لــەگلـــــەك

tvnlirikisi

	لەگلــەك . نىيازئەلى ئادىل . باھاردىكى ئىزغىرىن شامال، ئەسلىتىدۇ گۆدەكلىكىمنى. چىغ، قەغەزدە لەگلەك ياسىغان، ئاشۇ غەمسىز ئۈلپەتلىرىمنى. . تانا تارتىپ ھەريان يۈگۈرسەك، سەلكىن شامال سۆيۈپ ئۆتەتتى. گاھ، لەگلەكلەر قىلاتتى پەرۋاز، گاھ، بىرلىرى لايغا چۈشەتتى. . چۇرقىرايتۇق ئاسمانغا قاراپ، چۆرگىلەيتى توختىماي غالتەك. غالتەك بىلەن ھەمنەپەس ئىكەن، كۆك ئاسمانغا ئۆرلىگەن لەگلەك. . تانا باغلاپ لەگلەك ئۇچۇرغان، ئەجەپ گۈزەل ئىدى بالىلىق. مانا ئەمدى لەگلەككە ئوخشاش، تۇرمۇش بىلەن باغلاندى ياشلىق. . 2015 - يىلى 18 - مارت چارشەنبە غۇلجا موڭغۇلكۈرە شوتا يېزىسى

بايقارا

	بەك جانلىق يېزىپسىز   ،،بالىلىقىمنى  ئەسلىتىپ قويدىڭىز

ranjimayman

	خىياللارنى لەگلىك قىلىپ ئۇچۇردۇم، يىپى ئۇنىڭ يۈرىگمگە باغلانغان. سەۋدايىمەن،بىر ۋاپاسىز دەرىدە، يۈرەك باغرىم ئازاپ بىلەن داغلانغان. ھى..ھى..مەنم لەگلەكنى مۇنداق ئۇچۇرۇپ باقتىم.

ranjimayman

ablikim.karkax

	ranjimayman يوللىغان ۋاقتى  2015-3-19 12:47 PM خىياللارنى لەگلىك قىلىپ ئۇچۇردۇم، يىپى ئۇنىڭ يۈرىگمگە ... يارنى ساقلاپ،يۈرەك داغلاپ يۈرگەنلەر، تاق ياشايدۇ ، كۈتكەنلىرى كەلگۈچە. ئۇچرىغانغا قىلماستىن ناز - كەرەشمە، قان يۇتىدۇ يۈتكەنلىرى كەلگۈچە. ئالدىڭىزدا چېنىپ قالسىمۇ ،،،ئۆزەمچە يانداشقۇم كەلدى...........

ranjimayman

	ablikim.karkax يوللىغان ۋاقتى  2015-3-19 04:10 PM يارنى ساقلاپ،يۈرەك داغلاپ يۈرگەنلەر، تاق ياشايدۇ ، ك ... كەمتەرلىگىنى قارا... شۇنداق چىرايلىق چىقىپتۇ.

ablikim.karkax

	ranjimayman يوللىغان ۋاقتى  2015-3-19 04:28 PM كەمتەرلىگىنى قارا... شۇنداق چىرايلىق چىقىپتۇ. سىز ياخشى يازىدىكەنسىز ، لېكىن ئۇزۇن بولدى يازمىڭىز كۆرۈنمەي ئىنكاسلا يېزىۋاتىسىز...بىزدەك ساۋاتسىزلارغا كۆپرەك يول كۆرسىتەرسىز ...

firoz

	باشلانغۇچتا ئوقۇۋاتقان ۋاقتىمدا لەگلەك ئۇچۇرۇش مۇسابىقىسىگە قاتناشقان ئىدىم، نىمىدىگەن گۈزەل چاغلار ئىدى،-ھە...