مۇھاببەت كۈيلىرى

turklan

	مۇھاببەت كۈيلىرى.تۈركلان ئۈمۈد ئۈچۈن قىسقا بىر يول چاچلىرىڭنى يەلپۈپ تارىغان، گۈزەل ئاشۇ ئايچېھرىڭگە شەيدادۇر ھامان. ئىللىق شامال ياپراق سۆيگەن تامچە لىۋىگە ، سۈكۈناتتا ئۆز سىرىنى ئەيلەيدۇ بايان. تۈن چىرىقى يۈشۈرالماس تۆككەن يېشىڭنى ، چانىقىڭدا لىغىرلايدۇ ئۈمىدسىز چۈشلەر. مىسالى گۈل  بەرگىسىدا دەقىقە تۇرغان ، شۇ شەبنەمدە ئايان ئىدى ئۇزاق كۈتۈشلەر. تۈننىڭ نۇرى ،سەلكىن شامال، بىپايان ئاسمان، ھىچبولمىسا بىر ئۈمۈدكە بىرىدۇ ئىمكان. ھايات بەلكىم بىر كۈنلىرى بىرەر شادلىقنى ، ئۈمۈد ئۈچۈن رىيازەتتە چەكسەممەن  پىغان. ئاقسۇ قاراتال.2015.02.12 ھىلال بىلەن سۆھبەت ھىلال كۈلۈپ باققان بۇ كېچە، سۈكۈناتتىن ياسايدۇ ئۈنچە. ئۇ تۇمانغا چۈمكەلگەنسېرى، مېھرىم بىلەن باقتىم مەن شۇنچە. دېدى بىر چاغ ھىلال ئاي ماڭا: نىچۈن ماڭا قارايسەن بۇنچە. مېنى ئۈزۈپ ئالالمايسەن ھەم، بىلىسەنغۇ مەن كۆك قەھرىدە. مىيىقىمدا كۈلدۈم ھىلالغا ، سادا چىقتى قەلبىم تەكتىدە: سېنى ئەمەس دىلبىرىمنى مەن ، كۆرمەكتىمەن سېنىڭ يۈزۈڭدە. شۇنچە ئۇزسەن كېچىلەر ئارا، داۋالغۇيسەن كۆكنىڭ مەۋجىدە. ساڭا قاراپ مەن گويا شەربەت، ئىچەرمەنكى  جانان چىنىدە. مىيىقىدا كۈلدى ئايمۇ ھەم، كۆردى بولغاي مىنى بالىچە. تۇمان ئىچرە تولغۇنۇپ ئەركىن، تۇرقى بۇ چاغ ئىدى ئۆزگىچە: سەن منىڭدىن نىگارىڭ ئىزلەپ، قىپسەن بەكمۇ خىيال ساددىچە. مەنكى زىنھار ئوخشىغان ئەمەس، تاھىر سۆيگەن گۈزەل زۆھرەگە . مەن بىر پەقەت كائىنات ئارا، ئالار مېنى قوينىغا كېچە. پەقەت شۇدۇر مېنىڭ قىسمىتىم، ئوخشىماسمەن ھېچبىر گۈزەلگە. ئىزلىمەكنى ئويلىغان بولساڭ، جانانىڭنى ئەگەركى شۇنچە. گۈزەل ھېسقا تۇيۇنغان چوڭقۇر، باققىن قەلب خانىلىرىڭگە. ئۇندىن ئىزلە جانان ۋەسلىنى، باقما ماڭا سەۋدايىلارچە. مەنكى زىنھار ئوخشىغان ئەمەس ، سەن زارىققان جانان ۋەسلىگە. قەلبىڭگە باق سېغىنساڭ ئەگەر، قەلبىڭدە باق نىگار چېھرىگە . چۈنكى ئۇندا كۈرۈنەر بەكمۇ، مۇھاببەتلىك چىن بىر مەنزىرە. ئاقسۇ.قاراتال.2015.02.04 [ بىر قىز تۇتاش كەتكەن ساڭا بىر خىيال، جىمجىتلىقتىن ياسايدۇ قەسىر. ئايلىنىدۇ گۈل بەرگىسىگە، ئىزگۈلۈككە قىپ مىنى ئەسىر. خىيال ئىچرە قاتىدۇ قارچۇق، گۈل بەرگىنىڭ نازۇكلىقىدىن. تۇمان تاراپ كەتمەستىن بۇرۇن، شۇ ئۇچقۇندا كىتەر ھۇشىدىن. شىخەنزە.2015.01.17

tumaris01

	بەك ياخشى يېزىپسىز

TATLIHIM

	قىزلار ئۈچۈن يېزىلغان شېئىرلارنىڭ ھەممىسى تاتلىق بولسا كېرەك.

hadrat

	شىرىن مۇھەببەت ھىس تۇيغۇلىرىڭىزنى ياخشى ئىپادىلەپ يىزىپسىز...

جۈرئىتى

	TATLIHIM يوللىغان ۋاقتى  2015-3-9 05:55 PM قىزلار ئۈچۈن يېزىلغان شېئىرلارنىڭ ھەممىسى تاتلىق بولس ... ياخشى يېزىپسز ئجادىيىتىڭىزگە ئۇتۇق تىلەيمەن.

muzmuz

	شىئېرلىرىڭىز  شۇنداق  ياخشى  چىقىپتۇ ، بۇلۇپمۇ  ،ئىككىنجى  شىئېرىڭىز  « ھىلال  بىلەن  سۆھبەت » دىگەن  شىئېرىڭىز  بەك  يارىدى  ماڭا

kaliptax

	ناخشا  قىلىپ  ئېيتىپ باقسا بولغۇدەك

زىبا.

	بىر قىز ناملىق شېئرڭىزنىڭ 1-كۇپلىتىنىڭ 4-مىسراسىغا يەنە  بىر ئىشلىسڭىز خېلىلا ياخشى بىر شېئىر بولۇپ چىقۇدەككەن .

izlayman520

	بەكلا ياخشى چىقىپتۇ.....................

izlayman520

	بۇگۇن مەنمۇ ئازراق شېئېر يوللاپ باقايچۇ دىرىزەمدە ئاينىڭ شولىسى كىچە كەلمەس ئۇيقۇ كوزۇمگە ھىجرانىڭدا تولغاندىم قىلدەك ئىزگۈ سىرلار قاتتى يۇزۇمدە ئالتۇن پەسىل كوڭلۈم بەك يىرىم ماڭدىم يالغۇز چىغىر يول بويلاپ يۈرىكىم مۇز كەبى قاتقان شۇ دەمدە ئوتكەن كۈنلەر،تۈنلەرنى ئويلاپ يالغۇزلىقىم ماڭا. ھەمرادۇر خىياللىرىم ئۇچۇپ سەن تامان تۈگەپ كەتسۇن ئاچچىق ئەسلىمە بولغىن مەڭگۈ نىگارىم.ئامان ئولۇپ.كەتسەم ئارماندا بىر كۈن يوقلاپ تۇرغىن قەبرەمگە كىلىپ دۇئا قىلىپ قايتقىن ئەي نىگار يىغلىمىغىن ھەرگىز ئۈن سېلىپ 2015-يىل 3-9-كۈنى