تۇز: مۇكەممەل ئايالنى ئىزدەش

.tuz.

	ئەسسىلامۇ ئەلەيكۇم بىر ئەر ئۆمۈر بويى بويتاق ئۆتۈپتۇ ، چۈنكى ئۇ مۇكەممەل بىر ئايالنى ئىزدەيدىكەن . ئۇ يەتمىش ياشقا كىرگەندە ، بىرى ئۇنىڭدىن : ____ ئۆمرۇڭدە خوتۇن ئالماي شەمۇ-شە ئايلىنىپ يۈردىڭ ، قەشقەردىن ئاقسۇغۇچە ، ئاقسۇدىن كورلىغىچە ، كورلىدىن ئالتايغىچە ، ئالتايدىن شاڭخايگىچە ، شاڭخەيدىن شاڭگاڭغىچە ، شاڭگاڭدىن يەنە چەتئەلگىچە . لېكىن سەن ئۆزۈڭ ئىزدەۋاتقان مۇكەممەل ئايالنى ئۇچرىتالمىدىڭمۇ ؟ ھەتتە مۇكەممەل ئايالدىن بىرسىمۇ ئۈچرىمىدىمۇ ؟ ___ دەپ سوراپتۇ . _____ شۇنداق ، بىر قىتىم بىر مۇكەممەل ئايالنى ئۇچراتتىم ، _____ دەپتۇ بوۋاي قايغۇرغان ھالدا . ____ ئۇنداقتا نېمە ئىش بولدى ؟ نېمىشقا ئۇنىڭ بىلەن توي قىلمىدىڭ ؟ ______ ماڭا نېمە ئامال ، تولىمۇ ئەپسۇس ، ئۇمۇ مۇكەممەل بىر ئەر ئىزدەۋاتقانىكەن ، ____ دەپتۇ دەپتۇ بوۋاي ئېغىر خۇرسۇنغان ھالدا . بۇ تىمىدىكى ھېكمەت : بىر قىسىم ئادەملەر ، مۇكەممەل ئەر ياكى مۇكەممەل ئايالنى تاپقاندىلا ، ئاندىن مۇھەببەتلىشىش كېرەك ، دەپ قارايدۇ . مۇكەممەل بىرسىنى تىپىپ توي قىلىشنى ئارمان قىلىدۇ . ئەمىلىيەتتە ، ئۇنداق مۇكەممەل ئىنساننى ھەرگىزمۇ تاپقىلى بولمايدۇ . چۈنكى ئۆزۈڭمۇ مۇكەممەل ئەمەس ! مۇكەممەل ئايال ۋە ئەر مەۋجۇت ئەمەس.....                 ياخشىلىق قولىڭىزدىلا بىر كۈنى تۇيۇقسىز قاتتىق يامغۇر يېغىپ كېتىپتۇ . بىر ئائىلە كىشىلىرى ئەنسىزلىككە چۈشۈپ ھۆيلىدىكى بەزى نەرسىلەرنى ئۆيگە يۆتكەشكە باشلاپتۇ . كىچىك كۈنلىكنى تۇتۇپ تۇرغان بەش ياشلىق بالىسى چوڭلارغا ياردەملىشىش مەقسىدىدە بىر ئورۇندۇقنى ئۆيگە ئەكىرمەكچى بولۇپتۇ- يۇ ، ئورۇندۇققا كۈچى يەتمەي كۆتۈرەلمەپتۇ . يامغۇردا چىلىق - چىلىق يۆل بولۇپ ، ئاتىسىغا كۈنلىك تۇتۇپ بىرەي دىسىمۇ بويى يەتمەپتۇ . شۇنىڭ بىلەن ئۇ يىغلامسىراپ ئاستىغىنا « ئاتا ، مەن نېمەدىگەن كىچىك ، نېمىدىگەن ئاجىز ، ھېچقانداق ئىش قولۇمدىن كەلمىدى » دەپتۇ . ئاتىسى بالىسىنىڭ چۈچۈك گەپلىرىدىن سۆيۈنۈپ : « مۇشۇ ياخشى نىيتىڭ ، ياخشى ئىش قىلىشقا ئىنتىلىشىڭ ھەم جۈرئىتىڭ، سىنى ياخشى ئىش قىلىشقا يىتەكلەيدۇ » دەپتۇ . شۇ گەپنى قىلىۋىتىپ بالىسىغا قارىسا ، ئۈستى بىشى يامغۇردا چىلىق - چىلىق ھۆل بوپ كەتكەن ھالدا ، شىددەتلىك يامغۇردا سۈنۈپ كىتەيلا دەپ قالغان بىر تەشتەك گۈلگە كۈنلىك تۇتۇپ تۇرغۇدەك . ....... بۇ تىمىدىكى ھېكمەت : دېمەك ، سىز مەيلى كىچىك بولۇڭ ، مەيلى ئاجىز بولۇڭ ، مەيلى باي ، مەيلى كەمبىغەل بولۇڭ ، ياخشى نىيەت قىلسىڭىزلا ھەرگىزمۇ ياخشى ئىش قىلىشتىن مەھرۇم بولمايسىز شۇنداقلا سىز قىلىشقا تىگىشلىك نۇرغۇن ياخشىلىقنىڭ بارىلىقىنى  بىلەلەيسىز ھەم قىلالايسىز . سىز ئاددى ھەم كىچىك دەپ چاغلىغان ياخشىلىق ، چوڭ - چوڭ ياخشلىقنىڭ باشلامچىسىدۇر شۇنداقلا يىتەكلىگىچىسىدۇر ! ئۇلۇغلۇق ئاددىلىقتىن باشلىنىدۇ ...... مەنبە : ساغلام تەپەككۇر شىپاسى مۇنبەرگە ئاكتىپلاشتۇرۇپ يوللىغۇچى : تۇز 2015- يىلى -3- ئاينىڭ 4 - كۈنى ئەزىزانە شەھرى قەشقەر

ئھسان

	ئنساندارچىلىقتا 100%لىك يوق....ناۋادا بار دىيىلسە...100%لىك ئاللاھتىلا  بار...

hadrat

	ۋەئەلەيكۇم ئەسسالام،دۇنيادا بىر پۈتۈن مۇكەممەللىك يوقتە.2-ھېكمەت تەربىيەتلىك ھەم تەسىرلىككەن.ئەجرىڭىزگە رەھمەت.

izlayman520

	رەھمەت بەكلا ياخشى تىمىكەن....................

wisalay

	تۇرمۇشتا بىر كۆزەڭنى يۇمۇۋېلىپ،بىر كۆزەڭنى يوغان اچ دىگەن تەمسىل،بىرىنجى ھىكمەتكە چۈشىدىكەن.

گۈلخان＠

	دۇنيادا مۇكەممەل ئىنسان بولمايدۇ،  تۇرمۇش دىمەك بىر بىرىنى تەربىيلەش دىمەكتۇر

mihir

	مۇشۇنىڭغا ئوخشاش تەربىيىۋى ئەھمىيتى زور بولغان تىمىلارنى يوللاپ تۇرۇڭ . ھارمىغايسىز ،

bagmurat

	مۇكەممەلىك دىگەننى كاللىمىزدا كەلتۈرۈپ چىقىرىۋالغان ئەمەلىيەتتە مەۋجۈت بولمىغان نەرسە دەپ قارىساق بولىدۇ.

hanike

	دۇنيادا مۇكەممەل ئادەم يوق، شۇڭلاشقا بىر ئەسكى ئادەمنىمۇ ياخشى مۇكەممەل قىلىپ چىقىش پەقەت ئۆزىڭىزگە باغلىق.

azgankugul

	ئالتۇنمۇ 100% ساپ بولمايدۇ  . ئادەملەرمۇ مۇكەممەل بولالمايدۇ .