بايرام كەلدى يوقسۇزلۇق بىللە...
رۇستەم قاراسۇ....يوقسۇل تىلىدا
بايرام كەلدى يوقسۇزلۇق بىللە،
بازارلاردا سوۋغاتلىق تاللاش.
يانچۇقۇمنىڭ ئەستىرى چىققاچ،
بايرام كۈلدى مەسخىرە ئارلاش.
قايسى كۈنى ماڭا بايرامدۇر،
تەغدىرىم يا ئىيتىپ بەرمەيدۇ.
شۈكۈر قىلدىم لىكىن بايرامنىڭ،
غەۋغاسىدىن ئۇيقۇم كەلمەيدۇ.
ئۆتۈپ كەتسە سەككىزىنجى مارت،
كۆڭۈل ئاغرىق تېپىپ بەرمەستىن.
كۈندەبايرام بولاتتى ماڭا،
چىقىپ كەتسە بايراملار ئەستىن.
رۇستەم قاراسۇ...ئاتۇش 8.مارت سەھەر
چۈش كۆرىمەن ئۇخلىماي شۇنداق
رۇستەم قاراسۇ
سېڭىپ كەتسەم تەكلىماكانغا،
ھەر تۇپامدىن يېشىللىق ئۈنسە.
تارىم بولۇپ ئېقىن ياسىسام،
ئۇسسۇز زىمىن قايتىدىن كۈلسە.
ئەۋلادلارغا يېڭى بىر تۇرمۇش،
بەخىش ئەتسە شۇ تەكلىماكان.
قۇم بۇرانلار ئۆتمۈش سانىلىپ،
يۇقاپ كەتسە دۆۋ-دۆۋە بارخان.
خىيالىمدىن يىراق رىياللىق،
چۈش كۆرىمەن ئۇخلىماي شۇنداق.
ئۆز كۆڭلۈمنى خوش قىلاي بىردەم،
كىم بىلىدۇ كەلگۈسى قانداق؟؟؟
رۇستەم قاراسۇ ..ئاتۇش 6.مارت
بۇ يازمىنى ئاخىرىدا rustorahbar تەھرىرلىگەن. ۋاقتى 2015-3-8 05:38 PM