نورۇز ئېشى ئىچمىگەن دادام

ئاچارى

	نورۇز ئېشى ئىچمىگەن دادام ئابدۇغېنى ساۋۇت ئاچارى قۇشلار كەلسە سەپ-سەپ ئۇچۇشۇپ، باھار كەلدى دېدى بالىلار. سۇلار كەلسە شىلدىرلاپ ئېقىپ، باھار، نورۇز دېدى دادىلار. غۇر-غۇر شامال چىقىپ تۇيۇقسىز، ئەتراپىمنى توپا چاڭ باستى. ۋىچىرلىشىپ سايرىغان قۇشلار، قەيەرگىدۇر يوقالدى، قاچتى. قايسى كۈنى يېزا ئارىلاپ، كۆرگەن ئىدىم بوت- بوت چالغاننى. گېزىتلەردىن لەگلەكلەر ياساپ، ئۇچۇرغاننى ، چۇقان سالغاننى. باھار، باھار، يىپيېڭى باھار، ھەممە يەردە باھارنىڭ ھېدى. سۆيۈپ تۇرۇپ مەڭزىمگە شامال، مەن باھارمەن، نورۇزوڭ دېدى. يېلىڭ كىيىپ يۈرگەنتىم مانا، شامال چىقىپ دۈگدۈيۈپ قالدىم. باھار دېگەن شوخ، ئەركە بالا، مەن باھاردىن نېسىۋە ئالدىم. يېشىللىقتىن تون كەيدى ئالەم، ياپيېشىلدۇر ئېتىزلار، باغلار. نورۇز بىلەن كۈلدى تەبىئەت، خۇشال ھەتتا تاپ-تاقىر تاغلار. *   *    *    *    * تۈنۆگۈن كەچ ئايالىم بىزگە، ئېتىپ بەرگەن كۆك چۆچۈرىسى. قوشنىلارغا بىر تەخسە ئاران، چىقارغانتۇق ئوغلۇمدىن تېخى. كۆك چۆچۈرە يېڭىلىق ئىدى، قوشنىلاغا نورۇزلۇق سالام. دادام بەكمۇ جاپاكەش ئىدى، دادامدىنمۇ جاپاكەش ئانام. يەنە بۇ يىل نورۇز كەلگەندە، يوق بوپ قالدى رەھمەتلىك دادام. كۆك چۆچۈرە يىگەنتى بىراق، نورۇز ئېشى ئىچمىگەن دادام. *    *   *   *   * باھار بەكمۇ ئالدىراش پەسىل، ئانىلارمۇ، بوۋاقمۇ دېھقان. ئىشلىمەكتە ئېتىزدا شوخ-شوخ بالىلارمۇ سېلىشىپ چۇقان. دېھقان بولماي نەدە بىزگە نان، قوغۇن، تاۋۇز، ئالما ھەم ئانار. نان بولمىسا بولار كىمدە جان، دېھقان دېسە يۈرىكىم يانار. ئاھ، دېھقىنىم نورۇزۇڭ كەلدى، نورۇز ئېشى پىشتى ئىچىۋال. كەلگىنە ئەي ساقاللىق بوۋا، نورۇز بوۋاي، نورۇز ئوينىۋال.

ئا.قاسىم

	شېئىرىڭىز ياخشى چىقىپتۇ. مۇبارەك بولسۇن!

پالاكەت.

	نۇرۇز ئېشىنى قانداق ئىتىدو

bazarbay

	ياخشى چىقىپتۇ

firoz

	باشلانغۇچتا ئوقۇيدىغان چاغلاردا بىر نەچچە قېتىم مەكتەپتىن بىر تۇتاش يوغان قازانلاردا نورۇز ئىشى ئىتىپ بەرگەن ئىدى، ئۇ ۋاقتىلاردا قىززىقچىلىق بىلىنىپ بىر قاچىغا بولدى قىلماي ئىككى ئۈچ قاچا ئىچىۋالاتتىم، لېكىن تەمى ئىسىمدە قالماپتۇ،  ھازىر ھەجەپ ئىچكىم كەلدى دېسە، ئۆزۈم ئىتىشنى ئۇقمايمەن، بۇ يىل ئۇكامنىڭ مەكتىپىدە ئىتىپ بەرسە بېرىپ ئىچىۋىلىپ كېلەيمىكى يا

ئاسۇق

	ياخشى يېزىلغان بىر شىئېرنى ئوقۇپ ھاياجانلاندىم ئەتتىگەندە . رەھمەت سىزگە