بىر سىقىم ھەسرەت

magrurjan

	بىر سىقىم ھەسرەتنى قۇچاقلىغىنىمچە خىيال باياۋانلىرىم ئارىسىدىن نامەلۇم ئەتىنى كۆزلەپ ھايات داۋاملىرىنى كىزىۋاتىمەن， ئەتراپىم سۈكۈتنىڭ شەجەرىسىدە تولغانماقتا ،توغرا بۇ يەردە باشقىلار ئەمەس  دەل مىنىڭ زەرداپلىقتىن مەغرۇرلۇق قەدىنى تاپقان قەيسەر يۈرۈكۈم ياشايدۇ، مانا مۇشۇ دەملەردىمۇ بۇ ھاياتنىڭ ئاچچىق ھەقىقەتلىرى كۆڭۈل دىرىزەمنى توختىماستىن چىكپ  يامغۇر بۇلۇپ ھىچ ھالىمنى قويمايۋاتىدۇ . شۇئان كۆزلىرىمنى چىڭ يۇمدۇم ،خۇددى بۇ ھاياتنىڭ ئىنسانغا تۆت كۈنلۈك ھىساپ كىتاپ دۇنياسى ئىكەنلىكىنى پۈتۈنلەي ئۇنتۇشقا باشلىغان ناتىۋان ئەقىلسىز يىگىتتەك.... ئەلۋىدا ساڭا رەھىمسىز دۇنيا  سىنىڭ ئاشۇ شۇم پەلەكلىرىڭ قانچىلىغان پاك  نىيەتلىك ھاياتى كۈچى ئۇرغۇپ تۇرغان دىللارنى پۇچۇلاپ مەجرۇھ ھىسلارنىڭ قوينىغا تاشلاپ  قۇيىۋاتقىنىنى بىلەمدىغانسەن؟ ھەي دۇنيا ئىنساننى  ھەر نەرسىدە  سىنىساڭ مەيلىكى  ھەرگىز ئون گۈلىنىڭ بىرى ئىچىلمىغان مەسۇم ھاياتلىق بەرگىلىرىڭنى  ئەجەل ھىدى پۇراپ تۇرىدىغان يۈلغۇنلۇق چۆللىرىڭگە رەھىمسىزلەرچە  تاشلاپ قويمىغىن！ ساڭا دىسەم مۇشۇ  كۈنلەردە تەغدىر دىگەن سۆزنى  ئاڭلىساملا   ئاجىز تېنىمنى ئىختىيارسىز تىترەك باسىىدىغان بۇلىۋالدى، مانا ھازىرمۇ كۆز ئالدىمدا قايغۇلۇق，  غەشكە تولغان مۇراجەتنامىلەر سوزۇلۇپ ياتىدۇ， ئۇنىڭغا   يالغۇزلۇقنىڭ ماڭا ئاتا قىلغان ئاللقانداق تىگىگە يەتكۈسىز مۇڭلىرى  قۇشۇلۇپ  ئىسمىنىمۇ ئاتاشنى خالىمايدىغان  كىشىلەر ماڭا سىغىنىشتىن ئەستىلىك  ياساشقا تەييارلانماقتا… شۈكرى ئاللاھ  ماڭا سېخلىق بىلەن بەرگەن شۇ  رىسىق مەدەتلىرىڭگە ،ئۇف  …… روخسەت قىلساڭ مەنمۇ ئەمدى  ئۇيقۇ ئالىمىدىكى سەپىرىمنى باشلاپ كىتەي،  شۇنىسى ئىنىقكى مەنمۇ  ھامان بىر كۈنى ئەجەل تەمىنى تىتىپ سىنىڭ رەھىمسىىز  رىيانلىقلىرىڭدىن بىراقلا  قۇتۇلىمەن ئەڭ ئادىل ھۈكۈمدار بولغان ھەق ئىگەمنىڭ ھۇزۇرىغا قايتىمەن ۋە ياكى  مۇشۇ ياتقىنىمچە  ئەجەل پەرىسى مىنى  يوقلاپ كىلىپمۇ قالار …… ئاڭلا ھەي جاھان، ھاياتىمنىڭ داۋاملىشىۋاتقان ئۇشبۇ قىممەتلىك مىنۇتلىرىدا بىر   ساڭىلا ياڭرىتىۋاتقان   مەكتۇب نىدايىغا قۇلاق سالغىن； 《كۆرەڭلىمەي ھەي دۇنيا كۈلۈپ قويغىن ئىنسانغا》خەيىر  خوش قالغىن .. . مانا ھاياتىمنىڭ سىناقلارغا تولغان ھەسرەتلىرىنى بىردەم بولسىمۇ ۋاراقلاشتىن توختاپ شىرىن چۈشلەر دۇنياسىدىن ئۆزۈمگە يىڭىچە بىر تۇيغۇنى ئىزدەپ تىپىش ئۈچۈن يولغا چىقتىم،گەرچە بۇ سەپەر مەنزىلىمنىڭ زادى قەيەرگىچە ھەتتاكى قانچىلىك داۋاملىشىدىغانلىقىنى  بىلمىسەممۇ مەن يەنىلا  شۇ تىل بىلەن تەسۋىرلىگۈسىز گۈزەللىككە تولغان گىرىمسەن تۇيغۇلار ئىلكىدە قۇش كەبىي ئەركىن پەرۋازىم بىلەن ئارمانلىرىم  بىلەن تامان ئىلگىرلىمەكتە ئىدىم، ئەمدىكى مىنۇتلىرىمدا ھايات رىيانلىقلىرىنىڭ ماڭا بەخىش ئەتكەن ئاچچىق تۇيغۇلىرىنى ئۈمۇمەن ئۇنۇتتۇم ،نىمانچە ئەركىن ھەم رەڭدارلىققا تولغان  يىڭىچە دۇنيا بۇ ھە ! غەمسىزمەن،  مىڭىۋىرەي ئىشقىلىپ بۇ يولدا ھىرىپ چارچىسام تۇپراق ئانام مىنى مىھرى بىلەن قۇچاقلاپ پەرىشتىلەر ئۆزلىرى بىرىپ روھىمنى  رەببىمنىڭ ھۇزۇرىغا  تەييار قىلىدۇ.  مۇشۇ رەۋىشتە قانچىلىك ماڭغانلىقىمنى ئۆزۈممۇ بىلمەيمەن ، ھەم بىلىشنىڭمۇ نە ئەھمىيتى دەيسىلەر...تۇيۇقسىزكىمدۇر بىرىنىڭ پىچاق ھەققىدە قۇلاق تۇۋۇمگە پىچىرلاشلىرى مىنى چۈشلەر دۇنياسىدىن بىراقلا يۇلقۇندۇرۇپ  ھىلىقى قەلىپ ئاسمىنىمىدىن ئەمدىلا يوقىلىشقا باشلىغان بىر سىقىم ھەسرەتنىڭ قوينىغا تاشلىدى...، چۈشلىرىمدىن يۇلغۇنۇپ ئويغانغان چىغىم، ئاھ دىدىم بىر سىقىم ھەسرەت قۇچاقلاپ. ئاپئاق كىرلىك ئۈستىدە نىمجاندۇر تىنىم، نەپەسلىرىم شىلەنكىدىن چىقار قىينىلىپ. توغرا مانا بۇ مەندۇرمەن ، ئىنسان بىغۇبار چۈشلەرتەرىپىدىن  ئالدىنىپ ئاقىۋەتتە رىيانلىقتىكى ئاچچىق قىسمەتنىڭ قاراڭغۇ زىندانىغا مەككۈم بۇلۇپ سوغۇق كىسەل كارىۋىتىغا پالانغۇچى  ئاجىز تەن دەل مەن بۇلىمەن ....بۇ يەردە كارىۋات ۋە ھاياتلىقنىڭ تۈرلۈك تۈمەن ھىكمەتلىرى ياشايدۇ، مەن گۇيا شۇ ھىكمەتلەرگە شاھىت بولغۇچى  مىھمان ....‹‹ھەي دۇنيا  مەندىن يەنە نىمىلەرنى كۈتەرسەن؟›› بىلدىم، ئەسلى سەن  نۇرلۇق كۆزلىرىىمنى خىرەلەشتۈرۈپ  چىھرىمنى كۈزدىكى خازان ياپرىقىدەك سارغايتىپ  پۇتلۈرۈمنى تاشتەك قاتتىق گىپىسقا ئىلىپ سەزمەس قىلغان  ۋاقىتلىرىڭدا مىنىڭ ياڭراتقان مەكتۇپلىرىمنى تامان ئۇنتۇپسەن... تىخىمۇ توغرىسى مەغرۇر  قەدىمنى، ھىچ بىر رەھىم قىلماستىن شۇ سۇسىز چۆللىرىڭگەتاشلىماق بوپتىكەنسەن ئەمەسمۇ ! ھايات....  بوپتۇ مەن ئۇتتۇردۇم،  قىسمەتلىرىڭگە تەن بەردىم جاھان، نە ئامال  يەنىلا شۇ بىر سىقىم ھەسرەتنى قۇچاقلاپ ھەر بىرتىنىقىمدىن ئەجەل ھىدىنى پۇراۋاتقاندەك مۇدىھىش تۇيغۇدا ياتماقتىمەن.... نەدىن كەلگەن غايىۋى جاسارەتلىكىنى بىلمەيمەن ئىشقىلىپ بىر كەملەردە قۇلۇمدىكى ھەسرەتنى چىڭ سىقىۋىدىم  ئەلەمدە تولغانغان يۇرىكىم شۇئان قاناپ كەتكەندەك تۇيۇلۇپ ئەنسىز سوقتى...دىمەك ھاياتىم ئازاپ، ھەسرەت دولقۇنلىرى ئارىسىدا داۋام  قىلىۋاتاتتى ، تۇيۇقسىز باشلانغان  يىغا زار بىلەن  چۆچۈپ خۇنىك كۆزلىرىمنى يان كارۋاتقا تىكتىم...توۋا بايىلا پۇشقۇرتۇپ ئۇخلاۋاتقان بىر  ئىسىسق جان،ئاجىرىغان ئىڭەك  مۇشۇ كىچىدە ئاخىرلاشقان بىر پارچە ھەقىقەتلىك ھىكايە  ئۆلۈمدىن ئىبارەت ئاخىرقى پەللىسىنى يىزىپ تۈگەتتى . ھەسرەتلەر ھىلىھەم يۈرىگىمنى تىلغاپ ئويناۋاتاتتى،  كۆزلىرىمنى يەنە يۇمدۇم  خۇددى ھۇجۇدۇمدىكى ئەنە شۇ بىر سىقىم ھەسىرەت ماڭاشۇنداق بىر ھەقىقەتنى چۈشەندۈرەلىگەندەك ئۆز ئۆزۈمگە  پىچىرلىغىنىمچە  كۈلۈمسىرىدىم؛‹‹خەيىر ھەسرىتىم، رىسقىم  بولسا يەنە كۈرۈشۈمىز بولمىسا سىنى جەننەت ئىشىكىنىڭ ئالدىغا چىچىۋىتىپ كىتىمەن›› ۋاھالەنكى  چۈشلەرپاياندازىدا بىر سىقىم ھەسرەتنى ئۈچۇمداپ كىتىۋاتىمەن.  ئەمما ئويغۇنۇش نىسىپ بولسا مەن پەقەت ئاللاھ ھۇزىرىغا قەدەممۇ قەدەم  يىقىنلىشىۋاتقان قەيسەر يۈرەكنىڭ بىرىمەن خالاس.... تولۇقلىما مەزمۇن (2015-3-19 10:42 AM): ئاپتۇرى  :  مىرئادىل  مەغرۇر

1263318936

	ئەجەپ قالتىس يىزىلغان بىر سىقىم ھەسرەت بوپتۇ، چىن ھىسيات ھەقىقى ئىپادىلنىپ تۇرۇپتۇ، ئاللاھ ھەركىمگە شىپاتلىق ۋە سالامەتلىك خاتىرجەملىك ئاتا قىلغاي

huxhal

	ھەسرە ت  ئادەم ھاياتلا بولىدىكەن بىر ئۆمۈر ھەمراھ بولىدۇ ، خۇشاللىق ۋە بەخـتمۇ ھەم شۇنداق ، ھەسرەتكە پاتقان دەقىقىلەردە ئەڭ يېقىن كىشىلىرىمىزنىڭ بىزگە ھەمراھ بولۇپ تەسەللى بېرىشلىرى ، بىز بىلەن تەڭ ياش تۆكۈشلىرى گەرچە ئازاب ئىچىدە تۇرۇۋاتقان بولساقمۇ ،ياراتقۇچى بىزگە ئاپىرىدە قىلغان ئەڭ قىممەتلىك خۇشاللىق ، ھاياتىڭىز خۇشاللىقلارغا قۇچاق ئاچقاي 1

magrurjan

	1263318936 يوللىغان ۋاقتى  2015-3-19 10:39 AM ئەجەپ قالتىس يىزىلغان بىر سىقىم ھەسرەت بوپتۇ، چىن ھىسي ... رەھمەت ھەدە ياقتۇرغىنىڭىزغا تەشەككۈر

parlakaziz

	ھەرقانداق خوشاللىق   ۋەغەمقايغو    مەڭگۆ بولما س چەبدەس مون بىرىگە ئولىنىش ئادرىسىنى دەپبەرسەڭلا قىرىنداشلار تىمىغا موناسىۋەتسز بوپقالدى كەچۆرۆڭلا

mehriya

	يارايسىز ، ئاخىرىنى ئوقۇپ تۈگەتكەندە ، گۈزەل ھاياتقا تەلپۇنۋاتقان بىر جەزبىدار قەلبنى كۆرگەندەك بولدۇم ، ھەسرەتنى ھەسرەت دەپ يۈرسە كىشى ، شۇنىڭ قۇلىغا ئايلىنىپ قالىدۇ . شۇڭا يەنىلا شۇ بىر سىقىم ھەسرەتنى گۈزەل تىلەكلەر بىلەن مۇجىۋەتكەن  ياخشى .

magrurjan

	mehriya يوللىغان ۋاقتى  2015-3-19 12:20 PM يارايسىز ، ئاخىرىنى ئوقۇپ تۈگەتكەندە ، گۈزەل ھاياتقا ت ... رەھمەت ھەدە تىمامنى ھەقىقى ئىچىگە كىرىپ تۇرۇپ كۆرۈپسىز ，  ھەممىمىزگە ساقلىق ھەم خوشاللىق مەڭگۈ يار بولسۇن！

firoz

	ئادەم دېگەنمىچۇ ھاياتىدا ھەسىرەت، ئازاپ دېگەنلەرنى تېتىپ باققۇلۇق بولمىسا  ئۆزىنىڭ بۇ دۇنياغا نېمە ئۈچۈن يارالغانلىقىنى ئۇنتۇپ قالىدۇ، ئازابلانغاندىلا خۇشاللىقىنىڭ قەدىرىگە يىتىدۇ.... ھەممە ئىشنىڭ بىر ياخشى بىر يامان تەرپى بار، ئىشقىلىپ يىغلىساقمۇ ئۆتۈپ كىتىدۇ بۇ كۈن كۈلسەكمۇ ئۆتۈپ كىتىدۇ بۇ كۈن، ئەڭ ياخشىسى بۇ دۇنيا ئۈچۈن ئەمەس ئۇ دۇنيا ئۈچۈن ياشىغان ئەڭ تۈزۈك...

nawa02

	قەلبىم ئاجىز ئىڭرىماقتا، تەنلىرىم ئاغرىق ئازابىدىن تولغانماقتا ، ئەمما مەن يىغلاشقا ئامالسىز، چۈنكى مەن ئۈچۈن ئوتۇمدا كۆيۈپ،سۈيۈمدە ئاققان مىھرىبانلىرىمنىڭ ئازاپ ياشلىرىنى كۆرگۈم يوق، دائىم ئۆزەمگە غەيرەتلىك بول، بۇ ئازاپ ،بۇ كۈنلەر ساڭا مەڭگۈلۈك ئەمەس، ھاياتنىڭ سىناقلىرى يەنە بۇنىڭلىق بىلەن ئاخىرلاشمايدۇ ، قۇياشنىڭمۇ ساڭا كۈلۈپ باقىدىغان ۋاقتى كىلىدۇ دەيتىم. ھايات يولى شۇنداق بولىدۇ، بەزىدە ئىنسان ئۆزتەقدىرىنى ئۆزگەرتىشكە  ئاجىزلىق قىلىدىكەن . شۇنداق ياخشى يېزىپسىز، بۇندىن كىيىنكى ھايات يولىڭىزنىڭ تېخىمۇ پارلاق، تېنىڭىزنىڭ سالامەت بولۇشىنى ، خۇشاللىق ئىچىدە ئۆتۈشنى تىلەيمەن.

sanjay

	nawa02 يوللىغان ۋاقتى  2015-3-19 07:04 PM قەلبىم ئاجىز ئىڭرىماقتا، تەنلىرىم ئاغرىق ئازابىدىن تو ... ساپساقلا قىزبالىتى بۇ     سۆزلەپ قالدىمۇ بۇمۇ             توۋا ھازىرقى باللارنى   يۇمۇر بولسا كۈلىدىغان     ،  لىرىكا بولسا يىغلايدىغان  گەپما    .