شېئىر بولۇپ سىڭسەڭ باغرىمغا

otkax0903

	شېئىر بولۇپ سىڭسەڭ باغرىمغا ( ئامانگۈل ئابدۇكېرىم زىبانىڭ شېئىر بولۇپ سىڭسەم باغرىڭغا ناملىق شېئىرىغا مۇشائىرە) otkax0903 چوغ تاشلىساڭ گۈلخانلىرىمغا، ئىشقىڭدا مەن كۆيۈپ كېتەتتىم. شېئىر بولۇپ سىڭسەڭ باغرىمغا، ۋىسالىڭغا شۇئان يېتەتتىم. شېئىر بولۇپ سىڭسەڭ باغرىمغا، بىر مىسراسى ئۆزۈم بولاتتىم. گۈل بويۇڭغا چاچقۇلار چېچىپ، ھىدلىرىڭنى ھىدلاپ ئالاتتىم. شېئىر بولۇپ سىڭسەڭ باغرىمغا، خىيال قۇشۇم سەندە قالاتتىم. ئۆزۈمدىنمۇ قىزغىنىپ سېنى، بويلىرىڭغا ئىسرىق سالاتتىم. شېئىر بولۇپ سىڭسەڭ باغرىمغا، ۋىسالىڭغا شۇئان يېتەتتىم. بىر تەن بىر روھ بولۇپ مەڭگۈگە، گۈل زىبايىم سېنى سۆيەتتىم. 2015-يىلى 3-ئاينىڭ 10-كۈنى

saman-yoli

	مىسرنىمغا ھازىرغا قەدەر 16650پارچە شېئېر يوللۇنۇپتۇ . ئەمما بۇنىڭدەك يىزىلغان شېئېر 650كە بارمايدۇ . رەھمەت .

TATLIHIM

	شېئىرنىڭ تېمىسى ئۆزگىچە قۇيۇلغان .بىراق مېنىڭ كاللامدىن ئۆتمەيدىغىنى ئەڭ ئاخىرقى كۇپلىتنىڭ ئۈچىنچى مىسراسى ،يەنى بىر تەن بىر روھ بۇلۇپ دىگەن بۇ مىسرا رىئاللىقتىن ھەددىدىن زىيادە چەتنەپ كەتكەن بىر مىسرا بۇلۇپ قاپتۇ،مۇشۇ تەرەپتىن بىر ئويلىنىپ باقسىڭىز.رەھمەت.

Gvlbargi0999

	پاھ-پاھ كارامەت شېئىر بوپتۇ!نەخ يۈرەككە بارغۇدەكلا!

زىبا.

	مەن   ئەسلى   بۇ   تىما   ئۈستىدە   بارلىق   ئىلھاملىرمنى  تۈكۈپ  بوپتىكەنمەن  ،   قايسى   كۈنى   تىمامغا   يانداشقانلارغىمۇ   ھۆرمەت  يۈـسىدىن   ئەگشىپ   يازاي   دىسەم   ،  كاللام  قۇپقۇرۇق   بولۇپ   ھېچنەرسە   يازالماي   ،   ئۇقۇپ   ھۇزۇرلىنىپ   ئولتۇرغانتىم  . ئەمما   سىز   مۇشائىرە  قىپسىز  ،   شۇڭا   ئاز  -تۇلىمۇ   بولسا   قەلەم  تەۋرىتەي   ئەمدى . شېئىر بولۇپ سىڭەي  باغرىڭغا   ئامانگۇل ئابدۇكېرەم زىبا سەن يىگانە ، يىگانە  ياپراق ، تىنىقىڭدا سۆيگۈ ئوت پىراق، سېغىنىسەن ئارلىق بەك يىراق ، شېئىر بولۇپ سىڭەي باغرىڭغا. سەن پەرۋانە ، بولمىدىم چىراق، ئىشقىڭدا تەڭ كۈيىمەن بىراق ، دىدارىڭغا قانمىدىم ھېچۋاق  ، شېئىر بولۇپ سىڭەي باغرىڭغا. ھېدلىرىمنى ئاپارسۇن شامال ، ھېجرانىڭغا يوق مەندە ئامال، بەختىڭ بىر كۈن تاپىدۇ كامال، شېئىر بولۇپ سىڭسەم باغرىڭغا . 2015- يىلى 3- ئاينىڭ 10-كۈنى مەكىتتە يېزىلدى .

Gvlbargi0999

	زىبا. يوللىغان ۋاقتى  2015-3-10 11:38 PM مەن   ئەسلى   بۇ   تىما   ئۈستىدە   بارلىق   ئىلھاملىرمنى  ت ... پاھ سىڭلىم،كارامەت ياندىشىپسىز جۇمۇ!

saltanat

	TATLIHIM يوللىغان ۋاقتى  2015-3-10 03:34 AM شېئىرنىڭ تېمىسى ئۆزگىچە قۇيۇلغان .بىراق مېنىڭ كاللامد ... قاملاشمىغان..........باشلانغۇچنىڭ 1-يىللىقىدا نەچچەيىل ئوقۇغان بولغىدىڭىز....

saltanat

	زىبا. يوللىغان ۋاقتى  2015-3-10 05:38 AM مەن   ئەسلى   بۇ   تىما   ئۈستىدە   بارلىق   ئىلھاملىرمنى  ت ... بەكمۇ ياقتۇردۇم...................

tumaris01

	مەنمۇ بەك ياقتۇردۇم . شۇ تاپتا مېنڭمۇ يانداشقۇم كەلدى . لېكىن ئارمانغا چۇشلۇق دەرمان يوق . ئىلھام قۇشلىرىم نەگە كەتتىكىن ....