ئابدۇشۈكۈر قاسىم
تىلەك
(ئەل سۆيگەن تالانتلىق شائىر مۇھەممەدجان راشىدىننىڭ75 ياشقا كىرگەنلىكىنى تەبرىكلەيمەن)
نى رىيازەت ، جاپانى ئارقىڭىزدا قالدۇرۇپ،
يەتمىش بەش قىش،باھارنى بىر چىرايلىق باستىڭىز.
ئەھمىيەتسىز ئۆتمىدى ئۆمرىڭىزدىن بىر مىنۇت،
ئىجادتتىن يىل بوينىغا ئۈنچە-مارجان ئاستىڭىز.
شائىر دېدى ئەل سىزنى سىزمۇ ئەلگە كۆيدىڭىز،
ئەل يىغلىسا تەڭ يىغلاپ كۈلسە بىللە كۈلدىڭىز.
قەلەم ۋەجى كەلسىمۇ بېشىڭىزغا تالاپەت،
ۋايسىماستىن شېئىرنى جاندىن ئارتۇق سۆيدىڭىز.
شۇڭا ھەر بىر يازمىڭىز ئورناپ كەتتى دىللارغا،
ناخشا قىلىپ ئوقۇلۇپ ھەم ئېلىندى سىنلارغا
پەخىرلىكسىز،ھەقلىقسىز تۆھپىڭىزدىن ھەر ۋاقىت،
مەيدىڭىزنى تىك تۇتۇپ تۇرسىڭىزمۇ يىللارغا.
يېزىڭ ھەردەم مۇشۇنداق قەلەم توختاپ قالمىسۇن،
ناخشا-قوشاق،شېئىرىڭىزھەممە يەردە ياڭرىسۇن.
خەلقىم ئەسلى زاتىدىن شېئىر-قوشاق خۇمارى،
شېئىرىڭزدىن زوقلۇنۇپ كۆڭلى خۇشال يايرىسۇن.
ئىجادىيىتىم
بۇ يازمىنى ئاخىرىدا ئا.قاسىم تەھرىرلىگەن. ۋاقتى 2015-3-18 10:46 PM
يوللىغان ۋاقتى 2015-3-18 10:44:25 PM
.gif)
