مەخەت ئابدۇرېھىم:گويا قەلبىڭ تولۇن ئايدەك.

mahatjan

	گويا قەلبىڭ تولۇن ئايدەك. مەخەت ئابدۇرېھىم. گويا قەلبىڭ تولۇن ئايدەك،ئانامسەن سۆزلىرىڭ قەندەك، جاھان ئىچرە ماڭا يوقتۇر كۆيۈملۈك مېھرىبان سەندەك. ئۆمۆر بويى كۆيۈپ ئاقتىڭ مىنىڭ ئوتۇمدا،سۈيۈمدە، ئاتا قىلغاچقا قان ھەم جان ياشاپ كەلدىمغۇ بىر تەندەك. ھالال سۈتۈڭنى ئەمگەچكە،غورورلۇق بىر يىگىت بولدۇم، شۇڭا ھەردەم دىلىم خوشتۇر ئانام باغرىدا يۈرگەندەك. باھاردەك ئىللىتىپ دىلنى،قۇچاق ئاچقاچ ماڭا قوينۇڭ، جۇلالاپ بىخ سۈرۈپ ئۆستۈم،قەلەم قاشلىق قىزىل گۈلدەك. ئانام ئىشچان كۆيۈمچاندۇر،ھايات سەيناسىدا پىشقان، قەلبىمگە نۇرىنى چاچقان  مۇقەددەس ئاي بىلەن كۈندەك. ئانام پەرزەنت ۋاپادارى،ئەزىم دەريا كۆڭۈل كۆكسى. ئەقىل ئەخلاق،تەپەككۇرنى ماڭا بەرگەن ئوغۇز سۈتتەك. ئانامدەك بىر ئىسىل خىسلەت،يىتۈلدۈرگەچ  ۋۇجۇدۇمدا، ياشايمەن ئەل ئارا مەنمۇ بېشىم ئاسمانغا يەتكەندەك. مەخەت ئابدۇرېھىم

mahdi99

قورغان

	ئانا پەرزەنت ئۈچۈن ھەممىنى ئاتىۋىتىدىكەن،لىكىن بىز پەرزەنىتلەر ئانىلارنىڭ ئەجرىگە لايىق ئىش قىلىپ بېرەلمەيدىكەنمىز...شۇندىمۇ ئانىلار يەنىلا بىزنىڭ غېمىمىزنى يەپلا تۇرىدىكەن...ئانىلىرىمىزغا بىزمۇ ھەممىنى ئاتايلى،ئۇلارنىڭ غېمىنىمۇ يەيلى!   شئېرىڭىزدا ئانىغا بولغان چوڭقۇر مۇھاببىتىڭىزنى ياخشى ئىپادىلەپسىز...ياقتۇردۇم

bulaksu2

	مۇبارەك بولسۇن، ياخشى چىەقىپتيۇ، مەىەت مۇئەللىم!

ISMAT0701

HALIS1

	ئانا ھەققىدىكى بۇ غەزىلىڭىز خېلىلا ياخشى چىقىپتۇ،ئاپىرىن سىزگە.

mastana888

	بەك ياقتۇردۇم رەھمەت سىزگە ياخشى يىزپسىز

زىبا.

	شېئىرڭىزدىن   تارىم   دەرياسىنىڭ    شاۋقۇنى  ،   باھار  شاملىنىڭ   يەڭگىل    ئەللىينى  ھىس  قىلدىم   . رەھمەت    بەك   ياقتۇردۇم    ،

hadrat

	بەكمۇ ياقتۇردۇم ھەم سۈيۈندۇم .رەھمەت.ئانىلىرىمىزغا سالامەتلىك ھەم خوشاللىق يار بولغاي.

Bahadir717

	ئىسىل ....