھەتتا قېرى تېرەكتىن . ئاقتى ئەگىز سۇلىرىمۇ شارقىراپ، كائىناتنى ياساندۇرۇپ يۇپ-تاراپ. دەريا-كۆللا ئەمەس تۇرغان ۋارقىراپ، چىقتى سادا ھەتتا نوگوي-چېلەكتىن . ئۇشبۇ نەۋرۇز ئۇيغۇرۇمغا يىل بېشى، ئايلانمايدۇ يىلدا پەقەت ياز- قىشى. ئۇنۇتمىغاي بۈگۈن نەۋرۇز ھەر كىشى، ئۇشبۇ خىتاپ ئاڭلىنىدۇ پەلەكتىن . ئەپچىلەم ئىجادىيىتى

مېھرىما

	بارىكاللا ئپچىلەم خويمۇ ئوبدان يىزىپسىز بۇ نەۋرۇز قوشىغىنى، رەھمەت سىزگە ،بەك ياقتۇردۇم.

hadrat

	نەۋرۇز بايراملىق كۈنىدە ياخشى شېئىردىن بىرنى ئوقۇۋالدىم.رەھمەت سىزگە ھارمىغايسىز....

hayat

	بۇگۈن مەھەللىدىكىلەرگە نورۇز ئۆتكۈزۈپ بېرەيلى دېسەم يامغۇر يېغىپ كەتتى. ئامالسىز ئەتىگە قالدۇردۇق.