قېرىنداش
خەيرۇللا قۇربان
بۇ ھاياتنىڭ پەيزىنى تەڭ سۈرسىكەن قېرىنداش ،
مەيلى شادلىق قايغۇنى تەڭ كۆرسىكەن قېرىنداش .
بىرىمىزنىڭ بېشىغا كۈلپەت تېشى غولىسا ،
مۇھەببەتلىك ئوتۇن بوپ تەڭ كۆيسىكەن قېرىنداش .
ئالقانقچىلىك نان بىلەن تەڭ تويسىكەن قېرىنداش ،
ھۆرمەت قىلىپ ئۆزئارا يول قويسىكەن قېرىنداش .
ئەلگە خۇشبۇي ھىدىنى چاچقان قىزىل گۈللەردەك ،
بىر ئېرىقتىن سۇ ئىچىپ كۆكلىسىكەن قېرىنداش .
قاتار ئۇچقان قۇش كەبى ئۆرلىسىكەن قېرىنداش ،
تۆھمەت سۈيى كەلسىمۇ چۆكمىسىكەن قېرىنداش .
مىھىر بىرىپ قول بىرىپ بىر - بىرىنى يۆلىشىپ ،
ئەللەر بىزار ئىللەتنى سۆيمىسىكەن قېرىنداش .
كۆرەلمەسلىك ئوتىدا كۆيمىسىكەن قېرىنداش ،
كۈندە دىدار مۇڭداشقا تويمىسىكەن قېرىنداش .
قېرىنداشنى قېرىنداش قۇش ئانسىدەك پەپىلەپ ،
ئەل ئالدىدا كۈلكىگە قويمىسىكەن قېرىنداش .
بۇ يازمىنى ئاخىرىدا تاڭنۇر تەھرىرلىگەن. ۋاقتى 2015-3-9 11:28 AM
يوللىغان ۋاقتى 2015-3-9 11:27:35 AM
