نورۇز كەلگەن ئوخشايدۇ

mehriya

	نورۇز كەلگەن ئوخشايدۇ دېرىزەمدە سايرىدى ئەلچى قالىغاچ ۋىچىرلاپ ، ناۋاسىدىن ئاياندۇر كۆكلەم كەلگەن ئوخشايدۇ . مەيىن شامال ئەپ كەلدى چېمەنزارنىڭ ھېدىنى ، سۆيۈپ شەبنەم ياپراقلار باھار كەلگەن ئوخشايدۇ . ياڭراپ ئەمگەك ناخشىسى ئېتىزلاردا دالىدا ، جانلىنىپتۇ جېمى جان نەۋرۇز كەلگەن ئوخشايدۇ . تۇلۇنئايمۇ باھارغا بولغاچ ئاڭا قەلبداش ، دېرىزەمدە مارلايدۇ يارىم كەلگەن ئوخشايدۇ . يالپۇز پۇراپ قىرلاردىن خەۋەر بەردى باھاردىن ، زىمىستانغا خوش ئېيتىپ يۈرەك كۈلگەن ئوخشايدۇ . قۇياش سۆيۈپ ئۇيغاتتى سۈكۈتتىكى خىيالنى ، مىسكىن دىلنى شات ئەيلەپ ھايات كۈلگەن ئوخشايدۇ . مېھرىيە

bulaksu2

	شۇنداق، نورۇز __ بىزنىڭ باھار بايرىمىمىز كېلىش ئالدىدا تۇرىۋاتىدۇ. يەنى 3-ئاينىڭ 21 كۈنى كۈن بىلەن تۈن تەڭلىشىدۇ __ تېرىم ئىشلىرى باشلىنىدۇ. مانا بۇ باھار. مۇبارەك بولسۇن!

tumaris01

	قۇشلار زوق -شوخ سايرايدۇ ، باھار كەلگەن ئوخشايدۇ . يېشىل بولسا تەبىئەت ، كۆڭۈل ئەجەپ يايرايدۇ . ئىللىپ كەتتى يەر - جاھان ، نۇرۇز كەلگەن ئوخشايدۇ . قىشنىڭ ئاچچىق سۇغۇقى ، شۇنىڭ بىلەن توختايدۇ . شېئىرنى بەك ھېسياتلىق يېزىپسىز مېھرىيە ، قەلەم تۇلپارىڭىز ھارماي چاپقاي .........

feruq

	نورۇزنىڭ بالدۇرراق كېلىشىگە تەقەززا بولىۋاتىمەن.

ap~qilam

	قاچانغىچە كەلمەيدۇ زادى بۇ نەۋرۇز، كەلمىگەن بولسا ئۆيىگە ئەلچىلىككە باراتتىم، قارىغاندا كەلگەندەكمۇ قىلامدۇ نېمە . تىلى يېقىشلىق شېئىر بوپتۇ، ھارمىغايسىز

mehriya

	bulaksu2 يوللىغان ۋاقتى  2015-3-10 01:30 PM شۇنداق، نورۇز __ بىزنىڭ باھار بايرىمىمىز كېلىش ئالد ... راست دەيسىز . ئەمما مۇشۇ شېئىرنى يازغاندا بەزىلەر نورۇزنى نەۋرۇز دەيدىكەن ، بەزىلەر نورۇز دەيدىكەن ، زادى قايسى بىزنىڭ ئۇيغۇر تىلىمىزغا توغرىدۇ دەپ ئويلاپ قالدىم . زادى نورۇزمۇ ياكى نەۋرۇزمۇ دەپ . بەزى كىتاپلاردىن نەۋرۇز دېگەن سۆزنى تۈرۈك تىلىدىن ئېلىنغانمۇ دەيدىكەن . ئېنىق بىلىدىغانلار بىر چۈشەنچە بەرسەڭلار بوپتىكەن ، بىر چاغلاردا مۇشۇ توغرۇلۇق مۇنبەردە بىر تېمىمۇ باردەك قىلاتتى . ئەمما ئىزدەپ تاپالمىدىم .

mehriya

	ap~qilam يوللىغان ۋاقتى  2015-3-10 02:49 PM قاچانغىچە كەلمەيدۇ زادى بۇ نەۋرۇز، كەلمىگەن بولسا ئۆي ... بىزنىڭ يۇرتتا تېخى قارلار ئېرىمەكتە ، ئەمما تۇرپان قاتارلىق جايلاردا باھار كېلىپ ئۆيلەرگە كىرىپمۇ بوپتۇ . ياقتۇرغىنىڭىزغا رەھمەت ئۇكام .

mehriya

	tumaris01 يوللىغان ۋاقتى  2015-3-10 01:47 PM قۇشلار زوق -شوخ سايرايدۇ ، باھار كەلگەن ئوخشايدۇ . يېشى ... يانداشمىڭىزغا رەھمەت جانىم . راستىمنى دېسەم مۇشۇ نورۇزنى يۇرتۇمغا بېرىپ ئۆتكۈزۈپ كەلگىم بار .

bulaksu2

	mehriya يوللىغان ۋاقتى  2015-3-10 04:02 PM راست دەيسىز . ئەمما مۇشۇ شېئىرنى يازغاندا بەزىلەر نور ...        پارس تىل سىستېمىسىدا سۆزلىشىدىغان خەلقلەر «نەۋرۇز» (ئىنگلىزلارمۇ شۇنداق)؛ ئالتاي تىل سېستىمىسىدا سۆلىشىدىغان خەلقلەر ئۆزلەشتۈرگىنىمىز ھەم تىلىمىزغا ماس كەلگىنى بويىچە «نورۇز» دەيمىز. رەھمەت!